Cafe Paradise (砵蘭街) (Closed)

太子呢間餐廳我都已經嚟過幾次，就係貪佢啲嘢好食，價錢亦都非常相宜。今日就揀咗午餐時間嚟。點餐後，首先嚟嘅就係佢嘅餐湯，今日係薯仔煙肉忌廉湯，香濃可口。今日揀咗食鰻魚飯，原條鰻魚超巨型，蓋過整個白飯，賣相尤如一件超級超級大嘅鰻魚壽司，上面再淋上饅魚汁，旁邊伴有少許沙律菜，非常滿足！另外今日揀選咗西冷牛扒配薯菜，牛扒都係超巨型，肉質夠晒淋，而佢嘅薯角係新鮮炸起，已經有調味，所以唔使點茄汁都已經好好味。炎炎夏日，最啱飲番杯凍飲，而呢度跟餐叫特飲只需加$10，冇理由唔轉特飲啫！我同朋友就揀咗黑牛同埋玫瑰朱古力，兩杯都非常之可口！我就係鍾意呢度食物夠高質素，價錢平民仲唔使加一，真係好抵食！

前排下午經過附近做野，做完野之後友人就帶小編去附近醫肚，就去左呢間西餐廳食lunch佢個位置好近地鐵站，行幾分鐘就到，十分方便店舖門外裝修得以白色同迴轉木馬，好童話feel餐牌仲會用摩天輪咁設計，好有心一打開呢個餐牌真係好吸引， 有個立體既迴轉木馬好岩打卡用午餐有9款，有哂飯意粉沙律牛扒既選擇咁同友人就一於一人一個餐午餐包個餐湯，係小編中意既蘑菇湯，好濃郁蘑菇味同細滑小編係個鰻魚控，比個原條鰻魚吸引左，一上枱個下真係好吸晴岩哂鰻魚控同打卡鰻魚好厚身肥美，食落好有口感，而且燒得香脆，食落外脆內嫩，個蒲燒汁香濃帶甜，拌飯一齊食好惹味仲有少份沙律作伴菜，可以一清食哂成個鰻魚飯既飽肚感友人就叫左個龍蝦汁意大利燴飯，龍蝦汁香濃同滲哂入每粒飯中，意大行飯食落好有煙韌而且比目魚煎得香脆滑嫩，最正係大大粒既帶子，好鮮味小編中意黑朱古力，大熱天當然叫個黑朱古力沙冰，解一解渴沙冰係好滑身個種，而且好香濃同苦苦地既朱古力味友人就叫左個凍招牌朱古力，朱古力同樣地好香濃但奶味就較重，仲會有個朱古力雪糕總括黎講；餐廳裝修得有特色，食物質素中上，位置坐得舒服好啱hea下食個午餐p.s. 餐廳都好環保，支持冇飲管🍳🍴

行經太子砵蘭街見到呢一間餐廳門口佈置幾特別見到個餐牌價錢相當吸引芝麻雞翼配薯條雞翼炸到剛剛好外皮好香脆叫咗個 paradise jumbo 好多野食又有湯同包仲有橙汁配送食材樣樣都有d 都唔知食得邊樣先可滿足哂全日既食慾蒲燒完條鰻魚飯條鰻魚勁大條側變睇就好似一個巨型既特大鰻魚壽司咁當然佢d 飯都係用珍珠米食落都似食緊鰻魚壽司一樣是日特飲青蘋果檸檬梳打洋甘菊茶用來配甜品岩哂清清地又可舒緩情緒緊張是日蛋糕我同朋友揀左抹茶紅豆蛋糕聽待應妙語連珠般說出是日蛋糕的選擇時只聽這款比較特別所以揀左果然比較清新不膩口感輕盈柔軟朱古力心太軟呢個心太軟都幾有質素雪糕是movenpick Movenpick 的雲呢拿雪糕是有雲呢拿籽的所以好香濃既雲呢拿味道流心朱古力是偏向不甜的黑朱古力味兩者配合起來味道完美的配合