樂天皇朝 (雅蘭中心)

Open Now

Now Closed

之前食過八色小籠包覺得唔錯，再次約朋友去樂天皇朝食小籠包😋 旺角分店嘅裝修風格偏暖色調，平日晚上都坐滿8成，座位都舒適除咗八色小籠包，店員亦推介新口味🇰🇷韓式泡菜小籠包，見係期間限定菜式⏱當然要把握機會試😎 泡菜小籠包外皮係紅白兩色，外皮薄而滑，內裏淺紅色湯汁有點辣，肉饀加入泡菜粒，有咬口又帶辛辣味，味道唔錯，值得一試😋 八色小籠包當中，今次食咗最濃味嘅川味，味道唔算好辣，不過有好濃嘅花椒麻香味，鍾意食麻辣菜式嘅朋友要試吓😋 而糟溜絲瓜帶淡淡絲瓜味，幾清新介紹朋友食蘿蔔絲酥餅，朋友都大讚好味👍🏽 酥餅剛炸起中間心熱辣辣主食點咗上海炒年糕，年糕煙煙韌韌，以肉絲，黃芽白及菇為配料，醬汁夠濃味，好味道😋餐前小食花生🥜同栗子🌰都幾好味

每次經過雅蘭都會見到樂天皇朝嘅八色小籠包海報，諗住一定要去試返次！最近終於同屋企人去咗食，餐廳位於雅蘭中心二樓，裝潢十分典雅，座位闊落，係同家人朋友聚會嘅好地方。皇朝小籠包（$142）平時只係食過原味小籠包，第一次食咁多口味嘅！好有驚喜～除咗原味之外，仲有川味、蒜香、芝士、糟溜絲瓜、蟹粉、鵝肝、黑松露。個人最鍾意麻辣嘅川味，勁香勁惹味，亦唔會好辣，食過返尋味。芝士味同黑松露味都好濃郁，食得好滿足！蘿蔔絲酥餅（$48）外表鬆脆可口，入面嘅餡擺咗一陣都仲係咁熱，唔錯！皇朝擔擔麵（$68）屬水準之作，麻香味濃郁，辣度溫和，麵有咬勁。瑤柱芙蓉賽螃蟹（$98）好耐冇食過賽螃蟹啦，決定係呢度食返次～味道同回憶嘅一樣，唯一美中不足之處就係上碟時蛋黃經已穿了，打卡就冇咁靚。宮廷驢打滾（$48）最後當然要以甜品作結，食落非常煙韌可口，紅豆蓉味道不會太甜，正合我意。

朋友外地回港，相約旺角處理點事情，在雅蘭商場正直中午繁忙時段，左揾右揾，想食中菜，又要不限時間，又唔使等位，坐得舒服，於是決定過來樂天皇朝吃小籠包。朋友在門口看著大大個餐牌，已選定數款點心，於是一行三人，決定一路吃一路傾⋯⋯這個茶壺很有特色，外地朋友很喜歡。原味小籠包$68~招牌小籠包有兩款選擇，一是原味，另一款是彩色，而且每個味道不同，更可自由配搭，但相討之後，決定原味，吃回最基本。竹炭流沙包$45~包未算熱，但仍流心。蘿蔔絲酥餅$45~看色水，不是千年油，熱騰騰，大家都很喜歡。紅油炒手$65~薺菜黃魚春卷$53~用料用黃魚，可能難以控制火候，未見吸引。整體來說:點心水準平穩，在這裡，三個人到來吃點心都相當合適，因為大部分點心都是三件，但某些點心價錢偏貴，但勝在坐得舒服，地點就腳，方便傾計的一個好地方。

樂天皇朝原來係新加坡過江龍🙈但係上海菜🤣蘿蔔絲酥餅👍👍👍第一次試呢樣點心，好鐘意🤩出面層皮好酥化，層次分名入口即化但唔會太油，入面嘅蘿蔔絲唔會有草青味👍竹炭流心包奶皇香而且好流心唔會結舊，但包體就比較一般，無乜彈性同痴牙小籠包、紅油抄手、炸饅頭Average小籠包皮比較厚，唔算多汁，肉唔算鮮甜，同埋8種味唔算好大分別🙈紅油抄手都係皮比較厚，但個汁幾好👍酸酸辣辣炸饅頭：正常擔擔麵😕湯底無乜花生香/辣味，比較稀，麵好淋唔推薦所有野都盡早食會好啲，因為凍左真係差好遠🙈

