名點屋

Open Now

Now Closed

我個人比較心急，食嘢都好快🤭要我去酒樓坐個幾兩個鐘我會無咩耐性😂加上疫情期間都唔想去酒樓依啲高危地方(始終太多人除底口罩高談闊論🙊) 名點屋依類速食點心店就啱曬我，快靚正‼️燒味點心二人套餐 $228 真心好抵食🤤燒味拼盤👉見一份例牌燒味都要7、80蚊，揀左最貴既叉燒拼燒鵝，叉燒好淋好夠味，燒鵝既皮脆卜卜，好新鮮!!名點燒賣王👉好喜歡名點屋既燒賣比較少肥肉又多蝦，好彈牙😬食過有啲酒樓既燒賣全舊都係肥肉，仲勁多味精，食完口渴到呢...排骨蒸腸粉👉布拉腸粉超級滑，唔係好識揸筷子既我要夾都有啲困難🙈排骨數量算多，味道就不過不失啦🤓上湯浸菜心鳯爪排骨煲仔飯👉依個煲仔飯好足料，3個人食絕對都足夠!! 鳯爪較排骨出色，煮得好淋好入味😋本身唔係太鐘意食鳯爪既我都爭住食😜煲仔飯既底仲好脆卜卜既飯焦，好滿足🤤甜品/飲品x2👉揀左芒果布甸+桂花杞子糕味道正常啦，始終唔係甜品店，要求不能太高😉PS 同場加映花枝釀茄子、蒜蓉蝦春卷都勁好味，依間一定會再幫襯👍

我同老公鍾意飲茶，有時夜晚都想飲茶，飲夜茶當然要黎到我地成日幫襯嘅名點屋，呢到嘅點心都係即叫即蒸，上枱時一定係熱辣辣，餐廳環境比較新派，不是一般舊式茶樓嘅格局餐廳採用茶包沖茶，普洱味道的確係唔夠舊式酒樓咁濃味款式唔算好多蒜蓉蝦春卷熱辣辣，炸到脆卜卜好味啊路邊豬腸粉腸粉十分滑溜，配搭埋混醬間直係人間美食花枝鮮蝦韭菜餃韭菜味濃，但略為油膩左少少流沙奶皇飽雖然上枱時係熱辣辣，但餡料唔夠流沙，不過味道搭夠，唔會太甜山竹牛肉球牛肉球係我嘅至愛，軟硬度適中茶芥每位$6，唔洗加一，埋單$151。

此鋪位上手餐廳是HK Diner，由開業到結業我都無幫襯過。XD它結業後就飛快地有另一餐廳頂上，那就是由海天花園酒家名廚主理的點心店，因為上年到過海天花園酒家吃點心，點心大多都好好好吃，所以我對名點屋都抱著相當大的期望。上午十點來到未見有人流，店鋪只是一條直巷，兩排枱櫈一左大右，全店大約可容納約50人。收銀員見到我便前來帶位，她要我坐梳化位隔離的一張加枱，我發現這個位置應該是放碗櫃，看來是沒櫃放就轉放張枱吧﹖收銀員行開後，我見到周圍都是吉位，但我沒有自行走去坐，而是出去向收銀員說："其實我唔趕時間，我等下一張2人位喇"。一會兒後，她對我說："入面大把位，你自己揀啦"。(我：...)之後看到其他客人都是自己揀位置坐的...枱面上鋪了餐紙及放上餐具，還有調味醬料樽及一桶點心紙。坐下後，店員就遞上一個熱水壺，原來並不是滾水而是普洱茶，別無他選...我不飲普洱的但無辦法下都照飲吧。期間聽到收銀員和熟客說才知道由6月9日起店內就會增多幾款茶類。(!!!)點心款式比預期之內少，基本酒樓都會提供的點心，如粉果﹑牛肉球﹑小籠包等，另外有些是十點半後及晚市才有，而價錢會較一般酒樓貴，不過免加一都可以慳返