但馬屋 (新都會廣場)

Open Now

Now Closed

今日同friend嚟呢度打下邊爐，見到呢間長期有人排隊想試好耐，午市都好抵下，二百幾蚊放題經過重重掙扎我決定揀藥膳麻辣鍋，朋友揀咗蕃茄芝士鍋。但係我個麻辣鍋越食越鹹，好快就已經去到可以唔使點醬料就咁烚都有味嘅階段😂。所以我會比較推介朋友嘅蕃茄芝士鍋，雖然芝士存在感一如所料不高，但係蕃茄鍋比較清甜，一路打邊爐唔會越食越鹹！👍🏻very nice牛肉都幾高質素，一睇就知係靚牛，而且薄切食落舒服啲唔會咁快飽，可以慢慢嘆，啱女仔胃口。最令我驚喜嘅係配料區，估唔到竟然會有海底結同埋筍！！！超難得啊！所以我夾咗勁多最後當然係唔少得食埋Häagen-Dazs！

每次去襯日本，例排都會去食但馬屋！但係依家唔洗等去日本...都可以係香港食到𡃤！超開心😋呢回第一次到訪葵芳新都會廣場新開冇耐嗰一間，揀咗個90分鐘$199澳洲榖飼牛放題，仲可以每人一鍋！鍋底我哋分別order咗個藥膳麻辣鍋(好有麻辣味)同意式蕃茄芝士鍋(蕃茄味濃)。湯夠味；啲肉完全可以唔使加豉油等其他調味料。不過最估唔到嘅竟然個豚肉好食過牛...而且入口即溶👍👍👍另外，佢個魚柳超新鮮...冇骨大大舊又啖啖肉！仲有佢啲雞係用雞肶肉！一啲都唔求其！飲品方面，除咗有罐裝飲品，仲有甘蔗水，雜果賓治同果汁。甜品有HaganDazs 雪糕！PS: 1) 按唔同食客需求，餐廳係Lunch/下午時段分別有60/90分鐘唔同嘅收費套餐，或set-lunch。2) 手機app (Tge Gulu) 有得book檯, 超方便！

今日係老公的生日🎂🎊🎊應老公的要求試下呢間成日行過都覺得好吸引的但馬屋日式火鍋🍲😋我地六點半已經到達，門口都堆左六七人，我地兩個人唔駛等位已可立即安排入座。餐廳都幾貼心，雖然坐四人座位，但中間會有塊Petition間開，食得安心又自在。一坐低侍應已經講明入座時間起計90分鐘食用時間，所以我哋要快啲決定食什麼了！老公好利害挑戰藥膳麻辣鍋，而我就選擇甘露鍋因為配黑無和牛最好味👍🏻我哋點了日本產黑毛和牛放題套餐（$289/人），有黑毛和牛/嚴選牛肉/豚肉。選配菜的盤是小木盤，走日本風格。鍋來了。以下是甘露鍋，即係甜豉油。藥膳麻辣鍋👇🏻👇🏻👇🏻睇見都覺得好辣🤢不過老公話唔係好辣，紅棗花椒味比較重。美味的肉來了🤗🤗🤗豚肉👇🏻老公comment十分好食🤤嚴選牛肉👇🏻望到d肉未放入口已經流哂口水🤤最期待的黑毛和牛👇🏻👇🏻🤤🤤🤤🤤望到佢的脂肪分佈均勻，好令👍🏻而且入口即溶....真係好好食！起動了😋一人一鍋可以試到不同味道🥘幾過癮出面有自助bar可以夾蔬菜、菇類、蕃茄、南瓜、冬瓜、海帶、丸類等等...個人口味覺得海帶好好食，而且又健康👍🏻仲有果汁汽水任飲，四款Haggen Dazs雪糕🍦任食。雪糕有新

要判斷一間餐廳好定係唔好，食物質素當然係大前提，但係對我來講,first impression都好重要㗎。今日去左大馬屋，就係一個好好嘅例子，多謝朋友好介紹今日收工直接去食晚飯，未到六點半就去到，第一眼入到去，環境已經俾到我好光猛企理嘅感覺，內在環境好唔錯，最值得一讚嘅係，佢每一件器皿，都睇得出佢係有精挑細選過唔用電磁爐，選擇成本比較高嘅陶瓷鍋;承載肥牛嘅，都選擇用個靚靚木兜，感覺好高級，其實都係食緊$179任食喺度食仲有個好處，就係一人一鍋，湯底唔洗爭，我揀左蕃茄芝士湯，而朋友就揀咗藥膳麻辣湯，呢頭order完，唔洗10秒，侍應就已經放低左湯底同埋兩碟牛、一碟豬，速度快，絕對唔係揼波鐘雖然芝士唔算多，但係飲得出番茄湯底係新鮮材料煲出嚟，感覺清新健康又開胃，而我試咗啖朋友嘅麻辣湯，辣得黎又有藥材味，幾過癮到戲肉啦，牛肉質素都幾好，有食開Shabu shabu嘅，都應該知道，佢地做法一般都係第一round會俾靚啲質素嘅牛，之後再叫果啲就會差少少，但呢度唔係喎，我哋總共食咗八碟牛，碟碟質素都好好，一啲都唔參差，肥瘦比例好均勻，亦唔會雪到凍冰冰、硬骨骨除咗牛肉之外，出面仲有自助吧，有各式各樣