韓珍 (帝國中心) (Closed)

食韓燒的話依間真不錯，此店韓國人主理食物質素有保証，有燒肉和海鮮套餐選擇可以韓燒一番，仲有美味的醬油蟹，真的好吸引，價錢都好合理。前菜 $0前菜六小碟、點完菜自動送上，泡菜、大豆芽、鵪鶉蛋、魚糕香腸、醃蘿蔔、千島醬沙律，韓式小食各有特色，而且仲無限任添。蛋薄餅 $0又係免費的，熱烘烘的鐵板煎蛋好厚身，面層有拉絲芝士的，仲有三色椒粒蔥粒，味道唔錯。醬油蟹 $250金黃蟹膏甘香鮮甜，蟹肉鮮嫩無比，完全唔腥，加上醬汁甜美，有埋咸香紫菜和生雞蛋黃撈飯食一流，實在超好食。海鮮拼盤 $398拼盤好多海鮮，芝士扇貝、蜆、青口、魷魚、海蝦、鮑魚，樣樣新鮮乾淨。大魷魚燒完剪成細條，包生菜加埋三醬中的韓式辣醬，酸辣美味好好食。扇貝厚肉好多芝士，十分滋味。海蝦鮑魚好新鮮彈牙，細蜆十多隻好易燒乾，味道鮮甜。西柚梳打 $48西柚酸酸甜甜清爽解膩，配韓燒絕佳的的選擇。

尖沙咀分別有兩間分店，Book咗唔好去錯。餐廳大，但都要book，平日去都聽佢講有啲full。服務好，雖然餐廳比較忙，都會自動換烤架，幫手夾肉去燒，簡短講解下，又會用鉗幫剝蝦殼。Menu食物好多款，選擇困難症好彩店員有幫手介紹。上菜前會有好多款前菜，泡菜，醃蘿蔔，豆皮，芽菜，蝦乾等小碟都可以refill。✨味道77分，服務80分，環境75分。.🔸八方美人($588)總共有八款肉類，有醬油雞肉，大蝦，鮮鮑魚，雪花牛肉，牛舌，豬頸肉，豬肩肉，護心肉。好在可以每款肉都食到啲，肉質素不錯。店員解說韓國人鍾意食牛先，因為覺得牛較珍貴。鍾意可以烤完就咁食，又可以包生菜點調味食。另外，會送個煎蛋薄餅。.🔸海鮮豆腐辣湯($98)正宗韓國人鍾意烤肉之後選擇飲豆腐辣湯，又或者牛胸肉大醬湯，泡菜豬肉湯。微辣，有蜆，魷魚，豆腐，各種配料，味道剛好，就咁飲都唔夠鹹，另外仲配一個白飯。.🔸韓式桃汁($20)好香桃味，飲落厚身，唔太凍。

同朋友食韓燒揀左好評如潮嘅韓珍，當日有唔少食客都係韓國人，相信佢味道正宗。平日夜晚去到有四五組人等位，記得訂左枱先去。老闆非常好客，會盡量招呼每一枱，亦會安排員工幫手燒烤，我同朋友幾乎全程無郁過手。用爛爛嘅韓語同老闆傾左幾句後佢更熱情，滔滔不絕咁分享韓國飲食文化同燒肉貼士，所以呢篇食評會較詳盡喔。 (w/ 10% service charge)坐低無耐店員就送上前菜，之前去唔少韓國餐廳都係求其畀碟泡菜同大豆芽就算，呢度仲有甜豉油鵪鶉蛋、魚餅、青瓜泡菜同埋蛋薄餅，老闆話蛋薄餅嘅靈感黎自用鍋上嘅韓式蒸蛋，內有芝士同苦瓜洋蔥等蔬菜。🍽特級牛肋骨  Beef Short Rib (250g) ($250)店員話韓國人通常食完牛先食豬，建議我地燒牛先。睇紋路就知肉質唔錯，燒熟個面鎖住肉汁後，就可將牛肋骨剪成bite size放喺蔬菜面，用餘溫㷫住，以免overcook。第一片肉建議點喜馬拉雅鹽試清楚個味，之後可選擇麻油海鹽、韓式包飯醬、wasabi或洋蔥汁。牛肋骨肥瘦均勻，肉味頗濃，好食。🍽豬頸肉 Pork Jawl (150g) ($150)呢款係後頸肉，感覺爽口啲，無醃過都好夠味。老闆話韓國

