Miso (Closed)

今日去到中環做嘢，攰賴賴要食餐好嘅招呼自己😆，朋友介紹喺康樂大廈地牢有一間高級日本餐廳，於是就一齊去食。餐廳本身都好大，加埋限聚令嘅關係，坐得好闊落好舒服。我哋嗌左個雞泡魚乾、燒牛舌、滑蛋豬扒飯、薄燒牛肉、蘆筍炒雜菌。牛舌夠薄，燒得啱啱好，而且牛味香濃，讚👍🏼。滑蛋豬扒飯都幾特別，佢將啲豬扒切到細細舊來炸，方便入口，略嫌個飯比較濕。個薄燒牛肉要大讚，擺上碟已經好香，配埋個燒汁，點落去將個牛味更加提升，中間捲左啲蔥花，令到成舊牛肉都好香，連我本身唔鍾意食蔥嘅，都食到停唔到口，真係好好味😋蘆筍炒雜菌亦都好香，蘆筍夠鮮嫩，仲好爽口。總括嚟講所有嘢食都好食，價錢稍為偏貴，間中食下亦無妨😃

今次特地去Miso再補祝另一半於生日正日時在Cafe Landmark的不足。是次吃了鐵板燒鮑魚套餐 - 前菜沙律，Spicy salmon 手卷，鐵板燒：12兩澳洲新鮮鮑魚，銀鱈魚，薄燒牛肉，麵豉湯，炒飯及雪糕。鮑魚十分之新鮮味美，分量夠多，調味適中，灑上青檸汁後令鮮味更香甜，更覺完美！銀鱈魚滑而肥美，五成熟牛肉恰到好處，但若中間的蒜片若能再爽脆點則較果更佳。 最後挑了Lemon ice-cream，refreshing! 其他食品則維持一貫水平，恰到好處，服務亦相當殷勤有禮。以此套餐價格，算得上是值回票價。以往較少到此美心集團的店，反而在中環多去Cafe Landmark, Kiku 及翠玉軒，看來是時候要轉移陣地了。