蛇王海

Open Now

Now Closed

香港的冬天雖然不算很凍，十零度都已有少少氣氛，去食蛇羹、羊腩煲、火鍋等，特別有 feel 🥰今次去了西營盤一間很多好評的蛇羹店，距離地鐵站一分鐘腳程，當時衹是晚上六點左右，小小的店舖已經坐滿了人，我們 4 個人等了 20 分鐘終於可以進店了，其間店員很親切，盡力幫我們安排坐桌，很貼心 🫶我們叫了大蛇羹，雙腸糯米飯，原來店內還有秘製浸鷄，咖哩牛腩，味道都有驚喜 😋 食評如下：招牌蛇羹 (大) $88古法炮製，滿滿的料，味道好味吾在講，條條長長的蛇絲，足證真材實料雙腸糯米飯 $46糯米飯雖然不是生炒，仍是很香很軟綿，潤腸+臘腸不算肥膩，不過為了留肚試其他的食物，我衹每款試了一口秘製浸鷄半隻 $85賣相已看出鷄肉嫩滑，食落好有鷄味，推介大家試下咖哩牛腩例牌 $110比較港式的制作，咖哩味香濃，牛腩炆得好稔亦入味，薯仔都一樣，最後當然全碟都食曬 😆

秋風起🌬️，三蛇肥雖然依家天氣唔算好凍但係已經涼咗啲就諗起西環第1街間蛇王海我哋疫情嘅時候搬屋先知道，原來第1街有間蛇王海蕉好鍾意食蛇羹因為身體屬於寒底，食完蛇羹身體會感到好舒服蛇王海有個好抵食嘅套餐😍$88已經有蛇湯、蛇羹同一碗臘味飯✅今次我哋點咗一個蛇羹套餐同埋咖喱羊腩飯（$75）除咗蛇羹，呢度嘅羊腩都好正㗎。蛇湯蛇味濃、重胡椒味、可以驅風驅寒蛇羹足料，蛇肉加上木耳、冬菇絲等配料，感覺豐富，口感好臘味飯嘅臘腸有少少油，不過碗臘味飯真係好正咖喱羊腩炆得好淋，薯仔吸收晒咖喱汁送飯一流😍天氣凍啲，應該會再食多幾次😍蛇王海 (西環)西環西營盤第一街119號地下

這間蛇王應該在這裡好多年和得到街坊支持 因為我今日坐在這裡大約半小時 不停有街坊買外賣和堂食 我今日本來想在這裡飲燉湯 已經想嚟試好耐 但這區真係唔係經常會到 所以一直都未曾試過 雖然這裡已經有地鐵🚇但如果唔係居民 應該都唔會經常到訪 不過這樣都係好事 可以令這裡嘅物價指數不用太高 我哋去到時 已經毫無懸念想點燉湯 但職員話因為明天後收爐 所以已經無湯飲我那一刻真係超唔開心但又好彩自己今日就到咗 過多幾日就連蛇羹都無因為只有半小時 就到禁堂食時間 所以根本叫唔到咩食 其實佢哋都有好多嘢係出名好食 例如：咖哩、秘方浸雞 但我哋最後都放棄 怕唔夠時間食 到時就更煩最後兩個人食咗一個蛇套餐再加一個龜芩湯蛇羹真心好正 料頭充足 我哋無晒脆卜卜和香草🌿職員即刻添加 還很大方地落很多都無所謂 不過佢哋都話用完之後就唔補充 因為都收爐啦這個臘腸糯米飯又係幾好食😋好少射蛇王贈送臘腸 多數要加錢才可以有一條 所以真係超開心 花生🥜又落得好大方 男朋友飲咗呢一碗 因為之前去蛇王業時 職員強調飲龜芩湯和蛇湯只可以各取其一 不能一齊飲用 所以我就無試 男朋友話好正 我當然給予正評 這個是我加錢飲嘅湯 這麼遠來