此店韓國人主理味道正宗，地方幾大卡位多，自成一國八人圍爐都適合，可說是好友歡聚食韓燒的不二之選。場內抽氣幾好店內無味，想韓燒的話有燒肉和海鮮套餐選擇，唔燒都仲有多款韓式料理，如醬油蟹、炸醬麵、炸雞、石鍋飯等等，價值ＯＫ的多人食比較化算。前菜 $0點完野食無耐八小碟就列陣出場，有生菜、辣筍、脆皮腸、大蒜和韓國辣椒、醃蘿蔔、泡菜、韓式炒翠玉瓜、千島醬沙律，韓式特色前菜酸辣開胃，而且仲無限任添。蛋薄餅 $0熱烘烘的鐵板煎蛋好厚身，面層有拉絲芝士的，仲有三色椒粒蔥粒，味道唔錯。海鮮煎餅 $150煎餅外型似足pizza，預先分成六件，粉底唔厚餡料唔少，有魷魚粒、帶子粒、蝦粒、紅椒和葱段，咸香的海鮮加上爽口的葱段再蘸埋魚露，口感味道豐富非常美味。海鮮拼盤 $350豐富海鮮有芝士扇貝、蜆、青口、魷魚、海蝦、鮑魚，樣樣新鮮乾淨。扇貝芝士碎好多有點邪惡，貝肉已預先起左，一夾就食得好方便。海蝦鮑魚好新鮮彈牙，細蜆十多隻好易燒乾，味道鮮甜。大魷魚切成細份包生菜加埋三醬中的韓式辣醬，酸辣美味好好食。西柚梳打 $48好喜歡西柚的清香，顏色又美，酸酸甜甜清爽解膩，配韓燒絕佳的開胃飲品。

在香港，有質素嘅韓燒韓國菜真係買少見少， 試過尖沙咀韓國街好多韓國餐廳， 但係就冇一間真係特別好食特別值得推薦， 竟然係茫茫人海中比我遇上你「韓珍」～ 「好時辰先找到你，天公對待我真好 」❤️ 係機緣巧合之下， 在openrice見到網上訂座有折扣優惠， 單點餐牌8折， 睇相又好似幾好喎， 所以就諗住試下～ 嘩，餐廳都幾full！ 疫情未減下，都可以咁full， 可想而知餐廳口碑都幾好！ 建議去之前預早book定位先～😏 餐廳由韓國人主理， 唔怪得裏面有咁多韓國人、日本人幫襯， 黎回憶下家鄉嘅味道～ 曾經八色五花肉在韓國好出名， 估唔到在香港都有得食！😍 而且仲有好多其他套餐優惠～ 套餐好切合港人口味， 除咗五花肉之外， 仲有海鮮、牛肉、豬肉等， 五花八門嘅配搭， 梗有一款啱你！ 呢到仲有醬油蟹食，唔洗去韓國都食到啦！ 「韓珍」嘅肉夠新鮮， 所以唔洗加任何調味料， 本身已經肉香十足， 蘸上麵豉醬、黃豆粉、麻油海鹽， 用生菜夾起來一齊食，更別有一番風味！ 我地倆口子揀左一個有豬肉和牛肉嘅二人套餐，成個套餐$580，

疫情期間去唔到韓國遊行✈️❌，好彩有呢間韓國料理餐廳幫我頂下癮🤩 由韓國人主理，全韓國人班底，正宗到不得了💕，餐廳播住韓國k-pop、店員又講韓文、連食客都好多係韓國人😳，真係差啲以為去左韓國🥺。首先有前菜6點，仲送左個鐵板盛載既蛋薄餅💲FREE 😋。🐷蜂窩五花腩💲150＋🥬生菜💲10CP值好高😋，五花腩厚切，油脂味好香，燒得長時間都唔柴唔鞋口，我比較喜歡燒燶一點，就算冇醃製過都好香口惹味😋👍🏼，生菜又完整又大塊又爽脆🥬，配埋一齊食超正💯。.👅牛舌💲160有8片薄牛舌，好香牛味同牛脂味😋，好有嚼勁，口感十足。.🥩調味特級牛肋骨💲230上菜既時候份量大到嚇親🤣，超大舊真係，有成200g😳，調味醃得好出色，帶點甜甜既果香，肉味香濃，食落去好juicy好有嚼勁，之後就慢慢溶化係口中😋，用料真係好高質💯。.🥚50cm長韓式雞蛋卷💲158真係超長超大份，視覺效果好震撼😳🤣，薄薄既雞蛋外層包裹住生菜、泡菜、飛魚子，口感爽脆又好香蛋味，又有沙律醬同茄汁調味，正😋！————————————————價錢：💲779 / 2ppl味道：😋😋😋😋😋環境：✨✨✨✨✨服務：💁🏻‍♂️💁🏻‍♂️💁🏻‍♂️💁🏻‍♂️💁🏻‍♂️賣

