麵麵 (Closed)

今日放工約左朋友係旺角行下，之後諗住食埋晚餐先返屋企，網上睇到呢間魚湯麵都幾有特色，就諗住話黎試下，甘岩今日比較早去到餐廳，就吾洗等好耐，我見我們食食下都好多人黎到要等位，都幾多人黎食。上到去會有職員幫我們量體溫，一埋檯職員就好貼心提供左裝口罩既信封，同埋提醒我們一陣個信封要扔去邊到，真係好貼心!上餐前仲比我們試一試個魚湯，個湯味道濃郁，十分重魚味，飲落就係純粹魚既鮮味，十分好飲。講返野食先，佢呢到主打魚湯魚麵。我簡左極尚魚宴料理，感覺可以試到幾款吾同既魚丸，然後簡返佢哋既魚烏冬，再叫多個小菜-避風塘雞翼沙律，配埋特飲既荔枝椰果綠茶。我朋友就叫左個西班牙煙燻黑毛豬魚湯料理配稻庭烏冬，再叫左杯檸檬水晚市套餐係有個前菜同飲料送，我叫既特飲就要再加22蚊配餐，我覺得都ok。講返個魚宴料理，各種魚丸類，墨魚春卷都十分彈牙，真材實料，吾會話粉多過魚，食落味道好又彈牙。魚烏冬都好彈牙，係食到魚既鮮味又食到彈性既魚烏冬，加上魚味十足既魚湯，配搭十分好味，值得一試再試，成碗湯飲落都係好好既魚味又吾會話好腥，份量係都ok,都夠我們食。加埋我們叫左個避風塘雞翼沙律，食的飽之餘又回味無窮。不過雞翼方面比魚烏

今天到旺角逛街，朋友帶我去食魚麵，來到彌敦道726號1樓的"麵麵"，一出lift餐廳裝潢好有打卡Feel，打卡牆有心思，午市顧客也不少，來到剛到有位。看看餐牌：有Set lunch，午市免收加一，午市小食7折，幾抵食。小食我點數款：香口脆炸魚皮(-$6) $14魚皮十分香脆，下湯泡一泡也不錯。黑松露忌廉戒指魚皮雲吞(-$15) $35黑松露配魚皮雲吞別有一番風味。流心蛋越南豆腐(-$9) $21流心蛋吸引。避風塘雞翼沙律(-$12.6) $29.4雞翼皮好脆，裡面夠熱，肉質嫩。咖哩黃金魚腐濃魚湯魚麵 $66可選魚麵/魚烏冬/稻庭烏冬可選花膠濃魚湯/魚香麻辣湯咖哩汁分開上，咖哩汁香濃，把魚麵蘸上很掛汁，味道香濃，黃金魚腐也不錯。魚麵決戰魚烏冬：魚肉春卷決戰墨魚春卷 $76一碗有两款麵食也不錯，一碗可試到招牌魚麵和烏冬，魚肉春卷和墨魚春卷各有特色。熱海鹽焦糖咖啡 +$10熱桂花薏米茶 +$22

大型連鎖店嘅米線食到厭，有時都想食啲特別嘅米線。呢間旺角樓上店主打魚麵，岩晒鍾意嘆米線同貪靚嘅人。-魚之戀濃魚湯魚烏冬魚烏冬口感特別，入口爽彈。湯底呈乳白色，清甜鮮香。一碗有齊魚皮餃、魚蛋、魚片頭、魚腐、魚肉春卷、墨魚春卷，享受多重魚饌滋味。-西班牙煙燻黑毛豬魚湯料理黑毛豬煙燻味濃郁，大有BBQ風味，咬落軟腍，值得一試。-避風塘雞翼沙律滿滿嘅避風塘脆脆，配搭煎得金黃酥脆嘅雞翼，冶味程度更甚。雞肉熱脆內嫩，微辣夠過癮。沙律菜酸甜開胃，仲可以消滯。-流心蛋越南豆腐呢款相對較清淡，醬料同泰色辣醬味道相若，突出豆腐嘅清甜滑溜。流心蛋入口清涼，但味道偏淡。-熱檸檬柚子蜜熱飲唔算太特別，柚子皮頗多，潤喉一流。

今日男朋友帶我搵好野食，黎到旺角呢間專門食魚麵既人氣店，其實小妹平時打邊爐勁鍾意叫魚麵，不過而家專門店真係好少有～一入到門口就見到好大個招牌，呢間裝修風格都幾文青，環境好舒服坐低無耐侍應就遞上兩杯濃魚湯，味道非常鮮甜！！！而我今次叫左極上蟹匠拌魚烏冬，雖然價錢要百三蚊，但食材豐富，有蟹膏、蟹肉同蟹籽，而味道亦十分出色，撈埋胡麻醬一齊食彈牙既魚烏冬，口感勁豐富，而且超級鮮味，絕對對得起呢個價錢！男朋友叫左呢份西班牙煙燻黑毛豬濃魚湯魚麵～先講下黑毛豬，肉質結實，帶有好香既煙燻味，配埋相對淡既魚湯魚烏冬，完全係絕配！我地又叫避風塘雞翼沙律，炸得好香口，難怪男朋友要食埋我果隻晚市套餐加5蚊可以轉熱朱古力，無諗過連朱古力都有得拉花！

有別於傳統麵店，位於旺角彌敦道726號1樓的麵麵(Noodle Noodle)，無論是裝修格局及菜式選擇，營銷定位跟傳統麵店都有很大不同，比較迎合年輕人品味和口味，燈絲條設計簡單而富特色，店舖中央擺放了綠色Noodle字樣的盆栽裝飾，跟店舖名稱互相呼應。出餐位非常整潔，左邊有大招牌介紹70%魚肉的魚麵和50%魚肉的魚烏冬，右邊有"人氣之選"食物推介，不少魚形象的裝飾物，全店充滿了魚的氣味。四川麻辣燒牛肉拌魚烏冬 $92 奉送特色前菜小食，牛肉味香濃，少少辣，很惹味，前菜有酸、有甜、有鹹，味道豐富。魚之戀濃魚湯魚麵$72，魚麵超彈牙，湯底很清甜，魚皮餃、魚蛋、魚片頭、魚腐、魚肉春卷、墨魚春卷都充滿魚味，一點魚腥味都沒有。值得推介。小食：避風塘雞翼沙律 $42，蒜蓉和雞翼炸至金黃色，香味十足，脆口惹味，但不油不膩，色香味俱全。小食：流心芝士墨魚波 $48，流心芝士令墨魚波倍加滋味，如果芝士份量再多一點就更加完美。飲品：熱泡沫玫瑰奶茶 $28，淡淡玫瑰花香味，奶茶香滑，美味！飲品：熱泡沫咖啡 $28