今日到旺角 突然好想食小籠包腦裡一諗就諗到樂天皇朝所以就決定揀雅蘭分店由於係walk-in沒有預訂 所以去到都要等等 不過都算快 大慨15分鐘我地就可以入座雅蘭既樂天皇朝裝潢具有古典特式 門口格離可以見到師傅製作過程 入座後會有小吃 侍應態度有禮貌首先 必叫八味小籠包 係依到既特色菜 八味分別有 原味、鵝肝、黑松露、芝士、蟹粉、人蔘、麻辣同蒜香 小籠包皮薄餡靚 夠多湯汁 再點上醋同薑絲 一流不過我自己就比較鍾意食原味 所以再嗌多籠原味上海菜必食東坡肉睇落去雖然好肥 但做到入口即溶 蘿蔔絲酥餅 外皮香脆 入面全部都係蘿蔔絲最鍾意鬆脆口感蟹粉炒飯這個相對 不太像炒飯 但蟹粉味道卻不錯京醬肉絲配薄餅肉絲味道濃郁 加上薄餅一齊食 口感豐富 總結食物：上海菜正宗味道環境：裝潢古色古香 有特色價錢：算中上

之前看到朋友發上社交網站的美食照，太吸引而果斷bookmark了。所說的就是這一間「樂天皇朝」，這晚和友人到訪其旺角分店來一個痛快暢吃。因為近月情況，客人量不算多。餐廳樓底高，座位寬闊，坐得舒適。網上多人推介的李白醉雞，份量蠻多。雞件入口有絲絲酒香，個人認為酒味可以再濃一點。雞肉略嫌有點鞋身，嫩滑度不夠高。加$10可轉為雞腿肉，可能情況會有所改善。酥餅外皮香脆，一層一層的酥皮感覺是很考手工之作，而裡面就是啖啖蘿蔔絲。這裡的招牌菜又怎能不試！八個顏色各代表一種口味，打卡度也很高。桌面上也有教學，建議由淡味至濃度吃起來。筆者和朋友happy share，各試4款，分別進食了原味、人蔘、蟹粉、川味。果然每一顆味道都好鮮明：入口就是滿滿蔘香、蟹粉鮮香，川味更有著微微麻辣感。而原味則突出了豬肉香味。但有點稍嫌小籠包皮做得有一點厚身。排骨感覺其實就是豬排，酥炸後入口香口惹味。肉質做得夠腍，配上甜香沙拉醬也是相當夾。不過，炸香後的排骨跟沙拉醬，多吃2塊會有點油膩感。菜肉雲吞大隻，餡量夠多，雲吞皮也做得薄身滑溜。配上豬骨湯頭，清淡中帶點豬肉香。正好消減一下前一道菜的膩感。擔擔麵頗大碗，幼白麵條質感有點

我係為咗依個八色小籠包以來。八色小籠包夠晒色彩繽紛,一籠有齊晒原味,人參,鵝肝,黑松露,川味麻辣,芝士蟹粉同蒜香味嘅小籠乜,鍾意重口味嘅我當然最愛就係黑松露同鵝肝味。刀切小饅頭其實就係炸饅頭,雖然好多茶樓或者點心店都有炸饅頭,不過唔係間間都好食,但係依個炸饅頭令我忍唔住食咗兩個,新鮮熱辣辣外脆內軟,而且完全冇任何油膩感。蘿蔔絲酥餅依家真係見小賣小,最愛酥脆嘅外層,內裏又有香甜軟淋鮮味嘅蘿蔔絲。上海炒飯夠晒有鑊氣,粒粒分明。餡料又夠多,幾乎每啖都食到蝦仁。皇朝話梅骨係店員推介嘅招牌小菜,酸酸甜甜嘅口味超開胃。食完正餐當然要食甜品作為結尾,諗都唔使諗就order左香煎豆沙鍋餅,外皮煎得超香脆帶有少少QQ嘅口感,包住香甜嘅豆沙蓉簡直天衣無縫。

又黎瑜伽前在附近搵食, 呢排食得西餐多. 轉轉中餐, 見食評評價唔錯就試下呢間樂天皇朝。午飯時間滿得八八九九, 好彩唔駛等位, 門口側有玻璃窗位可以望到廚師整小籠包。 餐廳內裡係比較暗既格調, 眼見店員都唔多, 想叫野食或者茶壺加水, 要舉咗好耐手先有店員過黎。🔸前菜花生🔸超好味, 好入味, 仲有少少粟子。令人回味既花生。🔸香辣蒜泥白肉 $68🔸非常精緻嘅前菜, 顛覆咗平時食蒜泥白肉嘅形象, 香辣蒜泥加紅油舖喺白肉包住青瓜條, 賣相一流, 蒜泥係炒過, 味道比平時多咗好似xo 醬既味道。🔸皇朝擔擔拉麵 $58🔸食上海擔擔麵就係鍾意食勁多花生醬, 可惜呢碗並唔係我鍾意食既擔擔麵, 而且味道太辣搶過哂其他味道。🔸蒜香小籠包 $68🔸八色小籠包的確好吸引, 但有一半以上既味道我地都唔食, 所以最後揀咗蒜香。 薄薄嘅黑色皮, 內裡有剛剛一啖既肉汁, 仲有第一次食的蒜香味小籠包肉饀。🔸蘿蔔絲酥餅 $42🔸很少地方有這款點心了, 新鮮炸好就上碟, 熱辣辣, 蘿蔔又夠甜同無渣, 表皮炸得勁酥脆, 好好味。🔸炒年糕 $82🔸肉絲加娃娃菜炒年糕, 幾鍾意個娃娃菜夠甜同夠淋, 味道不錯。總括價錢唔算平,

