La Postre (形點) (Closed)

呢間係我一直想試嘅餐廳因為我哋屋企麻麻地蛋糕佢有麻糬窩夫即刻吸引咗叫咗3個小食(set)+西班牙海鮮炒飯+三杯蟹意粉+綠茶麻糬窩夫 小食係一個set 有個toast好硬...炒飯偏鹹 意粉油咗啲但蟹肉好多 mami話無鮮味 我本身唔點食蟹無乜感覺店員都幾貼心預客人食蟹時手會污糟 一早搣定張濕紙巾比我哋雖然等咗個窩夫~0.5hr 好彩都好食 麻糬分佈都均勻 有3種醬可以沾 紅豆好甜最唔受歡迎😅如果佢上面轉埋蕨餅就超級正了☺️最後食甜品店員幫我哋影相 送咗張拍立得連咭仔 幾sweet wo💫不過建議大家可以叫店員遠少少影 可以影埋餐廳典雅嘅裝修 同埋面細啲🤣3個女人食完個窩夫就好飽了

外食與外賣的不同之處就是外賣沒有享用到在餐廳的用餐體驗。這晚相約3位朋友聚聚吃吃，不亦樂乎！餐廳安排了大枱給我們，令大家都心情很好，結果就是不停下單，又飲酒又食甜品，過了一個Chilled 的夜晚食物質素普遍都合格，個人比較愛吃蟹意粉，另外抹茶Waffle 配搭雪糕及4款醬料，把這晚的氣氛推到最高，整體來說，如想找一個食物有水準及可以盡情放鬆的地方，不防試試這間

友人想食西餐，但又想要有點新意，便與她一同來試。龍蝦西班牙凍湯未試過飲凍湯，在餐牌見到頗有興趣便點一份試。店員奉上時，湯碗內放有龍蝦肉及蔬菜蓉，然後店員會將凍湯倒入湯碗內，拌勻後試下，確是很涼的湯，顏色由橙轉緑。因為有蔬菜蓉，口感幾豐富，每啖都可咀嚼，不知是否因為溫度的關係，覺得龍蝦味不太濃，但很有新鮮感!西班牙海鮮炒飯(二人份量)海鮮排列整齊，大蝦新鮮，薄肉腸是偏鹹，與炒飯一起配合非常好味，炒飯辣味似泡菜但不太濃，又開胃又滋味，大蝦的心型祝福真讓人開懷!西班牙蟹肉焗薯皮如果食西餐沒有薯仔好像未夠完美，所以點了焗薯皮。軟綿綿的蟹肉與少許的薯蓉及配料混合，加上薯皮少許香脆，口感不錯，味道清淡。黑毛豬扒配黑松露雜菌沙律菜新鮮，已拌有沙律醬，是跟餐的細份沙律。黑毛豬扒有陣陣香味，豬扒非常腍身入味，油份適中好味。無花果脆批食欲不錯，再點一客甜品試下，甜品製作須時，來到的一刻賣相真美! 先吃無花果脆批，非常薄和脆，比想像中還要薄和脆!無花果甜度適中，加上雪糕也不太甜，很享受這脆批，很快就清碟了!大部份菜式都色彩繽紛，甜品果然有質素，食完還是依依不捨很想再點，要好好計劃一下下次怎樣滿足甜品控了!

呢一間西班牙餐廳好多區都有分店，之前吃過幾間，味道好好。今日約了朋友到元朗食晚餐，所以決定再推介朋友一齊吃。呢間裝修都好精緻，以綠色為主色，餐廳光鮮、乾淨。坐入去令人感覺好舒服。看過餐牌後，先點了兩杯飲品。一杯是士多啤梨mojito，味道不錯，帶有士多啤梨香味，冰冰涼涼，爽呀。朋友點了一杯青檸、桃沙冰。賣相十分靚，成座冰山出現在眼前。而且仲鋪有青檸、桃的生果。味道酸酸甜甜、果味香濃，好開胃，岩曬夏日享用。我們點了餐廳的經典菜式之一的芝士蟹肉蛋餅。熱熱的。芝士跟蛋十分配合，味道很好。好惹味，仲有好多蟹肉，買起來鮮鮮甜甜。整個菜式都係即製的，所以熱辣辣，特別惹味。上方仲有木魚碎。正餐點了一份西班牙海鮮炒飯，份量好大，足以兩人食用。上面鋪上了滿滿不同的海鮮，有大蝦、青口、蜆。十分爽口彈牙，每款海鮮都好好味。另外我最欣賞是那個炒飯，因為味道一流，又惹味。吃完正餐再點了一個甜品這裡的窩夫是好好吃的，每次來都一定要吃。今次點了抹茶麻薯窩夫。配上了抹茶麻薯，感覺好特別，好Q彈，麻薯夾在窩夫中間，吃起來口感好正。外脆內QQ，十分滋味。仲有雪糕、紅豆、吉士等等配料可自行配搭。十分滋味。

今日同朋友黎到Yoho moll食西班牙菜，餐廳裝修精緻美麗很有歐洲的格調！這間餐廳其實是朋友挑選的，因爲她住元朗附近。餐具擺放整齊，碟子也經過特別的設計。青檸香辣凍蜆：頭盤的凍蜆酸酸辣辣，感覺很開胃。加上蜆肉鮮甜無沙，配埋清新的青檸！唔會令人感到有油膩感。西班牙海鮮炒飯：呢個西班牙海鮮炒飯分量十足，净係鋪係面的海鮮已經有好多種！炒飯色彩艷麗，而且每粒米飯都被海鮮湯汁包圍住，用埋辣肉腸配料提味！口感很有層次。什果麻糬窩夫：呢個甜品實在令我很驚喜，因為真係好好食！！窩夫上面鋪滿新鮮的生果，其中包括無花果、藍莓、芒果同士多啤梨。窩夫外脆內軟，加上裏面有煙韌的麻糬很有咬感。配上蜜糖和雪糕一拼食用更是美味非常。最後食左太多，所以叫了兩杯熱茶消化一下。

呢間餐廳在不同地方區都有分店，我成日行過元朗Yoho Mall的分店，次次都話想食，但次次都係兩個人，同伴成日都話唔肚餓唔食。今次係我生日飯，我唔理啦，點都要試下這間餐廳，因為見到啲相已經好吸引。兩個人真係驚食唔晒，所以叫了一個前菜，青檸香辣凍蜆。檸檬味很清新，蜆肉雪得剛剛好唔會好冰凍，食得出微微香辣嘅味道。本來好想食豬手，但來到西班牙餐廳，好似要試吓西班牙炒飯。飯嘅份量好足夠，鮮蝦新鮮彈牙，想盤賣相一流。生日梗係唔少得吃甜品生日蛋糕，所以點了這個試試。窩夫香脆內軟，生果非常新鮮，還有我最愛吃的無花果。咁多食物當然要配杯飲品啦，又怕好飽，所以我點了鮮雜果Mojito，清新開胃，還可以吃水果。好滿足的一晚。

心情唔好想食好D, 上openrice睇左好耐見到呢到既西班牙豬手就揀左呢到。位置係舊Applegreeno個到。環境唔錯，不過卡位有d窄。侍應加水收碟都好快👍