牧羊少年咖啡館 (白楊街)

Open Now

Now Closed

今日同朋友一位朋友食飯， 好彩我哋比較早到 ，大約七點鐘左右， 立刻就入到場， 但係由於冇book位，只能夠坐高枱， 所以都建議大家book位， 我哋之後嘅人就要等比較耐位先入到餐廳。我哋分別叫咗兩個dinner set， 嘢飲我就叫咗菠蘿芒果沙冰，酸酸甜甜好開胃主菜我哋分別叫咗一個牛肉漢堡同埋明太子大蝦意粉，先講講漢堡， size好大個， 麵包係黑色（ 我諗係竹炭包 ？）比較特別，肉扒多汁唔會乾身， 薯條係一般有薯條， 都炸到卜卜脆。至於意粉， 足料有5隻爽口大蝦， 明太子味唔會太鹹。最後就上朱古力蛋糕， 朱古力味好濃沃， 不過可能因為我個人唔係太鍾意食得太甜，所以食到後面就覺得甜左少少。Overall嚟講， 呢度環境幾好， 食物亦都唔錯， 同朋友坐耐啲，都唔會有畀店員催趕嘅情況。同朋友小聚都建議大家可以嚟呢間餐廳

晚上我們二人突然想起次次行經都見到好多人等候入座的餐廳~牧羊少年咖啡館，於是決心今晚排隊都要試。可能今日係星期一，唔係太多人輪候，服務員問是否已訂枱，我話無，佢話要攞飛，好好彩，服務員話我地係輪候第三張枱。噢！原來是可以訂枱的等候了約15至20分鐘，卒之輪到我們入座了，入面環境唔差，氣氛幾好，好多枱，地方尚算寬敞，行過時起碼唔會撞到人地張枱。我們被安排坐最入的卡位4人枱，這點我要稱讚這間餐廳，唔會因為係4人枱就唔按号碼叫座，2人都比坐。不過好好的環境被附近的食客打擾了，兩張枱的女仕們由我地坐低前高談闊論到我地埋單佢地都未講完，嘥晒餐廳氣氛坐下，看看餐牌，餐牌內既選擇都唔少，有pizza，有主菜，有......嘩，仲有扒。因為係第一次試尼間，我地卒之揀晚市套餐。套餐除左主餐仲包一杯餐牌內不含酒精既飲品同埋一件蛋糕。我地最後揀左明太子蝦意粉配凍原味coco朱古力，另外手工牛肉漢堡 + 薯條配菠蘿芒果沙冰。明太子蝦意粉~大大隻蝦，隻隻都好爽，好有口感， 明太子不是只係係意粉面，而係已經 與意粉拌在

「牧羊少年咖啡 • 茶 • 酒館」是一間以旅遊作主題的餐廳，店內有很多與旅遊有關的特色小擺設，更擺放了大量旅遊書籍，十分適合三五好友閒坐籌劃行程。 當然，小編今次造訪純粹為吃一頓午飯，餐廳所提供的額外旅遊資訊還是留待下回享用吧！每客午餐均附上一客「田園沙律」作頭盤，以胡麻醬調味，平實無華。 主菜「煙三文魚忌廉蘑菇意粉」雖然不是用上原整大塊的煙三文魚，但整體而言魚肉及蘑菇的份量倒算不少，味道豐富可口。忌廉醬汁的濃稠份量也恰到好處，均勻掛滿麵條之上，碟底沒有多餘的醬汁。純屬個人口味，追加多一點芝士味道會更佳。「菠蘿芒果沙冰」是需要加錢的特飲，橙黃色調洋溢濃厚的熱帶風情，食感冰涼透心，甜中帶酸味道清新怡人。 首次造訪「牧羊少年咖啡 • 茶 • 酒館」這間旅遊主題餐廳，雖然暫時用不上店內的旅遊資料，但也總算吃過一頓水準不俗的午餐。尤其有意籌劃旅遊行程的朋友不妨試試。