Video
Read full review
2021-04-08
295 views
周不時都喺唔同渠道間斷咁聽到蜜庵本膳呢間餐廳🤔，最近終於搵次晚市走去試一試。大概晚市唔係蜜庵本膳嘅主打時段，揭落餐牌發現其實啱作為主食嘅菜色並唔算多，相反甜品、班戟類款式就非常豐富😂。問了店員知道呢度嘅王牌之一和王牛漢堡丼並唔係全熟嘅，近排腸胃麻麻所以無點。最後點選咗兩份主食 豚雙味 $138、日本櫻花鰤魚醬油燒 $218同埋一份 雙茶蜜 $98，同朋友一齊分享。以主食嚟講蜜庵本膳嘅定價算係中上，加上由入店以後店員都好親切咁招待👍🏻，期待自然提高咗啲，但呢度出菜係有少少慢，大概20分鐘後主食終於上菜了。先上菜嘅係 豚雙味，有脆炸豚肉同埋味噌煮兩種食法。賣相上不過不失。先試味噌煮，入口係比較多油嘅，但啲湯汁用嚟撈飯食落都幾開胃。豚肉大概有三件，無想像中嘅肥瘦兼備，但味道都叫還好。炸豚肉入口非常香口，主要原因係烤豚用嘅豚肉係比較多油脂嘅部份，但比較可惜嘅係豚肉唔夠厚身，食落豚肉味唔太夠。整體不過不失。日本櫻花鰤魚醬油燒，大概喺 豚雙味 嚟咗後再等多15分鐘先上菜。期間因為太餓😂所以叫多咗個 茶漬飯 $48 但無影相，兩道菜同時間嚟，正好用嚟餸飯。必須承認賣相係同預想係有出入。之前有食過鰤魚
大概晚市唔係蜜庵本膳嘅主打時段，揭落餐牌發現其實啱作為主食嘅菜色並唔算多，相反甜品、班戟類款式就非常豐富😂。問了店員知道呢度嘅王牌之一和王牛漢堡丼並唔係全熟嘅，近排腸胃麻麻所以無點。
最後點選咗兩份主食 豚雙味 $138、日本櫻花鰤魚醬油燒 $218同埋一份 雙茶蜜 $98，同朋友一齊分享。以主食嚟講蜜庵本膳嘅定價算係中上，加上由入店以後店員都好親切咁招待👍🏻，期待自然提高咗啲，但呢度出菜係有少少慢，大概20分鐘後主食終於上菜了。
先上菜嘅係 豚雙味，有脆炸豚肉同埋味噌煮兩種食法。賣相上不過不失。先試味噌煮，入口係比較多油嘅，但啲湯汁用嚟撈飯食落都幾開胃。豚肉大概有三件，無想像中嘅肥瘦兼備，但味道都叫還好。炸豚肉入口非常香口，主要原因係烤豚用嘅豚肉係比較多油脂嘅部份，但比較可惜嘅係豚肉唔夠厚身，食落豚肉味唔太夠。整體不過不失。
豚雙味
$138
6 views
0 likes
0 comments
日本櫻花鰤魚醬油燒，大概喺 豚雙味 嚟咗後再等多15分鐘先上菜。期間因為太餓😂所以叫多咗個 茶漬飯 $48 但無影相，兩道菜同時間嚟，正好用嚟餸飯。必須承認賣相係同預想係有出入。之前有食過鰤魚刺身，但煮熟嘅真係未食過，食落呢份鰤魚醬油燒感覺同食其他魚類分別唔大。雖然配飯食係唔錯嘅配搭，但同期望係有啲落差，性價比較低。
日本櫻花鰤魚醬油燒
$218
6 views
0 likes
0 comments
作為甜品嘅 雙茶蜜 為全餐加番唔少分👍🏻，亦再次引證甜品類係蜜庵本膳嘅強項。一份有六塊班戟，同時有三款醬料（自家製抹茶、焙茶、黑糖蜜）配搭，非常豐富。味道上亦比普遍其他食店較為綿密，配上唔同嘅醬料確係幾別出心裁而滋味。
雙茶蜜
$98
10 views
0 likes
0 comments
以主食而言，睇得出蜜庵本膳係有下過功夫，但可惜特色尚未顯現，味道上比其他餐廳同價嘅菜色仲係略為遜色，晚市單點時，性價比低呢個問題更為明顯。而甜品類係呢度非常突出嘅主打👍🏻，對甜品類，尤其係班戟有興趣嘅朋友應該會幾鐘意蜜庵本膳。
整體全店氣氛唔錯，店員亦都好好，希望會一直進步。
Post
