樂湯雞麵館 (白楊街) (Moved) New Location

因為小妹病左唔可以食太油膩既食物, 就同朋友搵下太子有咩特色粉麫好食, 發現轉角有呢間小店就決定一試!總共叫左2款麪同1款小食~砂鍋雲吞雞煲配刀削麪雞湯幾好飲又唔油, 無味精~好彩撞正有雞脾食, 個雞係淋同滑；雲吞有幾粒料內有蝦都新鮮。砂鍋應該係原煲整熱唔係煮熱後放上去, 食到尾D料仲係好熱架 ^V^ 岩曬食得慢既我,好幸福刀削麪就不過不失啦藥膳醉雞米粉 個湯夠味! 配新竹米粉索曬個湯, 一流呀!!湯仲比埋好多配料,桂圓杞子淮山等, 所以就咁食都好滿足 !之前見有其他人食個醉雞好DRY, 好彩今日配埋杞子同蟲草花, 見到開胃好多。醉鴨舌覺得呢個有點貴, 同配米粉個雞份量一樣但同果個餐差不多價錢。整體不錯，佐敦都有分店，以後又多２個食粉麫既地方啦～

上網見介紹這間雞湯翅，看似幾吸引，天氣涼涼地，最啱食，決定來試下。位置其實都頗為偏僻，不太顯眼，但去都已有人龍要排隊。原來都不少人知道這間隱世店，專程來食呢！幸好，不算等太耐，舖面比想像中大些，都算不太坐得太逼。全店主要都以雞為主。來到當然試下人氣既砂鍋雞湯翅啦，見加$20還可再配多碗粉絲，碗粉絲都係雞湯底的，好入味個湯好清甜，飲完好舒服，雖然係冰鮮雞，但肉質好嫩。再黎試下藥膳醉雞配新竹米粉，都不錯，好滋補。再配碟小食~醉鴨舌，都幾大碟下。價錢都幾大眾化，幾抵食。