天氣又凍又濕，手腳冰冷，最好食返碗蛇羹暖下身！朋友介紹呢間，話超正喎，所以專程搭車去西營盤搵食😂今次係第二次食，上一次因為人多冇晒位，所以外賣，由西營盤拎返中環，糯米飯、蛇羹、蛇湯依然保持暖笠笠！今次去到居然有位，緊係要堂食喇！兩次都係食套餐，因為$88有齊三味…蛇羹、單腸糯米飯、蛇湯。疫情關係，每張檯坐兩人，如果單拖去唔駛驚同人搭檯，店主堅持唔會同不相識既人坐同一張檯，真係食得安心又放心🤗首先黎個潤腸糯米飯暖下胃，熱辣辣香噴噴，飯香四溢，配上花生，蔥花，色香味俱全主角蛇羹黎喇，可以講係超級足料，睇得到大大條蛇肉同勁多木耳，咬落好有口感，大滿足😎食左糯米飯同蛇羹已經好飽架喇！但有碗蛇湯跟餐，而且藥材味撲鼻，好難抗拒唔飲，唔飲由自可，一飲全身標汗慶合合，成個人暖晒！溫馨提示，如果細食，可考慮叫店主將蛇湯放外賣盒帶走。唔駛監硬食到肚都漲埋😅

由於最近晚市禁了堂食，於是便點了兩個套餐回家。趁冬天的時候補一補～一是蛇羹配蛇湯加潤腸糯米飯，另一款則是配臘腸飯。蛇羹非常出色，濃稠度適中，不會太稀，而且裏面相當足料，有滿滿的蛇肉，不會欺場，而且當中也有木耳，再配上檸檬葉絲和薄脆，口感有層次。而且調味也不會過咸，還吃到蛇肉的鮮味，十分推薦！蛇湯味道也相當不錯，喝完後不會覺得口渴，能夠喝到有一點胡椒的香味。最後糯米飯方面，臘腸帶有玫瑰露酒味，相當不錯。潤腸味道也不會過粉，連我原本不太好潤腸的也覺得好吃。

最近係中環做野，諗吓食咩野，雲吞麵又好似幾貴，又諗唔到食咩，上網搵吓無意見到佢，天氣涼涼地，入秋食吓蛇都好，於是乎就坐車過西營盤食個lunch，去到坐低呀靚女介紹我食套餐，但我又想食大蛇羹，佢話套餐加個差價$40就可以由細轉大，咁我就推咗佢，話一個大蛇羹一個潤腸糯米飯就可以，唔想浪費。黎到試一試個蛇羹，唔會好杰，唔會好水，味道又好，蛇肉又多，再試下個糯米飯，粒粒分明，唔會係好濕咁一舊舊，正！我鍾意！呢間我一定會再黎食！再上網搵多，好多人話佢個雞飯都好正，食緊時仲見到有人拎咗7個玻璃飯盒黎買外賣😅點解我咁遲先知呢間野，我決定每年食蛇一定搵佢（除非佢keep唔到品質！）

因為舊蛇王二已結業，2020/21呢個冬天，蒞到第三間蛇羹舖。蛇王海有安心嘟，有寫紙仔。蛇王海雖然都近地鐵站，但還是感覺位置吊腳。蛇王海分開蛇羹同蛇湯噉賣，蛇羹就的確唔會稀，脆脆果啲自己落。整體味道都係差唔多，都幾多料，不過食落唔少係啡色一條一條果啲，應該係木耳。相比之下，蛇王良嘅料就比較多肉(好似有雞肉同蛇肉)。由於晚飯時間，都叫咗碗雙腸飯。潤腸臘腸原條切大件上，口感ok。潤腸不及舊蛇王二嘅驚喜味道，但臘腸又好味過舊蛇王二。再次一提蛇王良嘅腸粒太細，食不出評語。

西環小店~ 唔知係咪從來蛇鋪都唔會開係最大大街~ 天氣涼，我呢啲身子弱、手腳冰凍嘅人，朋友話食下蛇羹會暖好多~嚟到唔止有蛇羹，仲有蛇湯！啲湯好甜~ 蛇羹勁足料!!! 啲蛇肉係好大條，以前喺其他地方食過，絕對冇咁大、咁有咬口~我鍾意加好多薄脆、香草~ 佢兩盒喺隔離自己加~ 見佢仲有咖哩牛、膶腸飯嗰啲~ 下次試下😊