Give Me 5 (Closed)

呢間餐廳一早已經bookmark左好耐要過黎食 見佢既午餐又平又正又抵食 一定要黎試下 晚餐仲正 有得仼食燒海鮮 今次咁岩去開附近買野 就試下佢個lunch先 下次先再黎食晚餐 餐廳同地鐵站既距離都好遠下 要行十至十五分鐘先到 出Mtr開源道出口 一路直行 見到鴻圖道轉左 再直行到尾再過馬路就見到 餐廳都好大 座位好闊落 今次可能係食lunch時間 啲卡位已經坐滿晒 得返中間啲枱 不過都好大張枱 坐落好舒服 我地兩個人都係揀左食扒 澳洲肉眼扒配燒蒜汁 仲會有埋薯條 肉眼扒賣相唔錯 幾大塊 切落都好易切 食落好淋身 唔會太多筋位 基本上成塊都食得 味道唔錯 薯條係粗薯條 食落熱辣辣脆卜卜好好味 另外每個餐仲會跟返一杯咖啡或者茶出面既自助沙律吧都有幾多野食 有沙律菜同埋好多配料醬汁俾你自己撈 有餐湯 有蒜蓉包 呢個蒜蓉包係必食 食落仲係脆身既 好香好重香草蒜蓉味 真係好好食 仲有啲水果甜品雪糕 有紅酒白酒仼飲整體黎講 環境唔錯 好大好舒服 食物多選擇 仲幾高質 價錢又平 下次會黎試下晚餐 值得一試

Give Me 5 @ Kwun tong - 六折享用二人套餐⁉️好耐冇同男朋友出街食晚餐 知道最近觀塘哩一間西餐廳推出特别二人套餐 仲有六折優惠！即刻想要試試佢👍🏻距離地鐵站大概7-8分鐘 唔算好遠 唔難搵 環境非常闊落 檯與檯之間有充足距離 裝修有港式西餐廳嘅感覺 職員有禮貌 整體感覺唔錯🙌🏻Special set dinner for 2 person $440 ($377+10%)·Smoked salmon salad 好大份 煙三文魚捲成🌹嘅形狀 賣相討好 而且口感結實 生菜爽脆 都算新鮮👍🏻·Daily soup - Borscht羅宋湯酸酸甜甜 配料多 略嫌多油 飲落好膩口🙌🏻·Australia Rib Eye Steak (8oz) with Wild Mushroom 我地叫左medium但係食落似medium rare 可以熟翻少少 油脂分布平均 肉質軟嫩而且充滿肉汁 絕對對得住佢個價👍🏻野菌汁頗香濃 唔會蓋過牛嘅鮮味👍🏻·Italian Style Sicilian Sauce Spaghetti with Fried Soft Shell Crab 成餐最有

昨晚與朋友吃晚餐， 到觀塘Give Me 5， 餐廳環境舒適， 坐低不久，店員主動畀酒精搓手液我哋消毒雙手，抵讚！晚市套餐好超值喎， 半價後只需$314， 套餐有沙律、是日餐湯、 頭盤、意粉、甜品和飲品。😀支裝汽水就一定是我最愛的選擇。羅宋湯和蒜蓉包～ 蒜蓉包香脆，蒜蓉味濃郁， 羅宋湯有好多雜菜，足料。鮮蝦雜菜沙律～ 雜菜沙律新鮮， 蝦肉爽甜。美國斧頭豬扒配玉米糕伴蘋果蓉黑醋醬～ 厚切啖啖肉美國斧頭豬扒， 有豐富肉汁一d都唔乾身， 配清新的蘋果蓉黑醋醬， 推介必點。溫泉蛋卡邦尼意大利粉～ 流心溫泉蛋， 加上 香濃卡邦尼意粉， 好美味。藍莓芝士杯配慕絲蛋糕～ 最後還有美味的藍莓芝士杯和香濃朱古力味的慕絲蛋糕做甜品。平時食開午市， 估唔到晚餐質素都甘好，是 一間觀塘區有質素的西餐廳。👍🏻

