茶房別天神

Open Now

Now Closed

幾年冇嚟過，近排要多留家中，就算出去食都係喺屋企附近食，快食快走！小龍蝦蟹籽沙律我最愛佢哋嘅沙律，唔係普通嘅薯仔沙律，加咗啖啖肉嘅小龍蝦及咬落有卜卜聲嘅蟹籽，再用新鮮紫菜包住，多重口感，超鍾意！蝦味噌豚骨湯麵 ($115)上菜後講咗陣野先食，但一路講就一路聞到好濃郁嘅蝦味，份量多到食到尾都仲有好多蝦，非常誇張！湯底好黏稠，每一啖都有好勁嘅蝦味，飲落唔會覺得好油膩；蛋白熟透、好香嘅蛋黃呈半熟流心狀；叉燒肥瘦適中，唔會咬落成層肥膏咁樣豚骨湯麵 ($75)配料例如木耳絲及蔥依舊咁多；熬咗好耐嘅湯底醇厚，骨膠原蛋白濃稠含膠質；麵條幼細，香滑彈牙餃子一吓唔為意直接咬落去，熱到咀都損，肉汁又必晒出嚟！餡料幾大方，咬開後唔會有好大個空間

今日剛好休息，然後約朋友去太古附近行下街，順便行下Aeon,沒有撞正星期三，買不到Aeon星期三的特價貨品，然後我地周圍行下睇下有咩好食，太古附近食肆都好多，我地就簡左間食拉麵既，係Aeon上面。茶神別天房睇落雖然吾係好大間鋪，但是麻雀雖小，五臟俱全，用餐地方隔離就見到個廚房。除左有拉麵食，仲有班戟食，我地睇睇餐牌之後，我地決定叫拉麵套餐連小食。我就叫左個蝦味噌豚骨湯麵，連小龍蝦蟹子沙律。賣相幾好，同我地係日本食到既拉麵都相差無幾，首先先飲一淡湯先，湯頭濃郁，也帶有豚骨味道，係幾好飲既，係日本拉麵湯頭中屬於正常口味那種，加埋蝦乾一齊飲會比較好蝦味。蛋有一隻，吾係比半隻溏心蛋，我覺得呢方面係幾大方。碗邊紫菜如果比較脆口一點，配埋拉麵食會比較香口。檯面有好幾樣自己選配既配料，比我地簡落咩，同時我都見到有官方建議落既配料餐單係座位旁邊，我就落左d蒜蓉同七味粉，七味粉不過不失，沒有很辣的感覺，反而辣芽菜比較辣口，比較野味。鍾意辣既朋友可以試下。拉麵既麵都好彈牙，我食得比較慢，食到最後d麵都無話林曬，加以碗內附很多既粟米粒，粟米粉清爽既口感可以中和拉麵既味道，雖然相對黎講我會比較鐘意重口味一點既

2020年1月12日。晴。太古。呢日去太古睇戲，睇戲前先醫肚～喺app check得多，有幾間食店已經記住咗係良心經濟圈入面嘅成員呢間冇幾耐之前先食過北角分店呢日就嚟食太古店～餐廳喺吉之島2樓，所以同其他分店有少少分別唔係用機買飛，而係同店員落單亦都係因為喺商場入面，位置比較多～拉麵就同其他分店一樣～另外仲有咖哩飯選擇之前喺北角店唔多覺有飯揀小龍蝦蟹子沙律呢次細心留意到個沙律似係用整雪糕球嗰個剷整出嚟餐廳仲要好貼心咁連裝呢個沙律球嘅碗都係凍嘅！貫徹日本人做嘢細膩嘅作風～當然味道都係好一致，creamy濃滑！餃子餃子同上次食嘅質感有啲唔同上次食嘅係皮脆內軟，今次嘅餃子皮未去到脆嘅程度，仲係軟嘅但係對比外脆內軟，我發現自己更加鍾意呢種質感～香軟得嚟帶少少煙韌嘅感覺～蝦味噌豚骨湯麵呢次再食覺得蝦味噌湯底非常濃厚～～湯汁掛麵，令每一啖拉麵都帶有香濃嘅豚骨湯非常滿足～豚骨湯麵呢個係男朋友食嘅～佢當然都係讚不絶口～埋單嘅收銀位隔籬擺放咗生理鹽水濕紙巾以防中椒，送畀客人，以備不時之需果然有良心！！！大家要多多支持～

