風雲丸

Open Now

Now Closed

▪️辛辣豚骨魚介沾麵 $𝟿𝟾用石鍋裝住湯底可以好好保持湯底嘅溫度，麵質軟硬度適中，口感煙韌，唔算好粗，有少少小麥嘅味道，幾掛湯湯底好香濃，中辣都幾夠辣幾嘢味，辣得過癮🔥不過就遮蓋左魚嘅味道🙊叉燒肥瘦適中，有少少肥膏，但幾香口食完麵之後，仲可以問店員加點熱熱的昆布湯跟湯底一齊飲用

小店位於K11商場對街，十分方便，而且招牌好搶眼！ 平時食開拉麵，甚少食沾麵，今次第一次試感覺幾新鮮 餐牌貌似好多選擇，但其實全部都係豚骨魚介湯底，再分別配不同配料，素食人士不適用晚餐時間有限時，所以冇特別叫飲品，只係飲桌面放置既檸檬水～都好適合配濃郁嘅沾麵辛辣豚骨魚介沾麵。 8/10湯底微辣，食得好舒服，愈食會愈辣！ 後期既辣味會掩蓋左豚骨湯既鮮味～沾麵揀左暖既，食落似撈拉麵😂加啲乾蒜粒會香啲～豚骨魚介味玉沾麵。 8/10朋友叫既原味沾麵，有原隻滷蛋附上！原味沾麵同辣味比較，豚骨同魚介既鮮味會更特出，加上冷麵條，口感好清爽！夏天啱食兩款沾麵既配料都有件日式叉燒，半肥瘦剛好

羽根燒餃子(於The Gulu成為會員後優惠價$15)餃子有5隻，係菜肉餃，上枱既熱度唔似即煎，餃子邊位既皮好硬，影響口感。唔會再叫。(個人口味: 2.9+2.9/10)豚骨魚介味玉沾麵($93)+紫菜($12)濃郁既豬骨湯底，帶有少少微辣，沾麵配埋湯，好食，紫菜浸完湯都好正。流心蛋一咬落去有濃濃既流心蛋味，口感幾彈牙。豬肉煮得夠腍，唔un唔鞋口。“友人”覺得溫麵比冷麵好食。(個人口味: 4.1/5)辛辣豚骨魚介沾麵($93)爭扎於咖哩同辛辣，最後都揀左辛辣。湯底好紅，好似落左好多好多辣椒油，夠辣，刺激食慾，愈食愈想繼續食。但麵底偏硬，好似未淥熟咁(我揀左冷麵，溫麵麵質就好少少，但都係偏硬)，個人唔太鐘意尼隻麵質。大盛300g望落唔多，但食完都超飽。豬肉同“友人”既評價一樣，唔錯。雖然個人對辛辣湯底評價唔錯，不過都係覺得配豚骨湯底更加有沾麵既風味。(個人口味: 3.3/5)(麵底: 2.9/5)星期一沾麵買一碗第二碗半價，唔知優惠做到幾時。如果有優惠，都可以再試。因為點餐紙只有湯拉麵有得揀軟麵，或者可以試下落單時問下沾麵有冇得揀煮腍d。

一早已經聽過風雲丸個名，可惜抽唔到時間同朋友過海去食。早前知道佢係尖沙咀開分店仲要係K-11咁近，所以一收工就跟同事過黎拜訪一番。因為都排左一陣隊，所以餓餓地就一齊點左特盛(400G)，麵量都頗多。期間限定：特濃山椒魚乾沾麵。上枱時滾燙非常，帶出魚湯誘人香味。旁邊附上一片檸檬，可以根據口味自行調整湯嘅濃淡味道。輕輕加一兩滴就啱啱好，因為沾湯本身都真係幾湯。燒肉超厚同大塊，可以當佢豬扒咁睇都無問題。肥瘦均勻，入口油香四溢之餘又好鬆化，配上魚介沾麵增加味道，好好食。可惜麵身唔算特別，如果用上曲身粗麵，就更能掛上湯汁增添風味。附贈嘅魚乾幾香口，遲左放湯有啲硬，最好係一開始放落沾湯裡面軟化及出味。辛辣豚骨魚介沾麵。同樣係厚切燒肉，但同事嘅就肥膩左少少。湯底用上辛辣粉調味，入口較刺激，味道同山椒魚湯差不多，愛辣人士可以一嚐。日式餃子。用上少少麵粉水煎所以結左一大塊脆片。餃子唔算大隻主要係香口同填補沾麵嘅濃郁味道，不過不失咁啦。因為新開業關係，人流唔算太多唔會造成一食完就要轉俾下一手嘅情況，所以仲可以食完跟同事下計。整體都算唔錯，揀係吧枱坐可以一邊睇煮麵一邊食，雙重享受。