上年家姐生日嘅時候，我帶咗佢黎觀塘呢間Give Me 5食西餐做佢嘅生日飯。呢間樓上餐廳十分寛廠，餐廳入面仲有飛標玩添！環境衞生空間又好大～雖然已經係上年食，但一睇返啲相，即刻記得呢間好食又充滿驚喜嘅餐廳！我哋叫咗一個豬肋骨一個甜品，轉做晚餐仲加沙律、餐包同忌廉湯。蒜蓉包、周打魚忌廉湯、沙律都十分精緻。我哋特別鍾意個湯，濃度啱啱好，而且仲有啲脆嘅餅係面，口感豐富。美式碳烤豬肋骨配燒烤汁（$168）豬肋骨上枱嘅時候我同家姐都嚇咗一嚇！哇！竟然咁大份！仲以為會同大部分樓上餐廳一樣，食物吸睛但份量好少，估唔到呢度係兩者兼備！而今味道十分之好，BBQ醬好濃厚，重口味嘅我比滿分！不過冇咁重口味嘅人都可以自己落少啲醬咖ＸＤ呢個餸仲有薯角同伴菜一齊上，兩者份量都大到十分驚人！鮮果窩夫配雪糕球（$68）完全估唔到連個甜品都咁大份…今次真係嗌得太多嘢…我同家姐食完蒜蓉包、周打魚忌廉湯、沙律同豬肋骨其實已經八成飽，呢個咁平嘅窩夫竟然有八塊！我塊圓形嘅窩夫圍住一個雪球同一啲生果，擺放得超靚。窩夫又熱又脆，加上凍同甜嘅雪糕簡直一流！呢個絕對要encore，好好食呀！

相約咗一班朋友去觀塘嘅工廠大廈玩啲團體嘅遊戲活動咁玩之前當然要醫下肚先玩啦 玩完都好夜架喇應該咁原本去咗第二間 諗住wall in 但佢話full booking 所以唯有走人 去第二間咁我地就去咗呢間叫give me 5 嘅西式餐廳因為我地比較早到 所以呢到係冇乜客 不過我地食完走人個陣 呢到都唔算有好多客嘅蒜蓉包我地一行六人行 佢比咗六個蒜蓉包比我地食一般般 話脆唔脆 蒜蓉味都唔算特別濃味 算係不過不失德國燒豬手配黑椒汁豬手唔錯 但佢話燒烤 但燒烤味唔濃個黑椒汁比較辣 但佢個豬手啖啖肉嘅比較其他餐廳呢個算唔錯 但未到最好 因為曾經食過深水埗某大排檔嘅黑椒豬手 個間真係出色但呢間都係合格之上日本熊本霜降西冷牛扒(10oz)配野菌燒汁我地就點咗五成熟 但唔似五成 佢煮得好熟下但個西冷質素唔錯嘅 入口感覺好好 肉質鬆軟 但肉味欠奉 黑松露野菌意大利飯好一般嘅意大利飯黑松露味冇乜 飯都係一般般 整體唔算太好炸軟殻蟹煙肉卡邦尼意大利粉但軟殻蟹比我想像中好味炸得唔錯 軟殻蟹唔算出眾 但比預期好但意粉一般般 但材料都算十足香辣燒烤醬雞肉pizza個pizza 比較辣呀真係 味道酸酸甜甜咁但我覺得

今日，家裡只剩下我和哥哥兩個吃晚飯。我們就走到觀塘的工業大廈試吓，諗住環境會比較清靜，而且想支持一下隱世的秘密美食。今次我們就來到位於鴻圖道90號5樓的餐廳，give me 5，主打是西式意大利菜。這裏環境很寬敞，很大，近窗的玻璃可以一覽觀塘的街景。這裡坐得舒適，有不少卡位，更有很多長枱可以供一行10多人用膳。我和哥哥分別點了兩個主菜，一個是牛扒，另一個點了意大利飯。我們把牛扒加了＄80轉成套餐，包括了餐前麵包，餐湯，前菜和甜品。麵包這個是香脆的蒜蓉包。麵包脆身，蒜蓉味很香，蘸上餐湯也不錯。周打魚忌廉湯這個湯很濃稠，入口順滑，味道香濃，而且有些少蔬菜粒，感覺清爽。上面灑上些少香草，令個湯更加香濃，更creamy的感覺。蜜瓜西班牙火腿配黑醋汁沙律蜜瓜西班牙火腿是西餐之中經典的前菜。蜜瓜的香甜加上西班牙火腿的鹹香，味道很登對。火腿不會太鹹，蜜瓜爽甜，吃得出很新鮮。新鮮的沙律菜用了黑醋汁作調味，爽脆之中帶有酸酸甜甜的味道，很開胃。美國安格斯肉眼扒配野菌燒汁＄288這個肉眼扒大約七成熟，外面煎得香，內裏仍然保持粉嫩的顏色。把它輕輕切開，能看到牛肉一絲絲清晰的紋路。牛扒帶有幼筋，有嚼勁。牛味香濃

