玉桃軒酒家 (利舞臺廣場)

Open Now

Now Closed

大熱天時去跑馬地馬場跑完步,缺水咁..晚餐最佳選擇就係食中菜,狂飲茶補水是晚去最就腳地利舞臺,就選左玉桃軒入到去未坐就叫左茶先,之後再睇食咩個環境都OK,唔算迫,坐得舒舒服服望下菜單點左以下幾樣菜蜜汁叉燒皇,籠仔糯米走地雞,鎮江香醋排骨煲蜜汁叉燒皇--先講肉質,半肥瘦..這是好重要的唔會太鞋口又唔會太肥.汁味肉味重,香口..唔錯籠仔糯米走地雞-有飯有雞,飯中有少少酒味連帶雞一起昇華,雞肉入味.糯米夠林,唔會好硬鎮江香醋排骨煲-味道唔錯,夠晒熱連煲令到洋蔥加排骨同時候一起食更加美味,KEEP到更耐熱....用黎送飯一流

上次去過康怡廣場嗰間玉桃軒覺得幾好味，所以上星期二晚放工後去咗銅鑼灣嗰間玉桃軒度試吓。其實地點呢就比較方便啲，因為係銅鑼灣。裝修呢就同康怡廣場嗰間差唔多都係乾淨，都坐得舒服，而服務人員都OK嘅。上次食咗康怡嗰間好味嘅燒乳豬，今次來呢間就試吓佢哋出名嘅叉燒，同埋其他家常小菜。總括嚟講佢哋嘅小菜都唔錯雖然我鍾意康怡嗰間嘅時燒乳豬多少少，但係佢個叉燒都做得唔錯嘅。嗰日我同個朋友兩個人叫咗以下嘅嘢食。蜜汁叉燒皇$118-叉燒嘅外皮燒得幾脆，同啲肉都鬆軟。雖然張相睇落去好似比較乾，但其實食落去都有肉汁嘅。而且啲肉都幾冧，同埋幾香甜，而且都有肉味。有一啲位係有半肥瘦嘅叉燒都唔錯。甜豆百合炒藕片$88-我覺得呢個餸值得一條嘅係佢個蓮藕片炒得幾甜，同埋爽口。加埋啲百合同甜豆呢成，個餸都幾清甜醒胃，同埋容易送飯。魚香茄子煲$88-個魚香茄子煲啲魚香味都OK，而且送飯都可以。瑤柱金栗石斑塊$118-個石斑塊啲肉質都幾實，有𡁻趙口，同埋個汁都煮得唔錯。

午膳時間雖要到銅鑼灣辦點事，順道到附近玉桃軒飲茶吃飯。這份午市點心靚湯餐，可自選三款點心、一款靚湯、一款小食、一款小菜及一款飯麵，足夠三至四人享用。蟹籽蒸燒賣皇口感富咬口，味道 OK 喇！香脆蝦多士以蝦膠取代原隻鳳尾蝦，賣相固然不及預期。以半煎炸模式製作，雖然少了一份膩口，但同一時間也少了一份脆感。魚湯鮮竹卷以爽口食材為主要餡料，鮮竹搭上清甜魚湯有不錯的效果。即日老火煲湯為粟米合掌瓜煲瘦肉，味道甜香。菠蘿咕嚕肉製作外脆內軟，甜酸汁味道調較恰宜。建議咕嚕肉可切得大件一點，口感更佳。蜜汁叉燒皇肉香濃，質感鬆軟，肉紋清晰，好吃！豉椒牛肉炒河河粉算上炒得分明，不會黏著在一起。豉椒汁味道都算可口，牛肉水準普通喇！餐後有糖水甜點送贈，腐竹薏米糖水甜感適中，滑口滋潤。楊枝甘露糕味淡。黑芝麻卷略帶煙韌，含蓄泛著芝麻清香。