檀島咖啡餅店 (軒尼詩道)

Open Now

Now Closed

今日同朋友打算係灣仔求其搵間茶餐廳食午飯，檀島咖啡餅店係Openice第一個搜尋結果，最後選擇左檀島咖啡餅店。餐廳貼左好多電影劇照同海報，原來電影「月滿軒尼詩」係餐廳既卡位取景，唔知係咪我坐緊既卡位呢🤣- 夾心西多士夾心餡可以選擇咖央、朱古力同花生醬。西多士炸到金黃色，外脆內軟，一切開咖央醬就流晒出嚟🤤，味道無花生醬咁油膩。- 蛋撻蛋撻酥皮好鬆化，蛋香滑溜，整體甜度適中。- 沙嗲牛肉煎蛋撈丁麵配紅豆冰沙嗲醬好惹味，味道有少少鹹，但撈埋蛋黃中和返。入面有花生碎增加口感。出前一丁煮得啱啱好，唔會話好稔。牛肉唔算好軟稔，但勝在份量夠多。至於紅豆冰好大杯，紅豆都幾淋身，味道唔算太甜。

細個成日同屋企人食🏠 今日再訪 食到情懷之外 食物依然保持到水平🍽️成間餐廳都好有香港本土風味 店員好親切 裝修從一而终保留原有裝潢設計 老香港🇭🇰味道💯超想食拿破崙 個日3pm去到但已經賣晒so sad 又多個籍口再去😈 我印象中係好鬆脆同超香核桃味 但今次食唔到🥲✨✨蛋撻號稱有超過100層 有無我就唔知 但酥皮十分鬆脆 好香油酥味 蛋黃餄好香 好嫩滑 但有小小偏甜 路過都可以外賣拎走🥡✨✨香蔥碎牛炒蛋三文治🥪蔥油香十足 加埋大量咸牛肉碎 咸香味 麵包超級鬆軟 ✨✨西多士金黃色表皮 屬於比較薄 熱辣辣上枱 均勻咁溶化左咸香味嘅牛油🧈 加上入面椰香味嘅香甜味好夾✨✨紅豆冰🫘-紅豆蓉係好似紅豆沙咁綿密 仲食得出陳皮香味 真係勁好味 必食‼️✨凍咖啡奶偏多 好滑 經典口味

Lunch喺灣仔好多選擇，今日就嚟咗食呢間，喺灣仔都算出名嘅茶餐廳叫咗個常餐-雞扒米粉配個茶走，港式瑞士汁牛河佢呢度出名嘅冰鎮奶茶，另外仲叫多兩個新鮮出爐嘅蛋撻！常餐嘅雞扒啱啱煎起，食落去夠晒鮮嫩多汁，配埋個米粉$50真係好抵食港式瑞士汁牛河鑊氣十足，牛肉亦都有好多舊，超級入味，河粉亦都唔會太碎！奶茶奶味濃郁啱晒我口味！新鮮出爐嘅蛋撻係多層嘅酥皮蛋撻，夠晒香脆而且內涵亦都夠甜味！蛋味夠香濃，非常推薦！

返夜學....買十字包做早餐, 原本想買方包, 可惜無厚切, 結果買兩個十字包, @$5, 最初係 $4, 唔係加得太多, 因為覺得好好食, 亞姐問我食唔食蛋撻, 以為佢順便 hard sell, 點知佢真係送咗個俾我, 上到課室之後, 即刻拎出黎試, 微暖, 酥皮鬆化, 如果食到啱啱出爐既應該仲好味! 檀島既十字包....係我既至愛, 今朝烘過先食, 好香, 乾身既質感合我口味, 咁多間分店, 得呢間有, 所有逢路過必買!

檀島d蛋撻出名嘛, 所以買外賣番黎食.雖然凍左, 又變形, 不過都一樣咁好味.好香, 滑溜, 唔會硬又唔太甜, 凍左都一樣好味.