餐廳位於工廠區內，地點距離觀塘地鐵站比較遠 。餐廳面積很大，有些卡位還可望到海景，客人還可玩飛鏢和打桌球，侍應招待也很好。蜜瓜西班牙火腿配黑醋汁沙律西班牙火腿也幾鹹香，哈蜜瓜切粒粒上碟幾特別，沙律菜也很新鮮。周打魚忌廉湯可惜餐湯和蒜蓉包都只是普普通通。香煎紐西蘭羊架配薄荷燒汁 原價$188的羊架加$80可轉四道菜套餐。一客有三大件羊扒，有少少羶味正合我意，我們要求四成熟，廚師烤得剛剛好，肉質鮮嫩又很入味，配上薄荷醬令羊架很美味。安格斯牛小扒伴虎蝦伴香辣燒烤汁 虎蝦新鮮也煎得很香，但略嫌熟了一點，牛小扒雖然很薄身但仍然能煎至中間是紅色，很是難得，加上香辣燒烤汁調較得很惹味，整體上是不錯的。芝士餅配雪糕甜品賣相都可以，但可能我對甜品的要求很高，所以芝士餅未能滿足我的要求。Cappuccino 加$10便可轉飲特式咖啡，咖啡味也很濃。

隨著越多辦公大樓搬遷至觀塘，食肆也就越開越多。以前覺得麗港城好像很偏僻，華嫂冰室卻已開在麗港城對面馬路。這次跟住麗港城的朋友們飯聚，選址近她的地方，我又有直接巴士回家，非常方便。還以為觀塘大多是工廈餐廳，原來這家是在一棟式大廈裡，大多層數都是餐廳。這家Give Me 5佔了整層，空間很大，還有飛鏢機。我們很幸運地被安排到坐在靠窗的卡位。最重要是有觀塘繞道的夜景，是另類看到維港的地方，原來也很醉人。餐牌的主食、意粉和飯都有兩個價錢，一個是單點價，另外是4 course set dinner的價錢，百多至二百多元不等，都很合理。是晚沒有很餓，所以每人單點了一個主菜。先來附送的蒜蓉包，熱辣辣，烤得香脆富牛油香。全部食物都是即叫即做，所以我們也等待了約二十分鐘才有得吃。但端上來的食物新鮮熱辣，也就很值得等了。兩個主菜先來，分別是珍寶美國牛肉漢堡伴薯條和美國安格斯肉眼扒 (8oz) 配野菌燒汁。炸軟殼蟹煙肉卡邦尼意大利粉也隨即而來，來得及拍了個大合照便開動了。令人最期待的牛扒最考廚師的火候與功夫，果然也沒有令我們失望。牛扒外層用網烤至焦香，8oz的份量也沒有欺場。牛扒調味得宜，簡單下了鹽和胡椒，

