老川皇

Open Now

Now Closed

有時坐小巴，都會路經呢條街。呢間川菜小店特別 sharp 。皆因舖頭雖小，但門外經常都有不少人排隊，有街坊，有遊客，證明薯不簡單。今日又路過此地，時間尚早，唔多人喎，一於入去一探究竟。入面果然人山人海，好在仲有最後一張枱，立馬坐低咪遲疑。餐牌選擇超多，豬、牛、雞、鴨、魚、田雞、內臟、蔬菜乜都有。有選擇困難症的我們，當然叫枝藍妺，邊歎邊諗啦。藍妺大啤 $29 蒜泥白肉 $58頭盤叫左蒜泥白肉，上枱時以狐疑左一陣，大家你眼望我眼。Lasagna in Chuan style???你以為係肉醬千層麵？非也！其實係蒜泥白肉呀！超多蒜泥又夠辣，重口味，大愛呀！仲有好多青瓜絲墊底，夾住肥肉，入口即溶又絲絲爽甜，好正！干鍋菜花 $80蔬菜類我地點左干鍋菜花。有個小鍋㷫住，一滾起就火紅火綠咁，香味四溢仲有吱吱聲，著實色香味聲俱全。酸菜魚 $132酸菜魚夠大盤，魚片數量很多，尚算滑漏有魚味。可惜有不少碎骨，食起上來要小心點，食野唔好講野。酸菜很酸，湯底很香。叫左小辣唔算辣，喜歡辣的朋友可以叫辣D。或者轉攻水煮魚，應該都幾吸引。叫兩碗白飯，完美的一餐。

有內地朋友來港，想試試香港的川菜，平時唔多食辣的我，上網做下功課，搵到這間"老川皇"，睇相睇評價都不錯，一於帶他去試下。餐廳有數間分店，我揀左離朋友住的酒店不遠的佐敦店，來到餐廳裡面客人都不少，入到店內都已經聞到川菜的味道。看看菜牌，川菜的經典菜式基本上都有，我朋友選了幾款。四川凉面 $26份量不少好實在，上面舖滿花生，醬汁豐富，凉面質感爽韌，朋友說味道經過調較有香港風味，都幾好。涼拌萵筍絲 $34我在香港都比較少食到這款菜，用上涼拌就更少，我都唔識點，朋友叫我試試，食落口感又幾爽，食完辣再食這個凉菜中和下都幾好。蒜泥白肉 $58店員端上來的時間已經聞到陣陣蒜香，眼見上層舖滿蒜蓉醬汁，夾起肉原來都好大片，而且份量好足，朋友都說少見咁大件的蒜泥白肉，入口蒜香味極濃，愛蒜的朋友超喜歡這道菜，底下還有大量的青瓜絲，配上蒜醬汁，又辣又爽。魚香肉絲 $68最後叫左個魚香肉絲送飯，整道菜帶油香，肉的份量好多，肉質都嫩滑，而且味道帶點微甜，炒嘅火喉好夠，我喜歡這道菜。朋友說這家餐廳性價不錯，很有風味，下次會再來食其他菜式。

同BB同事一齊去佐敦食飯。當然又係食辣野啦！今次試吓呢間係佐敦嘅四川菜。等左大概10分鐘有位入去，唔算太耐。菜式，其實同大部份川菜都差唔多。我哋叫麻辣薯粉、水煮牛肉、蒜泥白肉、夫妻肺片、一碗麵、仲有非常解渴新力啤酒！一開始，薯粉已經嚟咗。佢嘅話真係非同凡響，我本身好食得辣，但係我男朋友同我都食到標晒汗都好，馬拉嘅味道係口中不停徘徊。起初你會覺得冇乜特別，但後勁非常強勁，麻辣感覺會在口中不停迴旋、昇華。木薯粉的辣油亦相當吸引。如果喜歡辣的朋友，會好似我男朋友咁，另外叫一碗白飯，配上湯汁一起在吃。非常過癮我同事叫果一碗麵，反而唔係太辣，需要由我嗰碗分一啲湯汁給他吃其他配菜，做得非常出色。難怪少少嘅店舖，整個晚上都會滿座。我叫左凍金橘檸檬，但我男朋友堅持要飲新力啤酒。他說新力啤酒，有獨特的口味，非常解渴，食麻辣湯麵的時候，特別配合。買單四個人$445抵食到爆

朋友介紹話呢間食四川野又平又抵又好食，咁就特登去試吓啦。間鋪細細地，地方唔大，啲位有啲窄。但係感覺好地到，好似真係去左四川咁。成個menu 都係紅色，全部都係辣椒，鍾意食辣gei真係睇見都好開心😋佢每樣菜色都可以揀大中小辣，因番自己程度去揀。我地唔算好食得辣野，所以全部都叫小辣算。叫左幾個前菜，蒜泥白肉，椒浸雞腎，個雞腎第一啖食落去好似怪怪地，但係越食越好味喎。而蒜泥白肉就比較厚，睇相好似好多大碟，但下面全部都係青瓜，不過啲青瓜勁好食，唔洗另叫手帕青瓜😂主菜當然唔少得水煮魚啦，不過嗰日水煮魚賣晒，得返水煮桂花魚，就貴少少，不過啲魚真係好滑，同埋勁大煲勁多魚肉，4個人都食唔晒。（咁當然我地仲叫多左幾樣野）同埋睇相好似好多辣椒，但係我哋揀小辣，食落就真係唔係好辣，下次可以挑戰下中辣😍其他餸就帶咗一個手撕包菜，一個孜然羊肉，一個炒乾扁豆，同埋一碗酸辣粉再加白飯。其實四個人真係叫得太多。 個手撕包菜就有小小太咸，而個羊肉就第一啖冇乜味，但係食食吓又ok,所以大家食之前最好撈一撈佢。食物都算幾好味，鍾意食辣就真係會好開心，而份量都算幾大份，要叫多幾個人一齊食就可以哭多幾樣野試喇。不過上菜時間就有