飛唔到韓國 留港都可以歎到真正韓燒事關呢間餐廳由韓國人主理老闆 侍應 食材 全部都係designed by Korea呀朱媽仲好好服務 勤力換爐網睇唔過小編手殘 仲幫手燒埋🥰🥘八方美人分量足夠2-3人 種類超豐富全部都好新鮮 尤其係海鮮 即刻想encore 🐥醬油雞肉: 醃得恰到好處 🐮牛舌: 爽嫩 一啲都唔韌 🐮雪花肥牛: 牛味重 🐷護心肉: 珍貴嘅食材 一隻豬得好少 🐷豬頸肉: 爽口 🐷豬頰肉: 脂香油潤 🦐烤大蝦: 處理得好乾淨 鮮甜彈牙 🐚鮮鮑魚: 磯燒鮑魚嘅味道👍🏻小編至愛🥘特級牛肍骨油脂分佈平均骨肉均稱 脂香軟腍🥘蛋薄餅鐵鍋熱辣辣 蛋邊香脆(P.S隨套餐附送).不得不提 前菜真係好好好好味小編忍唔住厚面皮refill左幾次但呀朱媽依然好好服務🥰

好耐冇食過韓燒lu～ 難得約到幾個朋友聚餐，燒肉／打邊爐就啱晒。我哋嚟咗呢間位於尖沙咀帝國中心嘅《韓珍》，貪佢近海傍，食完嘢可以去行下。真係有驚喜 ，肉質上乘，其他食物質素都好高，價錢仲相當合理！星期一至三仲有「五花肉／豬頰肉／護心肉」半價優惠。可惜我哋嚟嘅呢日係星期四🥺同所有韓國餐廳一樣，一嚟都係會上好多碟前菜，仲係任添架😍用嚟包肉嘅菜。都係任添嘅😛點肉嘅醬汁蛋薄餅平時啲韓燒爐嘅邊邊可以倒蛋漿燒蛋，呢到就冇嗰個位置，反而另外上咗碟蛋薄餅🥚侍應姐姐幫我哋調較抽油煙機高度中🥰（另外如果自己唔識燒，佢哋都會過嚟幫手；仲會好勤力幫你換鐵板添，服務不錯！）八色珍味拼盤四色五花肉+豬肉 ($580)十分之推薦呢個「八色珍味拼盤」！「八色珍味拼盤」入面有八碟肉，分別用上八種調味，等你可以一次品嚐晒不同口味！我哋揀咗嘅係「四色五花肉+豬肉」，但亦都可以選擇齋牛／牛+豬。< 四色五花肉+豬肉：護心肉、調味排骨、豬頰肉、豬頸肉 >我哋比佢張相呃咗⋯以為每碟都只係調味碟咁細碟，點知原來圖文不符，出嚟係大碟好多，而且啲肉卷住咗，卷返開其實係有勁長，真係好似佢menu所講咁係2-3人份架⋯呢次

那晚下班後與男朋友逛逛尖沙咀，沿著海旁一直走到尖東，差不多到晚飯時間便在附近四處覓食，發現帝國中心內在韓國燒烤，一於試試遊客會光顧的韓燒吧！餐廳位於1樓電梯旁，光亮的名牌吸引著我凝視，那看不懂的韓文引發了我的好奇，便選定了它作晚餐之地內裡燈火通明，而私隱度更比其他韓國燒肉店高，每枱均有玻璃幕相隔，餐廳靠窗位置更有卡位，周遭潔淨無比。可能光顧日為星期四平日，所以人流不多，環境寧靜舒適安坐後揭開餐牌，第1頁便是令我目定口呆的吸精菜式，三款拼盤各自均由八款食材組成，可以選擇四色五花肉拼牛肉或海鮮或豬肉。稱為牛魔皇的我倆必點拼牛肉無誤，還點了湯與白飯前菜豐富充足，有芽菜、泡菜、韓式香腸、沙津菜及洋蔥等，可以製造出屬於自己不同配搭的生菜包燒肉還送上蛋薄餅一塊確實感到意外，餡料有洋蔥及三色椒，蛋口感帶少許煙韌加上切粒蔥及椒增加層次感，但略嫌餡料份量較小及整體油份遍多8款整齊排列得與餐桌相同長度的拼盤率先呈上，8小碟分別有一小舊脂肪、調味烤裹脊、調味烤排骨、牛舌、雪花肥牛、韓式辣醬味五花肉、香草味五花肉及黑椒味五花肉。牛肉色澤紅潤，肉與脂肪分佈尚算平均，而醃製五花肉沾滿醃料並包裹成卷狀，光看外貌已令