月頭出o左糧，又係時候擦番餐好！上次都介紹過另一間觀塘工廈o既cafe，我今次試呢下個give me five。餐廳係間restaurant bar，入到o黎見佢有成層咁大，地方好闊落wo。 有一整排近窗o既卡位，部份仲可以望出出面維港，景色優美。內裡o既格局帶點水手同西部牛仔theme，其中一角放o左兩檯飛標機同一張snooker 檯俾d 客娛樂番下。驟眼所見，一家大細o黎聚餐同放o左工o既打工仔o黎吹下水都有，客源都幾廣~我自己呢就o係炸軟殼蟹煙肉卡邦尼意大利粉，同香蒜辣椒白酒煮蜆配意大利粉(都係單叫$108，set dinner 就$188，未加一) 之間爭持o左好耐，最後決定叫前者，連埋set 會係個未計主菜o既4-set dinner。Order o既時候侍應話可以再加$10 叫隻生蠔，其實真係好抵，不過較早前個tea 未完全落格，有d 驚食唔晒，所以可能next time 啦。前菜蜜瓜西班牙火腿配黑醋汁沙律，塊火腿係巴馬風乾o個種火腿，會有種自然o既鹹味；個沙律則比想像中辣，好在有番d 甜o既蜜瓜粒中和下。餐湯係周打魚忌廉湯，帶點淡淡而唔腥o既魚味，仲有一片蒜蓉包，而就算係

星期六看完電影後，apm 商場人來人往，我最怕人多要等位，所以就寧願走遠一點，來到觀塘工廈內的Give Me 5吃午餐。環境雅致，還有午間柔和的陽光滲入餐廳，使整體室內風格和諧溫暖。場內設有飛鏢機和桌球台，有得玩又有得食。所有午餐均有供應任食沙律吧，這個價位來說，可以說是超抵食！全部餐湯、沙律吧、甜品和紅白餐酒都是任食任飲，款式雖然不算很多，不過一直都會有店員refill。平時外出進餐經常多肉少菜，沙律吧就可吃到大量新鮮蔬菜，清新爽口，健康又開胃。蒜蓉包烘得香脆，不會烘得過於乾硬，不過蒜香味就略為淡了一點。羅宋湯味道濃郁，雜菜下得頗足料。香煎豬柳蘋果燒汁配寬條麵 $88原來主菜份量亦不少，豬柳肉質不會太韌，而且煎得香口帶焦香。黑胡椒燒春雞配薯菜 $88雞皮不會過厚，烤得香脆，雞髀肉夠嫩滑，配上黑椒醬格外惹味，不會過辣而蓋過了食材的原味。薯角炸成金黃熱辣辣，表面酥脆，肉心軟綿細密得似薯蓉。吃完主菜和沙律已經極度飽，不過吃甜品的又是另一個胃~ 個人推介芒果mousse 蛋糕，帶有清甜果香，質感綿密細膩。還有牛奶布丁和雜果啫喱，真是吃到超飽足的一餐！午餐亦包括餐飲一杯。

觀塘工廈區有好多隱世食肆，今晚到左give me5試下佢地既西餐，呢間餐廳有環境非常闊落，近窗位置可以遠眺麗港城以及維港景色。所以唔少食客都鍾意早早到來選一個窗口位睇風景。我6點已經到左選好靚位，餐廳地方閣落，夠放大量座位，甚至有桌球檯以及飛鏢機，無論係二人世界或者一大班朋友開派別都絕對無問題。現在餐廳做緊啤酒買二送一，而由於今晚係萬聖節，佢地都推出萬聖節優惠，$250一位價錢可以任食小食及紅白酒等等。生蠔亦做緊優惠，$10有一隻紐西蘭生蠔，之後我都點左4隻。點菜後，侍應送上蒜蓉包，食落又香又脆。harty 生蠔($40)中型大小，入口銅味及海水味不算太濃，容易入喉，味道清新，食落後段蠔味濃郁，價廉物美。香辣單骨雞翼($48)少辣，皮炸得很脆，肉汁頗多，風味十足。點上醬汁更惹味。多國風味腸($58)兩款腸提供，白腸肉質較滑，紅腸肉汁較多，各擅勝長。墨西哥薄餅配蕃茄沙沙及牛油果醬($60)薄餅內有洋蔥和芝士非常香口惹味，又脆又軟熟薄餅點上兩款風味醬汁特別醒胃，食完不覺有半點肥膩的感覺。炸軟殼蟹煙肉卡邦尼($108)軟殼蟹好大隻，大到成個碟咁，而外皮炸得很脆，一切開一咬又多汁。意粉煮得軟，

