坡椰坡囉咪

Open Now

Now Closed

收工覓食， 見個名幾得意， 價錢唔貴， 無加一，有多款套餐揀， 環境光猛溫馨。♡海南雞飯套餐 $81加$8轉脾位， 肉質鮮嫩，套餐仲跟左湯及生菜，營養均衡嘅一餐。♡焗咖哩農夫包(大) 配 咖哩牛脷 $90麵包烘得好脆口， 頂個片塗滿牛油，勁正，配合獨門秘方小印度咖哩，開胃惹味，牛脷份量好多，每塊都好厚好軟腍。♡蒜香雞翼（5隻） $60金黃色炸得好香，另外配蒜香辣醬，呢個食法第一次。♡凍爆泡拉茶（跟餐$15）現場可以望到水吧拉，份量真係多到爆出黎，偏甜嘅泰式奶茶口味。♡凍美祿恐龍 $25新加坡特飲，冰鎮美祿加美祿粉，非常濃郁， 仲有棉花糖粒， 似高濃度棉花糖朱古力。

坡椰坡囉咪，灣仔近期幾有名氣既新加坡餐廳✨個名都好特別，新加坡菜近年香港都多左人食，好惹味既南洋風味，店舖光鮮幾靚，價錢係灣仔黎講幾抵，主打咖哩農夫包、肉骨茶、喇沙等等，好吸晴😍馬拉肉骨茶套餐，超豐富，未上枱已經聞到既香氣，好濃既藥材味，果然係馬拉版🇲🇾一飲，除咗大排骨、冬菇，仲有桂圓肉、杞子，真係好足料🥳望落細細碗但有成三大舊骨，預備埋辣椒豉油，正👍🏻成個餐仲有包埋生菜，好整齊，包夠食🍱食星馬菜，梗係叫返杯拉茶試下，咁啱坐係水吧前兩個位，真係望住人手即拉，不過都唔夠送黎既時候咁爆，真係滿瀉住上😯號稱拉茶瀑布果然真係好瀑布🌊飲落口感夠順滑，茶味幾濃，相當好味😋加個蒜香雞翼，好飽滿既雞翼，一咬就好有肉汁，蒜味好香，有啲蒜痴住係雞翼皮，好好味既雞翼😘相當有實力既星馬餐廳😌店員服務亦好有耐性講解，仲有好多野都未試，好值得返啅😎食完就即刻想再食