前日和家人去康怡行街，見到這間拉麵店很多人排隊，就試下係咪咁好食😚——————————🔸豚骨湯麵套餐 $105這個豚骨湯麵，充滿豚骨香味，奶白色湯底，不會太濃太鹹☺️叉燒稍微燒過，軟腍香口👍🏼配上溏心蛋、粟米、香蔥、木耳，正😍 🔹蝦味噌豚骨湯麵套餐 $115這個湯底好濃郁，麵上舖滿鮮味的櫻花蝦，配上軟硬適中的拉麵，越食越鹹🥺媽媽不好重口味，所以比較喜歡豚骨拉麵🍜🔸餃子🥟套餐揀咗四隻餃子，皮薄餡靚，還有些肉汁，好食😋🔹小龍蝦蟹子沙律 龍蝦肉混合蟹子，再加入沙律醬和少少芥末，整體鮮甜～包埋脆卜卜紫菜，一脆一軟，口感特別😋

為了換領咸蛋超人紀念品，又來到我最喜愛的拉麵店這分店座位舒適，最適合短腳子的我小龍蝦蟹子沙律配5塊索索聲的紫菜，夾著放滿金黃色卜卜脆蟹籽及粒粒爽口彈牙龍蝦肉的沙律來吃，口感相當有層次餃子煎得又香又脆，外脆內軟，沾上少少豉油已經十分滋味蝦味噌豚骨湯麵上面撒滿櫻花蝦，湯底如海鮮湯，十分濃郁但唔油膩！配料有很多粟米，湯底嘅鹹香夾雜着粟米嘅香甜真的是絕配！溏心蛋亦有一整隻豚骨湯麵湯底很黏稠很濃，不會太咸，叉燒 厚身，燒得十分香口！最重要要是放在枱上可任添的辣芽菜香口彈牙，每次也差不多加了半樽到麵內原來這𥚃還有班戟、咖哩飯及咖啡茶供應！下次要試試

今日係太古同屋企人行街，行到晚飯時間，就入咗依間拉面店食野。我地叫左一個套餐之後再外加一碗拉麵。首先黎左小龍蝦沙律，外形美觀特別。味道方面，小龍蝦味道清香，加上其他沙律配料令味道多變但又唔會雜亂。沙律整體感覺入口清香，令人開胃。呢個沙律仲附有紫菜，用紫菜包裹住沙律，外層香脆嘅紫菜令口感唔同，更具層次。拉面方面，我哋有豚骨湯麵同蝦味噌豚骨拉麵兩款。豚骨湯麵湯底濃郁，未飲已聞到豚肉嘅鮮味，飲落雖然香濃但唔肥膩。別天神係黎自九州既拉麵店，所以麵嘅粗幼偏向幼麵，硬度適中。麵吸收咗湯底濃郁嘅香味，令人一吃再吃。豚肉選用半肥瘦，有油香之餘唔會太膩，香味十足。配料就有黑木耳， 蔥同紫菜，令成碗麵味道同口感進一步提升。至於蝦味噌豚骨湯麵湯底除咗豚肉味之外，蝦味都非常出眾，唔會比豚肉味掩蓋，好鮮味。配料就有粟米，蔥，柴菜同櫻花蝦乾，進一步帶出蝦味。我哋仲有一份餃子。餃子外皮煎得啱啱好，香脆但唔會過焦，而且夠薄皮，唔會成口麵粉。餃子入面嘅豬肉餡料香味撲鼻，流出淡淡鮮香肉汁。加咗少少醬油，用鹹味更加帶出豬肉油香。其實別天神仲有唔少分店係香港，大家可以去食下。

端午節公衆假期睇完戲下午一點幾，週圍都好多人排隊食晏，本想試下康怡廣場新開幾天的拉麵館，但劣評太多，沒有理由去吧。天氣又熱，行入Aeon內都有間食日本麵，行過好多次都無試過，便打算去看看人龍情況，結果好意外，別家都排隊，這家竟然有好多位，見價錢也合理，決定入去一試，起碼不用企住等位。平時一向不太明白為何那麼多人願意以成舊水 (即成一百蚊) 去食碗同我自己在家煮的公仔麵沒太大分別的所謂日本拉麵。這家七十幾蚊起，算是可以。餐牌選擇不算多，還有三款日本咖哩飯，本想叫飯，不過這家的樣似拉麵館，怎樣也覺得食麵會比較是此店的賣點。這店其中一個好處是速度超快，剛叫了不久，已經馬上端上一碗好睇得的麵🍜，我還問侍應是否拿錯另一位客人的order，她回答我們是很快的，因為賣相都靚，所以通常忘記影相的我😅都記得影番張😊。對於速度那麼快我初時有點猶豫，覺得一是預先已煮好一是求其煮，所以心情有點保留。誰知食落都好有驚喜。🍜豚骨湯麵 $75 😋 推介 因為好快便上，我本以為是已煮好的麵可能放了很久，求其有order只淋湯上，所以咁快，誰知入口，全碗麵的溫度均勻，不會似只淋湯上。湯味十足，夠濃及味道多層次，同時又不