朋友知道我係觀塘番工，所以專登搵番觀塘區食飯！😊搵左give me 5這家餐廳，環境舒適寬闊！好適合一大班朋友眾會，有飛標同桌球娛樂一下，放下繁忙的工作！😌坐下來好口渴就見到啤酒買2送1，所以每人飲左一杯青蘋果味1）生蠔店員推介生蠔特價優惠，頭6隻$10一隻，之後就$15一隻，好低食！！！味道方味比較淡味，無腥味亦無海水味。2）炸魚薯條😍香脆魚柳好美味，如果覺得太熱氣可以唔食外皮食入面d魚柳會比較好；薯條不過不失。3）香蒜辣椒白酒煮蜆配意大利粉😋意粉味道香濃，陣陣香蒜辣椒味道，好喜歡💓蜆肉肥美4）抹茶朱古力心太軟😻到時最期待的甜品，一黎到就急不及待，切開佢好流心又濃郁, 味道好香濃, 仲配上抹茶雪糕👍🏻

物價高漲，租金上升，要找到價格相宜的店舖開餐廳確是不易，故於工廈開餐廳已成為大勢所趨，相對來說租金應該較便宜。今天為與好姐妹慶祝生日，特意找了一些工廈餐廳，看到這裡看似不錯，便來到這裡相聚一番!這個地方離地鐡站稍遠，較為偏僻，不易找；幸好一上到餐廳後，看到地方寬敞，環境舒適，總算不枉我們走了兩三個街口，也很值得! 餐廳的座合很多，亦有大銀幕播著音樂，有吧枱，有射飛鏢，頗適合一班人開派對聚會。我們被安排坐到近窗的梳化位，能看到海景，令人心曠神怡。晚餐有Set可提供，如set 不合意，亦可散叫食物；食物選擇種類不少，總會有一款適合你的。最後我們決定散叫自己喜歡的食物，3個人選了一碟小吃，一客沙律，一個主菜，和一款甜品。小吃是墨西哥薄餅($60)，伴上牛油果和蕃茄沙沙醬。剛上桌時熱辣辣，但被我們拍照太久後稍涼。餅皮煙韌，包著蕃茄洋蔥粒，像羅宋湯的酸甜味道，頗為滋味。有兩款配料選擇，牛油果醬香滑，個人偏愛蕃茄沙沙，甜中帶辣，十分惹味!再來是鮮果沙律配芒果乳酪汁($78)。水果配料十分豐富，有橙，哈密瓜，奇異果，蘋果，紅莓，藍莓，鮮甜美味，還有爽脆的蔬菜，拌入酸甜的乳酪汁，清新開胃，是不錯的前菜

平日成日都會去觀塘飲茶，有日經過睇到大廈外層多左個Give me 5嘅logo，就知道又有新餐廳進駐觀塘了，決定搵晚上放工去試一試新餐廳一上到去見到餐廳地方大，好寛敞，好欣賞佢地環境好舒適，餐枱之間有一定距離，可以擁有一個屬於你同朋友嘅空間！呢點好重要，因為草根姐妹一向好怕焗促嘅環境，有時要影相又驚阻到其他食客，呢到就完全冇呢個問題！部分梳化卡座仲可以睇到海景，環境真係一流！客人除左有一個舒適嘅用餐位置，餐廳仲有擲飛標機（$5/一局）同免費桌球玩，好適合一大班朋友同家人聚會。近門口有好大個酒櫃，睇嚟餐廳有拎酒牌，中意飲番2杯嘅人唔洗驚冇紅白餐酒飲啦，餐廳仲有餅櫃，但見到當日只有一款蛋糕，一問之下原來餐廳特別有個甜品師傅駐場，不過餅櫃剛到，遲d會推出多d cake店員好快為草根安排座位，服務態度好友善，又有禮貌，即時己經大大加分。遞上餐牌後，又會主動推介餐牌嘅美食同餐廳特色主打，未食己經令我地加強信心，睇嚟今日冇去錯餐廳了！今晚叫左一個前菜，2個主菜同2個甜品。店員仲同我地講而家做緊優惠，可以任叫$10一隻生蠔，價錢咁抵當然要試下，所以又再加點2隻生蠔。點餐後隨即送上Welcome fo