B.Duck & Buffy 德記茶樓 (Closed)

如果鍾意B.Duck嘅你 仲唔快啲嚟試下 呢度係B.Duck主題嘅樓上茶樓 全部嘢食都有B.Duck嘅樣 🐥打卡簡直一流 啲嘢食味道都唔差😉流沙奶皇包 $28嚟得呢度一定要嗌呢個招牌包 一籠有兩個 一咬落去即刻有流沙 熱辣辣好好味♨️蝦餃皇 $32而蝦餃皇一籠有三個 呢個都整得唔錯 但係我覺得如果有返鼓油會好食啲燒賣皇 $32燒賣王一籠都係有三粒 呢個都幾好食☺️同平時茶樓整差唔多臘腸糯米卷 $28臘腸夠曬入味 糯米亦都硬軟度適中 整體幾唔錯👍三寶臘米飯 $52份量超多 我同朋友食都食唔曬🤭不過我覺得啲餸有啲咸 如果淡返啲就好食啲啦韮菜豬紅 $28呢個都好大兜 豬紅夠曬入味 都唔錯啵😋咸水角 $28呢個就一般般 外皮太厚 而裏面啲餡太少茶芥 $8我哋叫咗普洱 同正常茶樓沖嘅茶差唔多 價錢算合理👍👍

今日放工同老公行吓街食吓飯，經過彌敦道，見到有人派宣傳單張，原來呢度有得飲夜茶，仲有好可愛嘅B DUCK，真係要上去參觀下蝦餃皇$32印有可愛的B duck樣，裏面隻蝦又大又爽，睇得又食得！流沙奶皇包 $28Buffy 個樣叫我要食佢裡面非常熱又夠流心，所以影唔切相**注意辣嘴**韭菜豬紅$28一定要趁熱食，唔油膩，唔錯！😋燒賣皇$32雖然賣相普通，不過好彈牙!可以媲美出名嘅茶樓！上湯浸時蔬$32清甜嘅娃娃菜，健康之選煎釀茄子$28即叫即炸，好香口，配以甜酸醬，更添美味蟲草花香菇蒸雞飯$48即叫即蒸，耐心等候，份量多，雞件嫩滑！手拍青瓜$18夠哂入味，做前菜夠開胃！我發現張墊餐紙原來係有小遊戲㗎，小朋友嚟到都可以玩遊戲，唔怕悶！好貼心！餐廳每個位都有B duck的存在！多到影唔哂！下次再嚟要食下晚市套餐，價錢合宜，可能三個食都得！

好想同朋友去主題餐廳，今日我就去咗呢間，大人小朋友都鍾意既黃色鴨仔店舖，呢到有鴨鴨鴨~全部都係鴨🐤【B duck & Buffy】 全間舖既裝飾，全部都係B duck & Buffy，好多黃色既鴨。德記茶樓，當然有B duck 圖案既點心、飲品。除咗食物外，你仲可以買到B duck既精品。樣樣都好吸引😍 如果唔想單點點心，可以選擇叫套餐：有新出既原隻波士頓龍蝦二人晚市套餐、精選二人套餐及招牌車仔麵套餐 蝦餃皇(3粒) $32睇到個B duck🐤 樣子已經覺得好得意，好想一口咬落去🤭蝦餃皮薄到晶瑩通透，蝦肉鮮甜好味嫩滑爽口 流沙奶黃包(2個) $28有個好得人鍾意既B duck 🐤樣子。奶黃包仲係熱辣辣流心既，一口咬落去流哂出黎，個奶黃醬好正(真係好熱，小心條脷👅🤭) 小籠包🥟(3個) $323粒一口小籠包，小籠包內原汁原味既湯汁熱辣辣，肉質嫩滑又大粒，配埋個醋食都得 錦鹵雲吞(2件) $28呢個一定要食，大大隻錦鹵雲吞，又香又脆卜卜，裡面仲有爽口蝦仁。點埋個甜甜地既醬汁一齊食，真係好正😍 德記招牌麵 $68 x2 (河粉 及 米線)必食推介💥勁大碗，勁足料，有雞翼、魚蛋、豬腸、豬皮、滷

成日都早唔到起身 陪屋企人飲茶🥺 但而家發現有夜茶飲 咁幾夜都唔怕啦～ 介要呢間鋪充滿B.Duck既裝飾，公仔，擺設😍超級少女心啊！！茶芥 $8每人都會收$8茶芥 但個人覺得都幾平😌茶底夠濃☺️蝦餃皇（3件）$28雖然皮唔算簿 但連啲點心都印左B.Duck圖案 簡直咩都抵曬😂😂 不過啲蝦都彈牙既～鮮竹牛肉球 $28牛肉球份量都平時飲茶差唔多 味道都可以 有牛肉味 唔會太粉。沙嗲金錢肚 $28沙嗲汁幾濃👍🏻金腿鮮竹卷 $28最中意腐竹 呢個都唔錯～白灼時蔬（唐生菜） $26鳳爪排骨竹筒飯 $42蟲草花香菇滑雞飯 $42如果飯再香啲會更加好😂 整體都唔錯！流沙奶黃包 $28流心 熱辣辣既奶黃好正😍總括，夜晚都想飲茶既 呢間都唔錯☺️