今晚約左3個食肉獸朋友去尖沙咀食晚飯，見到呢間韓珍d 五花肉大大件好吸引咁，就當然要食下啦點餐後侍應隨即送來各款精美韓式泡菜及沙律蛋薄餅呢一份蛋薄餅雖然係送既，但做得一d 都唔馬虎架，蛋香味十足蜂蜜梨汁生牛肉 - $180食完少少泡菜之後，就食個頭盤先，呢款生牛肉混入左麻油同生雞蛋，口感非常嫩滑，拌入新鮮青瓜同梨條，又爽又鮮甜美味四色五花肉+牛肉 - $675雖然呢度主要食五花肉，但d 牛肉一樣好靚架，有一小舊牛脂，燒熱塊鐵板之後放上去燙一燙，先食韓牛，雪花牛肉肉脂平均分佈，快速燒完一邊反轉再燒，keep住鮮嫩肉汁，燒至5成熟食，更嫩滑肉香無比。五花肉有多款口味，有咖哩有香茅有黑椒有泡菜味，肉醃得好入味，五花肉好厚身，好有飽滿感Raspberry Wine - $148, Plum Wine - $88食完咁多肉當然要回下氣，叫左2枝韓國酒，Raspberry 非常濃味香醇拌冷麵 - $88食番個冷麵過下冷河先😂麵質煙韌，辣醬香濃傳統炒年糕 - $120韓式辣醬非常惹味，配埋煙韌年糕，絕對係天衣無縫海鮮煎餅 - $150大大件又非常足料既海鮮煎餅，薄得黎又包得住d 海鮮餡料，而且蛋香味

之前見朋友係佢嘅IG度post過這間餐廳嘅〈八色珍味拼盤〉覺得非常靚，所以今日就特登同老公來一試。餐廳名稱叫〈韓珍〉，位於尖東帝國中心內，交通非常方便餐廳內嘅抽風系統非常之好，唔會話一行入去就勁大浸油煙味或者燒完之後覺得自己都係其中一塊烤肉。二話不說當然要點我哋心儀嘅〈白色珍味拼盤〉。由於我和老公各自也不太喜好牛肉和海鮮，但每份拼盤都是2-3人的份量，所以我們就選擇共同都愛吃的豬肉+五花腩拼盤。🐽🐽🐽拼盤和其他食物未到前先奉上多款韓式前菜，感覺好正宗呢〈八色珍味拼盤〉落完單好快就已經奉上拼盤，絕對如餐牌上的一樣美觀。〈護心肉，調味排骨，豬頰肉，豬頸肉〉除了色彩繽紛的四款五花腩外，還有這四款特色的豬肉部位，立即就二話不說先燒這幾份較為少調味的肉肉最難忘是爽脆的豬頸肉和膠質豐富又彈性十足的的豬頰肉，即使沒有加入大量調味都非常好吃。〈四色五花肉〉當然還有四款最色彩繽紛的五花肉。分別是香草黑椒，孜然，咖喱和泡菜口味。最難忘咖喱和泡菜口味，雖然和我們平常吃的味道沒差，但是配上五花肉就非常惹味，味道濃烈得來又夠香口，而且大大片的，非常得食肉獸老公歡心。〈蛋薄餅〉我就偏向清淡一點，所以點了個蛋薄餅。

睇到標題可能你會好奇點解六折食到韓燒？因為我係用EATIGO預約呢晚係中環過海黎到尖東附近，即刻用apps搵下附近有咩餐廳有折扣優惠。見到19:30時段《韓珍》有40%off提前30分鐘禁制訂好位！一場黎到當然想試下佢地既韓燒，不過原來有些優惠set係eatigo無得享用優惠，所以落單前記得同店員出示你地係用apps預約架！一坐低比既前前菜有四款，份量唔細落完單店員拎左呢個蛋薄餅放低，當我想話我地無叫果陣，店員話係free🆓我地兩個人order左一份四色五花肉加豬肉 / $580，有八碟。八碟都係唔同味道，八種味道都唔錯呢度既店員一有時間都會行埋黎幫你燒幫你剪食韓燒唔少得啤一啤，Cass / $30最後再order多個牛肉石碢伴飯 / $59，另外有瓶辣醬可以自己加，鐘意食辣既朋友就可以自己加多啲我地兩個人揀左係角落位置，都夠靜。最後埋單六折後$508，都算抵食（比較正價的話）**比個tips大家，可以download 埋Storellet 做埋會員拎埋迎新優惠有張free paper mask送。