御品·千之味 (深水埗) (Closed)

今日去咗深水埗福榮街揀文具，玩具搞活動攤位遊戲用。 之前朋友介紹附近有間小店食卷物，壽司， 天氣咁熱都幾啱食壽司日本嘢。小店內籠唔大， 午市有午餐或者可以單點。各式壽司，卷物，刺身， 串燒， 日式料理。。鰻魚忌廉芝士卷 $48（4件）卷住嘅忌廉芝士 好creamy， 芝士香同鰻魚汁原來係非常夾， 鰻魚唔腥唔會凍冰冰。 壽司飯做得唔錯， 軟熟而且粒粒分明。 鰻魚汁又唔會過多，做得非常好吃的卷物～～汁燒牛肉手打烏冬$78熱呼呼的汁燒牛肉湯烏冬， 即叫即做。 汁燒牛肉好惹味連帶湯底鮮甜。 烏冬幼滑煙韌， 伴以粟米和木耳絲， 好味道吃不停口！燒三文魚頭$48三文魚頭雖然唔係巨型， 表面燒得甚香脆， 魚肉唔少， 燒得僅僅熟， 魚肉嫩滑肥美有魚油香， 這價錢已屬超值抵食！軟殼蟹反卷$48（4件）軟殼蟹依然脆口， 口感極佳， 連同沙律醬，頗美味的反卷！鹽燒雞翼串$22 （2隻）燒得肉質比較乾身， 雞皮部分夠香脆～蟹肉蟹膏軍艦$28（2件）軍艦的紫菜夠脆身， 蟹肉份量足， 蟹膏夠鹹香， 一啖過味道豐富超滿足！！小店食物用心製作， 價錢實惠， 壽司卷物尤其美味！

今日又黎同男朋友食這間日本餐廳，之前來食晚餐套餐。環境還是一樣整齊舒適，以日式摺紙扇子為裝飾，以木椅子及梳化為坐椅，明亮的光線，下午茶不會太多客人，可以慢慢坐慢慢傾計慢慢享受。有套餐及單點的選擇，日式的料理款式都幾多選擇，如：壽司、刺身、烏冬、炒飯、串燒等等。（鰻魚小卷）鰻魚內餡都大件，小卷一啖一口，壽司軟硬剛好，鰻魚汁香甜！（軟殼蟹反卷）軟殼蟹炸得香脆可口，外面舖滿沙律醬，酸酸甜甜好香口好滋味，配上蟹籽的粒粒口感！推薦喔（蒜香一口牛）一口牛細細粒燒得好軟好香口，腍腍有牛味，加上炸蒜粒好香口好美味（芝士雞扒冷烏冬）雞扒好軟嫩、芝士香濃但咸了點，配上沙律醬汁；冷烏冬煙韌又大碟，配上青瓜絲、蟹柳、蟹籽，凍凍口感，好適合夏天喔！（七味雞翼）七味雞翼香辣野味，推薦這個小食！熱辣辣炸起，好香脆好野味，外脆內軟，雞肉香嫩

放工冇事冇幹行去深水埗，除咗大排檔或掃街之外，都有好多平民餐廳選擇嘅。由於啲餐廳價錢平民，好多都排隊等位。返工返咗咁耐，邊有精力等位吖？好彩咁啱撞正一間有位攝唔使排，咁就鼠入去試喇嚟食日本嘢梗係點都要嗌吓魚生啦，呢個拼盤有齊三文魚、甜蝦、油甘魚、帶子同墨魚，刺身一啲都唔腥，其中墨魚質感幾好食完生嘢就食半生熟嘅嘢，日式燒味—火炙壽司冇得走盞啦，點都要叫㗎喇半生熟之後就唔熟唔食，燒蠔火熱香噴噴，唔食對唔住自己原本想嗌火龍卷，驚兩條友食唔晒，於是嗌四件反卷算喇玉子燒唔錯，如果再軟身啲就更好食完送上甜品—雪米糍作為句號唔想食放題，但又想食飽肚啲嘅日本嘢，呢間都諗得過

剛好爸爸放工後要去深水埗買汽車飾品，而遇啱女女又想食烏冬，結果就去咗食千之味。呢間日式料理店我地都係首次到來，起初以為店仔細細，無乜特別，但食落記好有驚喜，就連爸爸都話值得再試!我地一行兩大一小，都唔算叫咗好多野食，但食完都覺得剛剛好，份量好足夠。埋單一共HKD$430-（連加一）1.海膽軍艦來到有驚喜，係原片大大塊嘅靚海同8而非細細粒散修修海膽。食落好creamy, 好香滑甜口我同爸爸都大力推薦，性價比高之選!2. 軟殼蟹反卷軟殼蟹趁熱食絕佳，依然脆口酥嫩3. 火龍卷火龍卷亦係我喜歡嘅料理之一，不單外形靚，又好食，所以通常見到都一定會叫來試，今次亦不例外。火龍卷鋪上滿滿蟹子，簡直就係我同小JM最愛。小JM即使食緊烏冬亦不忙叫我地俾蟹子佢加份烏冬一齊食。另一樣值得一提嘅係，呢度嘅wasabi係鮮磨嘅，比起坊間嘅更加惹味，爸爸甚為喜歡!4. 燒牛舌芯 蒜香一口牛我同爸爸都係牛魔王，見到有牛串燒當然亦要試一試。牛舌爽嫩，有咬口，但略嫌黑椒稍多;蒜香一口牛，肉質鮮嫩，牛味濃亦帶蒜香。5. 汁煮牛肉湯烏冬牛肉煮得夠份味，就連帶洋蔥都一樣好食而小JM最喜歡嘅莫過於溫泉蛋，仲為食到一連食兩個。