Goobne Chicken (V Point)

Open Now

Now Closed

上一次我食過Gooben Chicken UFO芝士火鍋，每次諗起真係好想再嚟多次，今次知道銅鑼灣有一間分店喺 V Point 25樓 對住無敵海景望到尖沙咀景色，食住烤雞飲番杯啤酒好寫意.❥ ❥ ❥蜜糖咖喱烤雞 $218Gooben Chicken貴為韓國烤雞品牌，沿用了烤焗方法，無油炸咁油膩保持原有味道同香脆口感肉質更能keep得非常juicy, 兩者配搭味道還不錯，不過咖哩味比蜜糖香重，一碟份量都好多，兩個人食唔晒食烤雞點都要飲返杯啤酒🍻先係絕配仲要有優惠買二送一🍺🤩.❥ ❥ ❥烤牛肉蓋飯 $88一個set lunch跟前菜有砂鍋魚糕湯 魚糕浸過既湯好有味道同口感好彈牙唔會太腍湯味濃郁 ，招牌凱撒沙律 🥗 有車厘茄好甜新鮮配搭蔬菜仲有炸麵包粒加咗醋汁特別酸甜開胃主角烤牛肉蓋飯賣相非常之吸引，滿滿嘅材料包括有洋蔥🧅、3色椒、木耳絲仲有醃好牛肉口感好嫩滑，配埋蔬菜同木耳一齊感覺唔會太油膩，另外蛋汁掛住白飯同牛肉一啖食落去唔會太乾身，比起石頭鍋飯冇咁熱氣健康啲

話說喺銅鑼灣返工咁耐，我有位同事食呢間野食得好狂，一個禮拜總要來一次。今個星期我就跟咗佢嚟食，體驗下究竟有幾厲害。Lunch set其實都幾抵食，我揀咗個有雞同埋飯，有沙律同嘢飲嘅午餐，醬汁叫咗咖喱蜜糖，由於佢唔係炸雞，係烤雞，所以應該冇咁熱氣。而且醬汁都好足夠，唔似出邊嗰啲韓國炸雞咁係加味精粉，呢個位係的確幾欣賞嘅。感覺佢啲雞真係幾新鮮，而且揀選嘅部位都好多肉，唯獨係啲白飯比較硬左少少，不過食嗰啲雞都夠飽～另外叫咗個韓式辣年糕加即食麵，我見佢餐牌上面有三隻辣椒應該好辣，加上我同事食過極力要求微辣，最後好彩都真係叫咗微辣，因為佢都真係幾辣。其實最欣賞嘅係咩呢，係佢喺25樓咁高，望番落去平日嘅銅鑼灣，都真係幾chill。

知道goobne定期都會推出新食品，夜晚喺銅鑼灣行完街，一於嚟銅鑼灣分店試吓。位於V-point 25樓，坐窗邊可以睇到少少維港景色。柚子沙冰，酸酸甜甜，十分開胃，炎炎夏日飲真係涼透心！韓式炒粉絲雞蛋卷，粉絲炒得幾煙韌夠味，濃郁嘅蛋香包住溶咗嘅芝士、午餐肉、酸蘿蔔等配料，配埋隔離醬汁帶少少微辣，一啖擺落口，味道好豐富！而且層層鬆軟嘅雞蛋卷，食落好有口感。十分推介鐵板芝士泡菜炒飯，餐廳以鐵板上，賣相有啲似火山、芝士似熔岩，幾有創意。我同友人趁熱嘅時候快手撈匀所有材料。芝士做到拉絲嘅效果，已經急不及待要食泡菜帶點酸酸辣辣，好開胃，配埋火箭菜食，更加清新，撈匀香濃嘅芝士，令粒粒飯都掛上而且鐵板可以保持熱度，一路食其他配菜都唔驚凍左。主角蜜糖咖喱烤雞，最欣賞餐廳烹調方法唔係用高溫油炸，而係用烤烘，十分健康！而且烤雞可以保持雞肉細嫩，鎖住肉汁，外皮更十分香脆！味道方面，烤雞有點香辣，灑上香甜蜜糖同杏仁，味道好夾！好惹味！同友人兩個食到滿載而歸好滿足！而且用匯豐信用卡仲有優惠優惠去到6月30號！原本想試呢個新款香港限定菜式(用匯豐咭有七折)，但賣晒唯有下次早啲嚟。

食野當然要揾過環境坐得舒服又有景睇下咁喇.. 最啱我地女孩子傾偈.. 最得我地揀左上V Point食炸雞.. 個景真係無得輸.. 街景都好靚.. 仲有Goobne 特色倒插沙冰.. 哈哈.. 不過今晚我朋友唔飲得酒就唯有唔飲喇.. 韓式粉絲雞蛋捲: 呢個都係我每次食都必點架.. 入面有火腿青瓜仲有粉絲.. 有點素都可以整得好好味.. 次次都食唔停口.. 基本連另外上嘅醬汁都可以不用點咯.. 健康之選.. 芝士炒年糕: 芝士味勁濃又辣辣地好開胃.. 本身年糕都無味但一煮完再點芝士汁.. 辣中帶芝士香.. 本身仲有辣麵底.. 但我地怕太流就無點芝士汁.. 不過放耐左芝士會凝固就無咁好食.. 一食就知道係邪惡之最.. 蜜糖咖喱烤雞: 皮脆內軟.. 外皮脆得黎沾滿甜甜的蜜糖味.. 哈哈.. 但係不太發覺有咖哩味..原來係要點醬先得.. 不過我自己鐘意就咁食多啲.. 雞肉夠滑.. 味道剛好不太濃味.. 另外不得不提就係我最愛嘅酸蘿白.. 好開胃而且中和到炸雞嘅’流’ 同油膩感.. 雖然價錢都偏貴了點.. 但至少都仲有靚景睇.. 再嘆杯cocktail 簡直人生一大樂事.. 不過我地2個人點3樣都

講到最喜歡嘅烤雞店，點都要數Goobne Chicken，最初開喺旺角，收工成日同同事們一齊晚飯，一試愛上佢地嘅烤雞，真係特別好食。幾年間同事間相繼離開公司，唔再喺同一職場，見面較少，但每次相聚都會記起我地曾喺呢度食烤雞，仲有最愛呢度嘅蛋卷。而家分店愈黎愈多，最近黎到銅鑼灣嘅分店更加係有如此靚景，值得一試呢間分店位於登龍街，以前講到登龍街淨係知有拉麵店，而家執淨幾間，反而食店種類更加多元化，呢棟大廈我之前黎過一次打火鍋，位處高層，日頭天氣好、日落、入夜景色真係幾正。餐廳佔地頗廣，位置都多，相對其他分店闊落，坐得舒適，去過唔同分店，最喜歡呢家喇。裝潢簡約，但又有格調，特別配上大玻璃，視野廣闊，環境滿分。如果想坐窗邊位置或者需要預約又或者好似我地咁食個early dinner先得(笑)。當日仲要輪流播住《太陽的後裔》同《鬼怪》嘅OST，非常開心。餐牌選擇豐富，有鐵板雞、烤雞、年糕、部隊鍋、魚糕湯、沙律、雞蛋卷、豬肋骨等，飲品都比起我上次（好耐之前）黎多左好多選擇。始終食烤雞都係人多除番開抵食啲，加上份量比較大，好似我地今次兩丁友黎，點左兩款已經飽了，相當滿足。本來見到佢地有牛奶冰，草莓、紅