祥發茶餐小廚

Open Now

Now Closed

獨自到北角，食個快餐。之前來過多次買外賣，家人都喜歡食。今次是第一次堂食，個阿姐好熱情招待，這間小店似是一家人經營，因為店員都幾似様。$54食咗瑞士汁雞脾、豬扒包、鯖魚豬頸肉飯再加一杯凍飲，仲要好好味，你哋話抵唔抵。招牌瑞士汁雞髀唔使點講，好味。豬扒包都好大個，同雞髀差唔多長度，包軟淋好食，豬扒即煎有肉汁。鯖魚豬頸肉飯舊豬頸肉好爽脆。呢個套餐，份量好大，食到好飽，杯奶茶亦夠茶味，咁嘅價錢，物超所值。

依間係北角好出名嘅餐廳，幾本上就算唔係起度住，只係起附近番工番學，都一定聽過佢嘅名。佢鋪頭門口已經貼滿曬報紙嘅報導同獎狀，實力可以受到肯定。依度嘅野食有好多款式，如果想食最出名嘅瑞士雞脾或者雞翼嘅話，但係又驚唔飽嘅話，你可以揀佢嘅瑞士餐，佢有好多款唔同嘅配搭，價錢由$35-$45不等。我哋嗰日12：45左右嚟到，餐廳裏面已經坐滿人，好彩我地只係2個人，拎完飛等咗唔駛10分鐘已經有坐坐，仲要係卡位嚟，真係好好彩。睇完menu，我叫咗瑞士雞脾、豬扒包、炭燒豬頸肉配雜菇飯同凍檸茶(凍飲+$3)， 盛惠$48。 豬扒包今次豬扒嘅份量少咗，不過依然又嫩又好味，個醬似甜版同加咗芥末嘅魚柳包醬，麵包睇得出有烘過，不過我放咗陣先食，所以已經唔脆，不過整體嚟講真係好好食。炭燒豬頸肉配雜菇飯碗飯雖然話係mini size，不過我覺得份量都唔算好mini，豬頸肉有三大嚿，嘅爽口惹味，菇嘅份量好多，感覺上成件事健康咗(其實只係自我安慰🙈)。瑞士雞脾雞脾最先上，食咗幾啖先記得影，雞脾算大隻，入味得呢啲肉有好嫩，瑞士汁比起出面食嘅偏甜同深色，非常好食。順帶一提，我偷食咗朋友一啖芝士豬扒天使麵，發現十級好食，有興趣

又黎到lunch 時間 當然又要睇下邊到有平嘢食啦 食個lunch唔想食咁貴黎到北角 祥發呢間茶記聽講都幾出名出名食瑞士雞翼 其實我都食咗幾次架喇 不過就冇影相寫食評 今次特登影咗幾張 所以上黎放返黎個食評以示支持先由於呢間嘢lunch係幾旺角下 所以一到lunch時間即刻要過定黎 咁就大多數唔駛等位就可以入座啦佢嘅餐牌係幾複雜下同埋好多嘢揀最後我係食咗個五香肉丁+豬扒包+瑞士雞脾三十幾蚊 有咁多嘢食仲要幾好食架喎 所以我覺得北角最好食嘅茶餐之一黎呢間首先個瑞士雞脾係好惹味雞肉都唔鞋 整得恰到好處 好食之後有個用熱狗包整嘅豬扒包個豬扒都仲熱嘅 同埋都整得唔錯架 幾香口最後個五香肉丁公仔麵 叫做冇乜特別 好普通貨色嘅五香肉丁麵 但唔係難食呢間茶記好抵食我覺得食完會有滿足感 唔會話唔夠喉三十幾蚊去快餐店都冇嘢飲啦呢到有埋 所以值得推介但係啲位可能有得迫 同埋食嘢會有啲趕 佢地會催你嘅

今日lunch 終於食到北角弛名瑞士雞脾，甜甜雞脾肉汁好濃，由外到內都係豐富漿汁，切開雞脾，好嫩同滑，連骨都入晒味，再加埋豬扒包，同樣出色，豬扒好入味，飽入面焗到脆脆地，淋上芥末漿，簡直食到停唔到口，最後食埋米線，呢個餐咁多野連飲品都係35，抵到笑啦！最後比埋餐牌一版俾大家參考!

今天專誠去幫襯.叫左:瑞士雞脾,炭燒豬頸肉+午餐肉炒蛋飯,豬扒包,沙嗲牛肉包,特濃芝士汁吉列魚柳天使麵瑞士雞脾:好淋好夠味,不過瑞士汁太甜,但都幾好味.炭燒豬頸肉+午餐肉炒蛋飯:超正,炭燒豬頸肉好重炭火味好香濃,有小小似即燒义燒味又帶有小小燶嘅味道,好正.午餐肉炒蛋飯,炒蛋香滑,都唔錯.豬扒包:幾特別,用左做熱狗嘅芥末醬來做醬汁,豬扒幾淋幾好味.沙嗲牛肉包:又係一絕,久違了嘅沙嗲味,非一般嘅沙嗲可比,香甜美味,牛肉都唔小呀!個麵包都好好食架.特濃芝士汁吉列魚柳天使麵:個汁同天使麵做得幾好,香濃夠味比起以往食過嘅夠味好多,每條麵都吸到個汁.吉列魚柳反而一般,炸得硬身左D.整體好回味,令人有回到從前嘅感覺.