漢城美食

Open Now

Now Closed

落咗兩個幾禮拜大雨個人又濕又攰😮‍💨係要食返啲辣嘢祛祛濕🥱🥱 紅色暴雨嗰日去咗尖沙咀經過呢間漢城美食就入去幫襯下😋 前菜有泡菜、芽菜，仲有蔥油餅👍🏻味道都唔錯👍🏻 即刻叫返支米酒飲住先🤤食韓國菜點都要整返支生米酒 ($109)少少甜又易入口啱晒feel🫶🏻🫶🏻純豆腐豬肉湯 ($99)見到佢滾到卜卜聲咁上枱就已經食慾大增🤤 個湯好夠辣😋 細細兜但好足料👍🏻👍🏻除咗好多滑豆腐同豬肉，仲有金菇同生雞蛋👍🏻一碗白飯真係唔夠我撈飯😂😂醬油蟹 (1隻) + DIY紫菜飯團 ($190)又嚟多個白飯小偷~醬油蟹‼️好鮮甜好鮮甜好鮮甜～～個醬油調得又好！唔會過鹹搶過蟹肉嘅甜味！啖啖蟹黃超好下飯！好在佢跟個紫菜飯夠大碟😂麻油芝麻紫菜撈埋一齊食真係好正！我有一下覺得自己置身韓國嘅小店食緊飯😍整體嚟講呢間餐廳食物質素好好環境夠大啲枱唔會坐到好逼👍🏻下次要再嚟encore😋😋

Weekend 同大大覓食又發現好味🤤又抵食嘅韓料店🤭店入面環境都好整潔舒服 座位又寬落 都幾Chill~ 坐低見到Menu 菜式種類都好多選擇，仲見到店內有貼心咁有學生優惠價添架👍～ 落單填返No.喺落單紙交俾店員就可以。 望到Menu到有醬油蟹仲要唔貴即刻發青光嗌嚟試吓，嚟到已經見到好多膏😍食第一啖其實勁驚會好咸但又出乎地唔會好死咸 而且肉質都新鮮 醬汁做到提鮮而唔會好咸🥰真係好好好 之前食過2-3間都好咸🥲今次依個醬油蟹好滿意佢配埋紫菜味飯比你自己搓成飯團食，不過我哋懶冇落手將個飯變飯團 😜 但飯配埋蟹蓋蟹膏真又鮮又飽😛美味大滿足 我哋仲嗌咗個牛尾湯，湯有跟咗碗白飯～ 嚟到新鮮熱辣仲好滾🥰牛尾都有好多舊～ 大大舊咁好夠味。weekend 想飲返2杯，我哋揀咗米香味嘅韓國生米酒 2個人分一支酒岩岩好唔會太多😌 btw 店員姐姐幾nice 仲靜靜話我知用錯咗杯嚟飲😂