東京食堂 (Closed)

👧🏻Wodafoodie in Tsim Sha Tsui疫情下好多小店都做唔住要執，呢間係柯士甸路隱蔽既小店好彩都仲頂得住，有日lunch同朋友黎左試下。✨蒲燒鰻魚飯 (半尾) $88半條既份量其實都算多，鰻魚充滿光澤，外皮燒得香脆無比，內裡魚肉口感嫩滑，配上燒汁實在好正！😍😍😍 白飯好煙韌，相信係珍珠米，上面仲有少少飯素，感受到店家實在非常用心製作食物☺️好食！✨牛肉壽喜燒 $78朋友一大鍋的壽喜燒都非常吸引！牛肉有6-7片，仲有唔同種類既菇，温泉蛋，洋蔥，個湯底唔會好鹹，但全部材料都好入味，配白飯真係一流😋一定要多d支持呢d質素咁高既小店💛📍 東京食堂 (尖沙咀)尖沙咀柯士甸路15A柯士甸大廈地下D舖…Read More

前幾日喺尖沙咀附近做完嘢，就周圍去搵嘢食。聽朋友推介，嚟咗呢間比較隱蔽嘅日本餐廳。佢嘅地點比較難搵，要通過大廈嘅入口通道先至會見到，如果唔係有朋友教我行都未必識得去。佢呢度嘅地方比較細，可能大概坐到十個人左右。我去嘅時候大概兩點幾，但係都仲有啲客人。坐左一陣就發現佢哋大部分都係熟客，因為佢哋同店員傾計傾得好開心，令我覺得好warm。我叫咗個蒲燒鰻魚飯($72)，佢係一個餐嚟嘅，就有半條鰻魚、一大碗飯再加麵豉湯。我唔算係細食嘅 女仔，所以呢個份量對我嚟講啱啱好。佢條鰻魚都好肥美，好好食，唔會好乾，燒得幾好。啲汁都好香甜，整體都令我好滿意。另外，加配嘅粟米粒都好有牛油香味。因為天氣比較熱，我之後仲叫咗杯芒果紅茶($16)。 店員好有心，最初佢攞咗第一杯出嚟嘅時候，佢覺得顏色有啲淡，擔心味道都會好淡，所以特登沖咗另一杯畀我，覺得好窩心。 其實幾好飲嘢，佢有好清新嘅芒果香甜，夏天飲非常之適合。總括嚟講，呢度係幾值得再去嘅，因為佢嘅價錢同食物質素成正比，覺得好抵食，而且店員嘅服務態度非常之好，待人有禮，十分親切，令餐廳有一種賓至如歸嘅感覺，難怪佢哋地點唔算方便但都有咁多熟客一去再去。…Read More

自從看過深夜食堂，對居酒屋有種憧憬，幻想有一天，我也會找到這種充滿人情味的小店，讓我有每天都去光顧的期待。大學年代特別喜歡去日本，至愛百貨公司的B1層，有永遠都逛不完的食物。有次其他人在出發去機場前作最後血拼，我卻在便當攤檔之間來來回回，拿不定主意吃甚麼。最後，滿心歡喜地拿著兩袋食物，搭車，通過安全檢查，直至安坐在飛機上。吃完毫無印象的飛機餐，在膠袋裡拿出我的私伙食物。打開包得整齊的牛油紙，露出兩大條漂亮的鰻魚，引在不少羡慕的目光。多年來，在哥的耳濡目染下，我也不自覺地愛上了這美食。這幾年在香港搜羅美食，當中亦試了不少鰻魚飯。由連鎖日式餐廳，到經典的三河屋都去了，這次被友人的照片引來東京食堂。未有位，先坐在外面，點杯飲杯。烏雲密佈，天色灰暗，坐在簷蓬下，觀察一下眾生相，也是一種娛樂。荔枝綠茶，本是杯普通不過的飲品，卻因為店員的一句「太甜或太淡都可以同我講，我幫你調」。即使被他窩心的服務弄得心裡甜甜的，還是覺得荔枝綠茶的甜度剛好。就在滂沱大雨到來之前，被安排入位，暗自感激幸運之神的眷顧。蒲燒鰻魚飯有原條和半條。雖然吸引，但鰻魚的卡路里不容小覷，還是節制地點了半條。鰻魚定食，用小盤子端上來。麵豉湯比一般的淡，合我口味，如果除了蔥花外加些海帶、豆腐就更佳。鰻魚被燒上一條條黑色的紋，入口有陣陣炭烤的香。魚不算厚身，肉質少少偏腍，燒上甜甜的鰻魚汁。都幾甜，拌些白飯就剛好。吃光半條鰻魚，正好送一碗飯。用鰻魚汁和輕而不膩的魚油香伴飯，一啖一啖送入口，享受一個人與美食的時光。白飯乾硬，是我喜歡的口感。通常帶少少軟糯飯香才會突出，但這個卻有不俗的飯香。上面有少少紫菜、白芝麻和木魚的碎作調味。伴碟有很甜的罐頭粟米，鮮豔的黃色很搶眼，而且它的多汁跟微微黏口的鰻魚很平衡。蟹肉忌廉薯餅在店員推介下選了款小食。薯餅炸得輕而脆，輕輕一咬吉列層便爆出裡面的忌廉，厚滑，味不濃，再加點沙律醬調味就恰到好處。份量很夠，飽得滿足。坐了一會，雨停了。踏出小店的一刻，有種釋懷的舒暢。這就是，居酒室的魔法。…Read More

要搵呢間野好容易一個唔小心就行過左，因為佢係要行入一個巷仔架！見到門口大大個字寫「東京食堂」同見到隻Minions就代表你到啦！蒲燒鰻魚飯，呢個係店員推薦架，未食已經聞到香噴噴，水準應該唔差！先食一啖飯，再試一啖魚，個燒汁好加分，食到出面貴架日本餐廳既鰻魚飯味，仲有d配菜係幾正！之後叫左個烏冬配芝士吉列雞柳，呢個咬開就唔會有芝士拉絲既效果，但食落去芝士味又真係有喎！雞柳就中規中矩啦，有少少改善既空間個巑岐烏冬就真係正，本身以為會係就咁一個湯烏冬，點知呢間好細心咁加左好多新鮮既菜，好岩女仔食，烏冬亦煮得岩岩好，唔會過淋，每條烏冬都會食到湯底既醬油味，正熱辣辣既天氣當然要配番杯蜂蜜紅菜飲下啦，大大杯，夠清涼，岩哂搵路搵到熱哂既我地。呢間野feel到店員佢地係好有heart去經營，而且好親民會同你傾計，作為日本菜黎講佢相當平民價，而且質素唔差，一定會再黎多多支持下小店！…Read More