星期六晚相約好姊妹去旺角行街食飯見好耐無食樂天帶左佢黎食店內環境好大但6點左右已經好多人因為朋友未食過俾佢發板睇下想食咩黎前小食尼個豆原來計左$15不過味道超好同夠淋而我每次黎都有兩樣必點就係8色《皇朝小籠包》$988隻口味 白色 - 原味綠色- 人蔘黑色 - 黑松露紅色 - 麻辣黃色 - 芝士灰色 - 蒜味淺褐色 - 鵝肝橙色 - 蟹粉食左3次我全部味都試過晒隻隻都咁正另外第2樣就係必定尼隻《蟹粉粉飯》$128係炒飯底面鋪滿好多蟹粉啊飯雖然偏少同偏鹹但味道係無得輸每次必點另外尼個蘿蔔絲酥餅即做即上皮夠鬆化蘿蔔絲熱辣辣入口即溶又一必食朋友同我食到舔舔脷最後點尼款俾想像中差餓原來係冷盤仲要無乜肉又偏油揀錯左不過整體店內都一流啊

今日和朋友往樂天王朝食晚餐, 我們點了李白醉雞, 蘿蔔絲酥餅、皇朝小籠包2客、酸辣湯拉面和蟹粉蝦仁。李白醉雞醉雞肉鮮鮮嫩, 花雕酒味道香濃, 酒味香醇, 整碟李白醉雞份量適中；蘿蔔絲酥餅上桌時熱辣辣, 一入口食到酥皮好鬆脆, 食落不會油膩,口感十足,蘿蔔絲食落爽口, 好惹味蘿蔔絲酥餅；皇朝小籠包賣相吸引, 總共有八款不同味道的小籠包, 分別有原味, 人蔘, 鵝肝、黑松露、芝士、蟹粉、蒜香和麻辣, 原味肉質鮮甜, 人蔘味好出、鵝肝味道香濃、黑松露味濃,、芝士味有濃香芝士、蟹粉味道香濃, 蟹粉味道好香、蒜香味有點似打邊爐的炸蒜和麻辣味湯底食出麻辣味道, 每款小籠飽食落熱辣辣, 肉汁鮮甜,每款小籠包配上薑和醋食落惹味；酸辣湯拉面, 酸辣味道適中, 面條食落爽口彈牙, 十分醒胃；最後蟹粉蝦仁, 上桌時有好香蟹粉味, 蟹粉好足料,食落去蟹粉味濃, 蝦仁鮮甜爽口, 食落不會感到油膩。餐廳座位舒適, 食物美味, 價錢合理, 值得再來。

對上海菜的濃油赤醬又愛又恨今天跟你來到旺角來嚐鮮先奉上的茶水竟是冷的乾煸四季豆是留學時的回憶在這裡找不到回憶的味道但叫碗白飯伴食仍十分滿足麻婆豆腐是另一白飯良伴紅油惹味但麻香味從缺樂天皇朝最有名是其八色小籠包我們忠於傳統要原味就好小籠包外皮偏厚但豬肉味濃郁一口一件高湯從口內爆出衝擊力十足花素蒸餃味道淡雅蘿蔔絲酥餅非常酥脆蘿蔔絲軟腍水準極高皇朝擔擔麵花生香味濃配上幼滑的上海麵絕配壓軸出場是蟹粉炒飯蟹粉甘香綿滑炒飯粒粒分明與蟹粉伴食既奢侈又美味看到廚房的師傅們賣力包餃子享受美食之餘也感謝背後出汗水的功臣

朋友相約品嚐八彩小籠包，雖然不是新東西，但我追不上潮流，都是初嘗八彩小籠包，安座後，侍應沒有提問，送上一壺清茶，不知道是否沒有選擇？？？也送上兩小碟炆腍栗子和花生，都非常好味道！首先上枱是一碟三件蘿蔔絲酥餅，我們五位，要兩碟罷！熱騰騰又香酥可口的蘿蔔絲酥餅，大家都滿意！八彩小籠包，包括八款不同口味，由黃色開始：芝士、蟹粉、鵝肝、麻辣、人蔘、蒜香、黑松露、正中白色是原味。我嘗試是蟹粉、麻辣。蟹粉？唔多覺得啵！麻辣！是少辣而已！肉汁少，八彩小籠包看來以色取寵！幸好我們還要一籠原味小籠包（沒有拍攝，），吃過肉汁豐富的原味小籠包，感覺傳統的最好！李白醉雞&瑪瑙蛋，很愛醉雞造型，圓圓滿滿。瑪瑙蛋，其實是三色蛋，化點點心思，令人欣賞。肉汁少的生煎包，也是一碟三個，我們要兩碟，幸好也是熱騰騰！清清淡淡雪菜炒年糕，可以個食飽飽！豆沙酥餅又是勝在熱騰騰！結帳$690.8，人均消費$140，除了八彩小籠包全部都可接受或滿意！