百味川 (Closed)

葵涌廣場消費又低，又成個迷宮咁，行下食下最o岩打發時間。呢間粉麵睇門面，同其他檔口級數似乎差唔多，都係d 下欄o野，但幫襯完之後，卻發覺甚有驚喜，可謂禾稈冚珍珠~首先粉麵呢d 餐廳都係快食快走，人客出出入入，又點菜又埋單又清檯，侍應都咪話唔忙唔大壓力，有時難免對d 客人態度會不太良好。但係以我觀察，呢度o既侍應係好客氣，就算個客yap o左佢埋o黎先逐個餸「er…er…er」咁諗，都面不改容，仲係好和善。呢度o既粉麵只需叫兩個餸就已經送o野飲，出面同級o既麵檔，好多時都係要另外例如半價加配飲品咁。如果外賣自取，會再打九折。我見佢牆上仲寫住夜晚十點後八折添！間鋪好似開到十二點~我點o左一個三餸自選米線 (total $55)。豬腸係我食車仔麵呢類必點o既o野；芥未沙律球純粹貪得意所以叫，其實就係爆漿海鮮丸，唔係好重wasabi 味，都幾好食。最後一個就係我覺得好抵o既香煎雞扒，另上o既，只需要$12！你當係小食都好。湯底o係o個堆酸辣、麻辣、沙嗲等等之中，只係揀o左清湯，大約就係一般雪菜肉絲o既味道，唔算話好特別。不過有樣o野我好喜歡，就係麵底可以揀淮山麵而且仲係同價！口感比普通米粉爽口

去到葵廣，唔想掃街，想好好咁座底食餐飯，見佢D位幾闊落，就入去座底，之後先發現佢叫百味川，因為今日喉嚨唔舒服，怕食辣會死，差D想起身走，點知友人話佢有好多唔辣嘢阿媽教落蒜可以殺菌，我一於食蒜泥白肉同蒜香皮蛋厚切白肉，雖然片數唔多，但口感豐富紫薑皮蛋食得多，蒜香真係第一次，估唔到又非常夾喎！友人陪我一齊唔食辣，佢食招牌菜百味鮮茄魚淮山麵，見佢有好多魚肉，佢話幾嫰，冇骨我就食清淡D，自選竹笙，肥牛，腩肉，貢丸，豆卜配清湯。材料新鮮，湯底清甜。希望食完快D好。

葵廣，大家第一時間係會諗起掃街，掃街係就係可以食到唔同種類既野，但好難確保都好食，係呢度竟然俾我搵到間好野食！麵食為主，價錢都唔貴，有少少野要留意返就係百味酸菜魚、百味鮮茄魚、百味鮮茄仲有家鄉紅燒肉米線都唔可以換湯底，我十分欣賞廚師有廚師既堅持！呢碗係珍寶百味過橋米線，我就加左酸辣同轉做淮山麵，淮山麵好幼身好入味，真心推薦！而且份量十足，咩配菜都至少有兩件，龍蝦丸係鮮味貴既個種（相信大家平時打邊爐就知有時會買到伏既龍蝦丸）皮蛋排得好靚，擺盤既分已加！朋友自選左麻辣同紅燒肉竹笙淮山麵，我食左啖紅燒肉！真係嘩左出聲，好好食！絕對係肥而不膩，入化即化。原來係葵廣都食都咁高水準既紅燒肉，太驚喜太開心太滿足！我好少讚成咁，絕不誇張！

慘慘又抽到返夜地獄更😵趁未落地獄前一枝公去吃個最後的午餐先🙈百味川位於葵芳葵涌廣場地下喺葵芳站D出口行過去亦十分方便呢間小店既裝修簡約但不遠處已聞到陣陣香味的確吸引到唔少附近街坊黎捧場😆小店夠哂地道之餘店員亦好親切主動介紹唔同推介餸菜小食😋最後我叫左川香乾拌麵套餐同埋蒜香皮蛋麵另加兩款配料鹵水蛋同埋豆卜川香乾拌麵套餐本身已有豬頸肉、青瓜絲、枝竹同埋貢丸仲有鹹香既炸醬肉碎！因為小弟太餓關係另外加餸😆加左鹵水蛋同埋豆卜豬頸肉煮得好入味而且肉質夠嫩滑鹵水蛋亦好有鹵水香煮得一啲都唔馬虎其他餸菜都各有千秋而拌麵配合秘制醬汁亦十分開胃蒜香皮蛋秘制醬汁好開胃配合濃郁生蒜蓉一齊食係配佳配搭另外留意返皮蛋有好特別既雪花圖案❄️好食之餘又具有美感！