Amour Garden Grill & Bar (Closed)

朋友曾經喺呢間餐廳度舉行BBQ派對...BBQ環境唔錯！見到呢度原來都有晚餐...所以叫埋朋友來試一試個晚餐！七點半左右嚟到，好好彩唔需要等位！然後我地就決定叫一個沙律丶一個小食同埋一個主菜！首先叫一個煙三文魚和風胡麻凱撒沙律…再叫一個蜜糖雞翼…最後就叫一個晚餐－黑松露海蝦意大利飯！加$38 可以多一客鵝肝多士/$88 半打美國生蠔煙三文魚和風沙律配胡麻醬，感覺好清新！煙三文魚份量多，而且擺切得精美！蕃茄、生菜好新鮮，所以食落都好有爽口！比一般凱撒沙律優勝！主菜－黑松露海蝦意大利飯海蝦味道不錯，有鮮味亦有忌廉味！而黑松露嘅味道則是淡淡滲出，味道唔會蓋過整碟飯！飯入面有不少菇類同埋洋蔥令意大利飯整體口感提升！ 飯嘅硬度亦剛好，不會太硬！令人驚喜呢間餐廳有如此水準！小食－蜜糖雞翼呢個蜜糖雞翼都令人相當讚嘆！拎出嚟嘅時候香味已經撲鼻 賣相亦都好吸引！咬落去肉汁已流出，而且蜜糖嘅味道亦都好濃！配合埋雞肉一啖一啖咬落去真係好好食呀！鐘意食雞翼嘅粉絲要點喔！整體ok, 價錢合理！

跟老公在朗豪坊欣賞完電影之後，在附件找地方歇腳兼醫肚，此餐廳位於商廈內，地方很舒適，座位寬敞，外面還有一個露台可以BBQ，由於是炎炎夏日，我們當然選擇室內用餐，點了個二人餐．先來個田園沙律，粟米蕃茄配上清翠的生菜再拌上日式芝麻醬，新鮮開胃．餐湯是黑松露雜菌薯仔湯，好足料。海鮮頭盤有翡翠螺，藍青口及生蠔，全部都好新鮮，青口雖然細少但鮮甜；翡翠螺好厚身而且肉質爽滑鮮甜；生蠔帶有海水的咸味，好新鮮．蜜糖雞翼肉質多汁嫩滑，如果蜜糖味再濃會更好．主菜點了香煎羊架配薯菜及大蝦黑松露意大利飯，羊架表面金黃，煎得恰度好處，而且鎖住肉汁，非常 juicy。而意大利飯口感比較淋但都好夠味。甜品是木糠布甸及焦糖燉蛋，上枱時以為服務員弄跌，原來是擺盤設計，好可愛。

黎到旺角覓食，吾想再食連鎖餐廳，上左黎呢間位於4樓樓上舖嘅Amour Garden食左個抵食夾大件嘅二人套餐因為室內的位置爆滿了，我們被安排到室外的露天座位。天台空間非常寬敞，有冷風機，而且頗有格調。吸煙人士可隨時到這裡交換空氣。我地試左個 $238 二人餐餐湯有忌廉粟米湯 非常濃稠，好有口感，一入口就食到有好多細小的粟米碎粒在口中好有咬口。House Salad蔬菜都幾新鮮，好鍾意個dressing，酸酸甜甜好開胃。蜜糖雞翼蜜糖味十分突出，亦嘗出有少量黑椒味，可再略為加重黑椒味，建議可添加其他香草作調味，令味道更豐富。澳洲西冷牛扒配意大利飯大大塊牛扒，十分慷慨，可惜味道一般，煮得略為太熟太韌，但配以蘑菇汁感覺還可以意大利飯就幾好食，忌廉味道啱啱好。黑松露海蝦意大利粉十分足料，有明顯黑松露味，有多隻鮮蝦和蘑菇。仲有隻炭燒虎蝦，抵返晒。看得出有花心思裝飾菜色。甜品揀左木糠布甸同Oreo曲奇朱古力雪糕，幾好食！好鍾意木糠布甸入面放左花生脆脆，好有咬口！而且碟邊裝飾得好靚，非常有誠意！服務大致不錯，招乎我們的女生態度友善，有主動問食物好吾好食。而且食物份量算大份，以二百幾蚊二人餐黎講都算抵，

近年一些商廈也在搞bbq，老實說我是支持的，地方比燒烤場整潔，而且地理位置亦相當方便，除了尖沙咀的J1 club 外，朋友力薦我另一間在旺角區的bbq。地點也不難找啊~ 在朗豪坊行過兩個街口而己~ 然而有了地點，日期又約了很久，約到了，又突然下雨，看一看露天的地方都變成濕轆轆了~ 我們又不像鄰座的小妹妹，我們都老了，怕濕怕熱怕蚊咬~ 幸好這裡比J1 Club好就是有得選擇在室內吃，室內的空間很多，中間像舞池般中空，包場搞派對完全沒有問題~party set 也只是$180一位(未加一)，我地雖然4個人，但佢都俾我地叫~ part A 可以選4款、part B選3款還有甜品，而且汽水任飲和煙三文魚沙律做前菜，百幾蚊真係唔錯~ 雖然汽水任飲，但我只係揀左清清地嘅蜂蜜綠茶飲~這個煙三文魚沙律真係幾足料，完全係足夠4個人份量，雖然三文魚唔太厚，也切得太碎放得太凌亂，但味道算係唔錯，而且胡麻醬也下得足夠~ 很和式的沙律~~~我沒想到這裡也有parma ham吃呢~ 雖然不是什麼頂級的~ 但朋友們都不是嘴刁的傢伙，有得吃便好，質素也不算太差，只是parma ham欠油光，也比較乾身，不過哈蜜瓜鮮甜

