鼎泰豐

Open Now

Now Closed

新城市最偉大的發明係餐廳取票系統, 要找吃的, 不再需要長時間有門外等待!鼎泰豐只限進餐1小時15分鐘. 肯好點餐亦有系統的, 上菜亦很快.必食小籠包 - 真係皮薄多汁, 仲熱燙燙的. 外皮不黏筷子的, 亦不會太易穿, 肉汁直爆於咀內, 肉味甘香長久不散, 滿足滿足!紹興醉雞 - 酒味香濃, 雞肉夠滑, 而且雞肉夠厚, 份量唔算少, 皮下仲有少少膠質, 抵食!酒糟鴨舌 - 份量有20隻左右, 算厚肉, 而且十分林及入味.酸甜川子雞 - 大約6-7件, 件件都有1.5隻麻雀牌甘大件, 帶少少辣味的, 肉都好林唔鞋口, 底部的炸紫菜更加吸引的, 真係脆架!蝦仁肉絲蛋炒飯 - 呢到食炒飯真係幾貴, 而且細碟, 不過佢真係會執靚個樣, 所有食物都會"疊"好. 味道一般啦, 送有送味, 飯有飯味, 分開曬.

在媽咪的要求下，去了鼎泰豐為她慶祝生日。由於閒日的原因，只等了30分鐘。當然要食小籠包，這裡的小籠包皮薄餡靚，可以見到入面有滿滿的湯汁，食果時都好怕會一夾就穿，好彩冇事，而且肉味鮮甜，只是有少少油膩。再點了另一款絲瓜蝦仁小籠包，一樣好味，而且更清甜，餡料配合得宜，也不會太油，只是湯汁不多。上海燻魚的味道不出色，冇印象，有點失望。水晶肉比較好味，肉質分明，也很鬆化，點上醋汁，更能提味。可惜食了才記起要影相。四季烤夫味道普通，不太特別。酒糟鴨舌相當入味也有酒香，尚算嫩滑。醉雞的肉質很滑，亦不會太多骨，可惜酒味不夠濃，味道難以突出。油炸排骨看上去普普通通，竟然是驚喜之作，非常之香，而且不會太乾，也不過份油膩，想一吃再吃。甜酸川子雞有小小辣，甜酸味不太出色，可還算是香，雞肉不會太韌。豆沙小籠包的皮比較厚，入面有足料豆沙，口感細滑，也不會太甜。還有一點要讚揚的是，我們帶了生日蛋糕，本來想說要$150的切餅費有點貴，但原來非常值得，侍應生見我們食完飯，突然問壽星的名字，原來他們會為壽星唱歌，還主動為我們拍照，令人意想不到。