難得有日夜晚比較得閒, 就約個朋友去睇戲,點知時間預得太"炆", 得返半個鐘食飯, 朋友提議係附近食個拉麵, 好味又快手,  自從百貨公司大裝修, 別天神由地下搬左上去就未食過, 今次就睇下新裝修有咩分別新位置又多幾張台, 可以比多D 人坐埋一齊食, 但我始終都係鍾意係吧台果到食, 有風味D雖然新裝修有多幾款野食, 好似咖哩飯之類, 但我始終鍾情於拉麵同朋友一人叫左一個套餐, 一個拉麵配一個小食,  就可以食齊兩款味道O既拉麵, 同埋兩款唔同O既小食落左ORDER 冇幾耐就黎左個小龍蝦蟹子沙律,  雖然睇落普通, 但食落非常有驚喜!, 每一啖都有蝦肉同埋蟹子, 夾埋紫菜一齊食, 口感更加特別鮫子煎得脆卜卜, 幾香口,豚骨湯麵外表吸引, 拉麵口感十足, 而且係幼麵, 吸湯力十足, 最重要係套餐比普通單點多左一隻蛋, 即刻令個拉麵提升左個層次第二款麵同第一款多左D 味噌味, 同多左D 蝦仔, 口感豐富D, 鍾意味噌O既人應該會鍾意最後唔使半個鐘就上哂D 菜, 食埋, 埋單每人110蚊, 下次會ENCORE!

來到AEON購物過後，肚子餓了，當然要享用晚餐，今次走到位於同商場內的拉麵店用膳。枱面上有各種調味品提供，例如蒜蓉、紅薑絲、芝麻等等。餐牌方面，有飯有麵，另外還有甜品日式班戟。今天的選擇是拉麵，而店裏只有兩款拉麵供選擇，我和朋友就直接order別天神豚骨湯麵套餐 ($105)和蝦味噌豚骨湯麵套餐 ($115)吧。小龍蝦蟹子沙律薯仔沙律弄成一球圓形，可用紫菜包著吃，非常清新爽口，帶有輕微的wasabi味，相當美味，十分有驚喜。餃子餃子皮薄，煎得幾脆，而餡料並不鬆散，就算不沾上餃子醬汁來吃，都已經很可口。蝦味噌豚骨湯麵送上桌的一刻已經有櫻花蝦的香味飄出來，有齊櫻花蝦、蔥、粟米粒、紫菜、豚肉和日本半熟蛋，材料豐富，絕不欺場！嚐一口湯，那蝦味即刻湧出，很香口！麵條很幼身，掛湯力不錯，吃起來甚有嚼勁。值得一讚是那半熟蛋，流心的口感令人無法抗拒，香口又軟滑，正！別天神豚骨湯麵朋友不吃蝦，就點選招牌拉麵。拉麵有大量蔥、木耳絲、紫菜、豚肉和日本半熟蛋，湯底豬骨香味濃郁，但不會過份油膩，會忍不住多喝幾口。雖然還很想吃日式班戟，但因為已經很飽肚了，唯有下次再吃！

在鰂魚涌下班後走到Aeon逛，也決定在這裡晚餐。可是多家餐廳都有很多人，所以看到這家位置比較偏僻的拉麵小店，就決定進去嘗試。拉麵，小食，飯和沙律都各有兩款，貴精不貴多。我和同事都比較想吃拉麵，就點了兩個拉麵套餐，有兩款小食。另外還有甜品，吃完主餐再說吧。拉麵店面積小，座位只有十多個。調味料有多款可選，除了七味粉還有蒜末，辣芽菜和芝麻等。先上是小龍蝦蟹子沙律，配了多片紫菜讓我們包著吃。小龍蝦肉鮮甜爽口，混在一起好creamy，跟香脆的紫菜一起吃口感頗豐富。煎餃子，跟餐有四隻，皮煎得脆又不會太厚，餡料為蔥末和豬肉，點那酸酸的餃子汁吃好醒胃，味道更有層次。豚骨湯麵的乳白色湯內有蔥，木耳絲，溫泉蛋和叉燒舖在麵上，還附上紫菜。先喝口湯，非常鮮甜又creamy，有濃厚的豚骨風味，不是味精的死鹹味。他們的麵煮得剛剛好，煙靭有咬口，夾上木耳和蔥吃更爽。豚肉大片又不肥，流心蛋的效果也做得不錯。桌上有那麼多調味料當然就不斷嘗試吧！最後我決定以七味粉、蒜末、辣芽菜、芝麻和胡椒為最夾的組合，味道為即時更濃更香。另一碗拉麵就是蝦味噌湯，顏色比剛才的深，上面灑了大量櫻花蝦乾，蝦味更香。這湯的味道除了帶鹹的味噌，還

