聚點坊點心專門店 (Moved) New Location

黎左上環返工後其中一件最幸福既事係Lunch諗唔到食乜時就直接過黎聚點坊啦~雖然成日都見到門口排晒長龍 但其實都唔會等太耐特別係兩個人既話仲快今次等位0分鐘 係因為朋友早放lunch黎到等位先 =D雪山叉燒包 $17  已經變成每次黎到必叫既款式 ;D每次都一定係熱辣辣甘上枱~ 雪山皮總係甘鬆化 入面既叉燒餡總係塞到好滿鐘意呢種甜咸交雜既味道鳳爪排骨飯 $28 足料既盅飯蟹子燒賣皇 $23 比起上次黎食進步左!每粒都食到蝦係入面 我食燒賣其實最鐘意食層皮;D整得好既燒賣皮會聞到蛋香 會食到彈性~ 呢度既燒賣都係其中一間做到以上準則既地方!好似第一次食呢度既 聚點坊鮮蝦餃 $26 皮薄餡靚~ 食到好新鮮既蝦味流沙奶黃包 $15 雖然都係呢度既招牌菜, 不過個人黎講唔係好鐘意流心既包;P 所以一般爽滑鮮蝦腸 $26 幾抵食既蝦腸而且好鐘意佢個皮真係做到好幼滑哈哈 兩個人黎講 今次好似叫多左野食.. 食完之後飽左成個下午價錢合理, 多款揀~ 算係上環食飯既好選擇..哈哈

係公司附近成日見到呢間點心店大排長龍... 決定要黎試一試!我同朋友大約1點前幾分鐘就黎到 前面大約有7個人係度排緊不過好幸運地 排左大約五分鐘多少少就有位~~排隊既時侯員工已經比定點心紙我地落單首先試下呢度出名既雪山叉燒包 $17包夠熱辣辣 聞到好香~ 表皮鬆軟, 一咬就一粒粒碎跌晒落黎 =D家鄉炒米粉 $24 算係少油既炒米粉不過味道都比一般既淡 有幾多菜同蘿蔔絲 但好多片菜都燶燶地..蟹子燒賣皇 $23 夠大粒 不過味道普通爽滑鮮蝦腸 $26 皮夠薄夠滑! 入面d蝦仲好大隻~ 值得一試!秘醬燒釀茄子 $32 見到其他人食個樣好吸引 我地又叫個黎試下微辣但可以接受 好惹味  不過真係太油.. 唔敢食太多茄子燒得岩岩好 好淋又唔會易爛   口感唔錯, 可以一試最後埋單都係$128 每人$3茶錢雖然唔係期望中甘好食 但普遍食物都係高質素 價錢又合理 難怪日日都甘多人排隊!