今日放工約左個朋友係旺角食飯，又想搵個靜靜地既地位傾下計，朋友就介紹左我去amour garden grill & bar。原來係樓上舖，一入到去就好有「家的感覺」，坐係sofa到自成一角，可以慢慢咁傾計！出面戶外地方可以BBQ，下次可以同朋友尼試下係鬧市中BBQ！舖頭女仔介紹我地食左個二人餐。田園沙律作為頭盤真係無得頂，最緊要夠新鮮，仲有我超鍾意既芝麻醬同蕃茄仔！跟住就食蜜糖雞翼，入口已經滿口蜜糖，一咬就會發現雞翼入面既肉都有蜜糖味，真係好似啖啖蜜糖！主菜係白酒蒜香意大利粉，一上枱，我地已經：「WOW!」超多硯圍住成碗意粉，仲要粒粒有肉，絕對足料！蒜香味濃，岩晒我胃口！再尼就係黑松露海蝦意大利飯，一碟有成7隻大海蝦，仲要每啖飯都有黑松露味，正丫！最後甜品我揀左朱古力軟餅配雪糕，最初以為同普通市面既差不多，食落先發現濃濃朱古力味，仲好有層次感！舖頭女仔話特別入貨嫁！如果想係旺角鬧市搵個地方同朋友靜靜地傾計食飯，amour garden grill & bar真係唔錯既選擇！

今晚又與旺角工作的朋友共晉晚餐，這次他提議到這家位處商業大廈的樓上店晚飯。這家餐廳，除了本身主打西餐的鋪位外，也包括一個露台，可與一大班朋友過來燒烤。店內菜式主要是以套餐形式銷售，這晚就與朋友點了最基本的二人套餐，包頭盤、沙律、兩道主菜、甜品和一杯25元內的飲品。沙律份量頗多，沙律菜尚算新鮮爽脆，惜菜仍沾有不少水點，未夠乾身。上面還有幾片煙三文魚，鹹香度適中，整體不俗。多士烤得金黃，時間拿捏準確，入口香脆。蜜糖雞翼也是烤得外皮金黃香脆，醃得尚算入味，水準不錯。黑松露海蝦意大利飯，黑松露提味效果出眾，意大利飯頗香口，只是稍嫌飯身未夠乾，不過飯粒仍能嘗到粉粉而具嚼勁的意大利米口感。個人一向不太喜歡吃牛扒，因為怕其多筋難嚼。不過這塊牛扒有牛應有的口感和嚼頭，筋位不多，可以愉快地一塊又一塊的放進口中。至於牛扒旁的薯條是一般港式餐廳常用的扭紋薯條，個人認為可以做得更香脆一些。木槺布甸尚具忌廉奶香，可惜布甸太硬身，不知是雪藏甜品的凍櫃問題還是材料本身的問題了。飲品點了朱古力曲奇奶昔，忌廉細滑。奶昔具曲奇甜味，惜質感較稀，可以再厚稠一點。在旺角這樣的鬧市中，能在此安靜的一隅用餐，實是忙裡偷閒的好選擇

今晚約左外國回來好耐無見既好朋友出黎食飯。當然想搵個地方,,可以舒舒服服咁傾計la係旺角既鬧市之中，好難找到靜得來有格調的地方，AMOUR GARDERN 是樓上鋪，位於旺角豉油街一商業大廈裡,靜靜地，有波睇、有野飲，個天台重好大tin!!搵到一個咁靚既地方同老友吹水係一生一大樂事... 我點了個二人 set dinner :主菜就叫左個西冷牛扒伴薯菜.. 牛扒岩岩好4成熟，西冷扒經特製調，配上燒汁滋味無窮,煎牛扒岩岩好4成熟切既時候,,D 肉汁慢慢咁流出黎。黑松露什菌意大利飯,配料十足:有鮮冬菇位,磨菇,忌廉,黑松露,鮮蝦及松露油，香氣四溢，未食已經流口水了。黑松露什菌意大利飯- 好creamy, 唔加芝士粉都好夠味，夠熱，個飯好香，但因為本人係芝士粉怪，都忍唔住叫佢比支芝士我，一個人食會飽晒！蜜糖雞翼,雞翼加上香草煎至金黃,雞肉嫰滑,再加蜜糖真係超惹味煙三文魚沙律除了爽脆沙律菜、車厘茄外，還有香煙三文魚，再混入美味胡麻醬，餐前小吃份外醒胃。2人餐才 $288 還有甜品，實在超值！！