自從AEON裝修過後，都未嚟食過野，今日身痕好想食拉麵，但又好大雨，原來呢度開咗茶房別天神喎，落地鐵即刻走過嚟啦，唔洗行出街耷濕晒吖。入到嚟，嘩比灣仔分店闊落好多，檯凳之間有好多空間，正呀！蝦味噌豚骨湯麵 ($115)有好多蝦鋪喺面，差不多每一啖麵都沾咗好多蝦，為平淡嘅拉麵增添唔少口感；湯底係落咗蝦去煮嘅味噌豬骨湯，有淡淡嘅蝦味，湯底黏稠度啱啱好，感覺唔係好油膩；半熟蛋有流心，蛋黃好香，其實半隻就真係唔夠食嘅！叉燒肉質軟腍，肥瘦適中；麵好煙韌又唔黏我鍾意別天神套餐 ($105)有好多木耳絲及蔥，勁爽口又香，湯底味道香濃但唔油膩，鹹度適中，比蝦味嗰個湯黏啲；見隔離有咁多調味，又點可以唔加返啲呢？我加咗七味粉、芝麻及生蒜蓉，超正！小龍蝦蟹籽沙律佢並唔係係一個普通嘅薯仔沙律，而係加咗小龍蝦及蟹籽，用新鮮紫菜包住嚟食，口感一流餃子即叫即煎，外皮煎得香脆，餡有菜及肉，好juicy好味非常方便又美味嘅拉麵店，弊在轉頭仲要食下午茶，下次有機會先嚟試埋佢哋嘅蛋糕及茶啦

最近幾個星期六都要到太古城加操空手道，所以康怡、太古城一帶我已變得非常熟落，今日趁上堂前便到 AEON STYLE 內的食肆醫肚，看見這間《茶房別天神》專食日式拉麵便2話不說入內試下。😁店內佈置簡單，座位不多，更可隔着玻璃見師傅在厨房煮麵，尤如置身日本拉麵店，非常日式，不錯。👍餐廳門口還擺放着不同款式的茶具，非常精美別緻，食客點花茶$35杯可使用。還有各式各樣的班戟模型，未食已食指大動。看過餐牌，拉麵的口味只得兩款可選，分別是豚骨湯麵和期間限定的蝦味噌豚骨湯麵。更可把湯麵轉為套餐，配餃子4隻（$105）或小龍蝦蟹子沙律（$115）。而且，更有多款班戟作飯後甜品，記得要预留15分鐘給師傅用心制作。每檯客更有調味架给食客自行添加口味，分別有辣芽菜、薑絲、拉麵汁、芝麻、七味粉、拉麵胡椒和蒜蓉等等，任君即時自用，非常照顧食客要求。各點一碗，豚骨湯麵和蝦味噌豚骨湯麵。材料非常豐富的豚骨湯面,分別有义燒、木耳絲、蔥粒、紫菜和全隻溏心蛋。豬骨湯味濃郁，湯唔鹹而好入喉， 紫菜爽脆，义燒肉厚入味，而拉面軟滑富有彈性，再加上香濃豚骨湯底和清甜木耳、蛋味十足之溏心蛋，美味極佳。蝦味噌豚骨湯麵,味道比豚骨湯麵

半年前, 有次約了老媽吃拉麵, 點知我突然腸胃炎, 結果爽了約……半年後, 老媽突然問我幾時會帶她吃拉麵, 還說回上次因為我腸胃炎而沒有去吃。估不到老媽一直記着, 誰說老人家沒有記性? 還是選擇性記着? 既然她開到口, 無理由拒絕, 一於馬上去。開放式的門口及廚房, 可清楚看到各師傅們正悉心地製作。內, 設有一排六個吧枱位, 另外還設有約六張四人枱, 座位不多, 時間雖早, 但已差不多坐了一半食客, 看來挺受歡迎。枱上一塊木餐牌, 亦預設的不少配料, 相常齊備, 分別有紅薑絲、生蒜蓉、七味粉、拉麵汁、芝麻 等, 還有我最很喜歡的自家製辣芽菜, 待一會跟拉麵伴吃, 試試其味。店子跟一般拉麵店有點不同, 沒有設點單紙讓食客選擇拉麵的粗幼軟硬、要或不要某些配料等。看看木餐牌, 相當簡單, 選擇亦不多, 拉麵、小吃、沙律、咖喱飯和套餐各有兩款, 亦有追加配料, 還有幾款飲品和蛋糕。******************************老媽選了別天神套餐 （$105）, 包一碗豚骨湯麵配二選一小吃。湯料有一隻開半的溏心蛋、兩三片叉燒、一堆爽口的木耳絲 和大量翠綠的蔥花，當然如想再豐富啲，可