今晚放工，寶寶竟然話帶我去食點心🧐一頭霧水的我表示❓❓無啦啦夜晚食點心係咩玩法🤔跟住佢就話，唔知喺邊度見到旺角有間點心店出咗d 得意點心，話帶我去試下喎❗️咁我就係咩都唔知嘅情況下，黎到瓊華斜對面嘅呢幢嘢～入到電梯見到寫住「Buffy茶樓」 ，好似幾得意咁☺️ .因為我個人來講特別鐘意黃色嘅得意系character，所以比卡超、minions、Bduck 我都鐘意的😝所以我入到去就➡️➡️➡️😍😍😍入到去先知原來係誇張到...小店唔算大間，但不論招牌、牆身、窗口，住何可以放嘢冇角落都係bduck😍仲要每枱都有一隻bduck 公仔陪食添🥰實在太幸福喇☺️火焰叉燒包（2件）得意到唔捨得食😍麵包新鮮蒸起，上枱時仲出緊煙☺️食落軟綿綿好鬆軟❗️叉燒餡料份量適中，唔會太少❣️.蝦餃皇（3件）用嘅原隻蝦新鮮彈牙又軟滑，混合埋少量蝦滑，口感更豐富❣️略嫌皮有少少過厚，不過有bduck 樣可以抵消呢個小缺點😝.叉燒布拉腸粉腸粉來講，賣相💯入面嘅叉燒份量多，都係粉皮太厚～不過粉皮厚太夠飽肚🤣XO 醬蘿蔔糕好大粒❗️ 非常惹味💕一啖食一粒塞滿哂個口太滿足喇🙈.鮑魚雞粥香蔥+鮑魚另上的，仲主動比埋胡椒粉添❣️實在太貼心喇💕鮑魚新鮮

系網上見到旺角開左間B Duck茶樓咁cute,當然要來試下啦！我呢個B Duck迷點可以唔來試下呢？嘩。。。一入到來全部都是B Duck，到處牆壁都掛上公仔，每張枱都擺一個公仔，張張枱都不同款公仔，實在太靚了，系度食野又可以打卡share俾其她朋友欣賞。火焰叉燒包個包好精緻，包又軟熟叉燒餡肉入味。XO醬蘿蔔糕炒到好香口。蝦餃皇又有B Duck圖案，蝦餃皮薄餡又大，皮好煙韌蝦肉又好彈牙。叉燒布拉腸粉，腸粉好嫩滑，叉燒粒又好味沾上甜鼓汁更加美味可口。蟲草花香菇滑雞飯，雞飯好香噴噴，雞肉又嫩滑飯又軟硬適中。

今日在這間可愛的鴨子酒樓食點心！超級可愛設計的鴨仔，裝修擺設都好精緻得意，環境明亮乾淨，好多打卡位置，連咕純及擺設都是可愛鴨仔！點心小菜的選擇，是以點心紙寫下交給服務員。首先熱茶可選鐵觀音或普洱，我們選比較清香的鐵觀音，好消濟好解油！點了一些特別人氣/廚師推介：1. 蝦餃皇外皮薄身煙韌，好堅韌的質感，上面更印有鴨仔可愛臉孔的樣子，內面餡料是爽脆彈牙的大蝦，好鮮味！必點2. 叉燒布拉腸粉賣相好吸引，腸粉上放著菜苗、花瓣！布拉腸粉好香軟滑溜，口感好滑，配上叉燒軟腍口感，另外豉油可以自己調味！3. 芋絲春卷以木掛籃子的芋絲春卷送上枱中，更有鴨仔logo旗插在春卷上，熱辣辣炸起春卷好脆口，唔油膩！推介！4. 火焰叉燒包這裡包點好可愛，有熊貓造型奶黃包、鴨仔logo馬拉糕、鴨仔蓮蓉壽包，而我們選了火焰叉燒包，眼睛是火焰的鴨仔造型，叉燒包香軟質感，中間夾著燒汁叉燒粒，好香口野味！5. 鮑魚雞粥這個好軟綿綿的粥喔，我最喜愛！材料有嫩滑雞肉、香口香菇、幼身薑絲，口感一流！無味精好鮮甜，配上胡椒粉更加香；配上小碟中的彈牙貴價鮑魚片、脆口脆片及香蔥粒，真的回味再回味！愛粥者必點！

同一大班朋友嚟試新開嘅B Duck 茶樓，見到周圍鴨仔嘅裝修，好似返去仔仔細個嘅時候，同佢玩下公仔嘅時光。大部分點心都係傳統嘅款式，只不過加上B Duck 嘅公仔logo。蝦餃及燒賣賣相可愛，燒賣配上一隻大蝦，更覺矜貴，水準合格。脆皮手卷內有沙律，Fusion 菜賣相吸引，食落外脆內凍，似食日式手卷，有特色。叉燒包、奶皇包配合裝飾亦好有特色，水準亦合格。鳳爪及鮮蝦腸冇乜特別，水準一般。本來對個蛋撻仔有啲期待，但係是所有點心入邊水準最差嘅一款，果皮一啲都唔脆唔酥皮。整體來講以特色裝修及打卡為主，價格唔算太貴，水準亦唔算太突出，但亦不失為。同小朋友懷舊之選。