琥酌 (Closed)

放工接咗肥髀，特別帶佢去呢區食晚餐，呢間食燒肉居酒屋好似好好味！去到日式門面，無訂位都有位，座位簡潔淺木！加好多居酒居嘅日本酒，餐牌除3款御膳外，都係啲小食，我叫一個套餐再加小食！店員陸續上咗小食先，食晒小食再上御膳（我覺得佢哋係窩心等我哋慢慢食晒小食先上御膳）唔會急急腳上晒所有野！原隻日本磯燒鮑魚（$38）凍食賣相幾靚，食落淋身彈口唔韌，雖然唔太隻，炆得入味，鹹味唔會蓋過鮑魚味！好味明太子玉子燒（$48）擺盤靚，蛋卷皮軟，不過一層層嘅蛋皮有點分開，好在都軟身唔嚡，明太子粉紅色顏色好靚，鹹香微辣好味！和牛火山大蘑菇芝士燒（$88）廚師推薦，賣相一個黑鐵鍋，店員會在我哋面前點火，睇住啲火溶咗啲芝士同熄咗就可以食，半溶芝士在面，中央塞咗牛肉碎，牛味幾濃，大菇彈牙多汁，層次分明又夾到！好味！A5霜降御膳（$398）一分套餐有好多食物！賣相靚，牛肉要用枱面嘅小爐煎熟！有得食有得玩！前菜：醃鮮菇，油醋醬汁開胃，菇仔彈牙！好味薯仔沙律：錫紙兜仔，肥髀食咗溫泉蛋：肥髀食咗麵豉湯：夠熱（辣手架）油豆皮絲，加啲菇，麵豉味濃又唔會好鹹！好味十穀米飯：喜歡加了紅米同其他穀類嘅飯，煮得透又有咬口！感覺健康啲霜

話說好彩用open rice訂位，唔訂檯星期五晚walk in一定好晏先有得食。我嚟過呢間店兩次，店外係唔會排長龍，因為根本係全晚full booking，店舖面積唔大，基本上係檯貼檯。我同另一半坐嗰個檯放完兩份定食加一碟小食同一杯嘢飲，只可以放一個爐。由於我哋兩個都係小資打工仔，叫兩個價錢最平嘅吉列安格斯牛肉。餐牌仲有幾百蚊嘅和牛定食供選擇。先講主角吉列安格斯牛，全份肉嘅份量唔細，每片切得厚薄適中，放喺爐上煎十幾秒大概去到5成熟，放入口好嫩滑，好香牛肉味牛肉可以配6種調味料，三種係醬汁，包括燒肉汁、芥末醬、柚子醋，我覺得配醋最開胃。另外有食燒肉成日見到嘅柚子糊椒鹽、海鹽同wasabi，選擇都算多。其他配角亦好好味，飯係有豆加左入去嘅，店員話隻溫泉蛋可以放落去送飯。另外相入面見到有一球同兜仔裝住嘅蟹肉薯泥，加左啲沙律醬，好惹味。左上角嘅白菇啲汁加左少少wasabi，好開胃。牛肉隔離堆椰菜絲加醋食可以爽下個口解下膩。我地叫左個小食芝士釀雞翼（相中綠色兜），初時以為釀左啲芝士入雞翼，原來係芝士鋪面，都幾好味嘅，唔會好漏。我仲叫左蘋果乳酸梳打，唔太甜，亦唔會有藥水味，可以refresh下👍🏻

早前有見朋友去衣間專食吉列牛既餐廳，又係自己燒，介紹日本既旅遊特輯都有講日本盛行中，香港應該得衣一間可以食吉列牛，事實上又幾得意既，生既和牛圍邊有層炸左既麵包糠(吉列)，都唔明點樣可以做得到？今日即慶諗起衣間餐廳，打去問問有冇位？店員好有禮貌咁回應我，我再問多少少...佢都好有耐性好詳盡咁話我知好彩7點打去...店員話比較full,不過安排到8:30比我地正常用餐時間60mins,話我地8:30開始冇咁多人都可以耐d,所以都唔洗擔心！地點響太子站A出口轉右見到名點心果條巷仔就係喇！衣度淨係得吉列牛食，所以餐牌只得這2個，另有個係酒類餐牌！本身諗住平平地試下美國安格斯牛，但和牛係我至愛，吸引到轉左，結果我地嗌左一份霜降和牛同一份極上和牛好快食物就到了！嘩....極上和牛既賣相果然顏色都唔同，明顯淺色d！店員隨即解釋一下各種調味料，同埋提及和牛燒既最好時間係20-30秒急不及待開始燒極上和牛肉質食得出好軟好林，但如一小塊要分段食，用口撕開唔知點解又會好難撕開，如一啖食晒一小塊就食得出又軟又林既感覺喇霜降和牛同樣燒20-30秒，肉質明顯冇極上咁林，但都絕對唔差反而個人感覺衣個好d！因為衣種一