一起食堂 (威利廣場)

Open Now

Now Closed

朋友上次嚟食完感覺唔錯，推介我去開觀塘可以試下呢間日式台菜。收工過到去差唔多七點，入座後都陸續有人坐低，小店唔算太近地鐵站計生意也算不俗。-🦐府城蝦卷 $28帶微甜，配上沙拉醬味道更佳，4小件秒速清碟😋-🥟炸雞皮餃子 $38幾香口，面頭落咗啲椒鹽。外皮又薄又脆，餡料多而且有肉汁，唔錯。-🍜蟹黃冷烏冬 $88足料，蟹肉蟹黃都多，絕無欺場。烏冬彈牙，配埋個醋一齊食幾解膩👏🏻-🍜花枝丸肉燥新竹米粉 加 鹽酥雞（小份）$65肉燥米粉同樣足料大碗，跟花枝丸同鹽酥雞好抵食❗️鹽酥雞鹹香感十足又夠脆，唔會落太多炸粉搞到成口粉食唔到肉，大推呢個～花枝丸正正常常，如果炸完另上相信會更正😆-🥬肉燥燙青菜 $22青菜好爽口，撈埋肉燥一齊食唔錯唔錯～-🥣芋圓仙草凍 $35大大兜好足料CP值高‼️-🥤冷泡白桃烏龍茶 跟餐+$12無糖解渴又健康，減肥都可以照飲🙊🥤香橙綠茶 跟餐+$12酸酸地唔太甜，開胃又可以幫助消化👍🏻-總結：地方夠大，環境舒適，價錢合理，無論係想嚟食個快飯定係同朋友坐低慢慢邊食邊吹水都好合適。

今次嚟到主打台灣菜嘅一起食堂，門面唔算顯眼，以工廈嚟講遠少少，我喺同一條街上興趣班都唔多留意到，所以更要介紹下！😆一起食堂喺中環、觀塘都有分店，2間分店餐牌有少少不同～觀塘店地方闊落，有唔少台灣電影嘅海報，桂綸鎂呀😍海角七號呀😍好有回憶感！〔蟹黃冷烏冬麵🦀 $88〕食蟹嘅季節當然要揀呢個烏冬，果然無令我地失望！冷烏冬彈牙，絕對唔係食到牙較軟嗰種🤣蟹黃味濃郁，似咸蛋黃，呷少少醋幾好食開胃🤤👍🏻記住要快啲食呀，否則就會岀水影響味道架啦🤣〔魯肉飯 $58〕魯肉飯同坊間嘅有少少不同，細問下原來小店用左熟蒜、生蒜🧄、酸菜調味，有埋碗湯解膩，唔錯〔炸雞皮餃子 $38 炸花枝丸 $28〕用雞皮包餃子好少見，食落味道有啲似雞肉腸，幾得意！🥟 花枝丸彈彈牙牙，味道正常👌🏻〔芋圓仙草凍 $35〕食埋糖水作結，一流呀地瓜圓同紫薯圓煙韌，但芋圓就一般〔珍珠奶茶 $24〕〔檸檬多多 $24〕整體感覺: 味道真心幾唔錯😋選擇多，價錢良心，一食解台愁💛推介蟹黃烏冬咁近興趣班地點，一定會重訪🙌🏻

日頭嘅觀塘好恐怖，多人到核爆但夜晚就梳爽好多，唔使點逼就揾到開源道一間日台餐廳食個麵花雕雞湯麵就食得多，但麵底係烏冬就未試過，超Q彈咧咁有麻香嘅湯底真係超級驚喜，倒埋啲花雕酒落去，簡直係新世紀配搭，香到無倫雞肉勁滑，差啲嚼唔切就吞咗落肚入秋當然要食蟹，胃民話呢碗撈烏冬太有蟹味，計大胃話佢如果唔重蟹味先唔正常蟹膏蟹肉落到足，想冇味都幾難記得撈埋醋食，超神奇嘅化學作用，正難以形容嘅美味鹽酥雞炸得好酥脆香口，咬落嗦嗦聲滷牛腱幾入味，筋肉均勻，作為前菜都唔錯佢地嘅仙草凍質感同出面好唔同，滑到極度考驗咀嚼速度，或者根本唔使點嚼已經食咗落肚跟餐加$12就有嘢飲，仲要幾特別嘅飲品食台灣嘢當然要飲珍奶，有得揀糖度認真貼心