勝八居酒屋 (Closed)

是日Girl Talk揀了一間好有氣氛的日式居酒屋談天說天同食好東西，勝八居酒屋位於銅鑼灣登龍街，由銅鑼灣地鐵站B出口行過去只須數分鐘。勝八居酒屋店內的設計與日本常見的居酒屋好相似，最吸引的莫過於Bar枱上放滿新鮮的海鮮和魚生，店員推介我們出去看看是日新鮮的魚生再落單，好吸引，真係可以見到邊樣新鮮食邊樣，做到不時不食。經過一輪望聞問切後，我們揀了加拿大海膽、赤貝刺身和帶子刺身。刺身擺盤漂亮，做到日本人的執著。加拿大海膽好大隻，原整一片好吸睛，鮮甜美味，入口即溶。赤貝原隻開出來好大片，立立令，入口爽彈，貝味鮮甜。帶子刺身也是立立令，鮮嫩厚身。刺身高水準，推介。左口魚邊壽司即叫即握，壽司飯力度握得剛好，左口魚邊微微火炙過，入口油脂豐富美味。鐵板牛舌上枱仍是吱吱聲，熱辣辣，本身洋蔥已經好甜，吸收了牛舌味更美味。牛舌好厚身，唔好以為好硬好難咬，原來係外脆內軟，軟諗諗，口感好好，配合埋秘製醬汁，推介。松葉蟹腳天婦羅有幾條好大條兼且原條的蟹腳，有成隻筷子咁長，粉漿透薄，脆而不膩，高水準。拌碟還有厚大的冬菇、賬卜卜的茄子和好甜的南瓜及蕃薯。最後，我們還叫了一杯巨峰提子梳打及水蜜桃梳打一邊食一邊傾。

相信大家都有去過銅鑼灣登龍街去搵食，佢名乎其實係一條食街，有各式各樣既食肆，特別係食日本菜既餐廳，今日我就去左勝八居酒屋度搵食了。由於佢都頗為出名，我預早左一個星期book枱，約七點去到已經坐滿左七八成。佢同日本正宗居酒屋一樣，有個bar枱放滿左當天新鮮直送精選食材。去到時店員就招乎我出去行下睇下叫D乜野好，有賓正如歸既感覺，讚。水茄子首先我叫左我係香港好少食到既水茄子。其實佢係茄子加木魚絲來的，感覺又fresh 又juicy,  即刻令自己個口去到作戰狀態, cool.刺身拼盤師博話加拿大海膽岩岩番，而我係一個三文魚控，又見到牡丹蝦都好新鮮，就用左d三樣野整左個拼盤啦。海膽又厚又大件，非常香口，入口即溶，一d腥味都無，食得出係高檔貨。牡丹蝦同三文魚同樣又厚又大件，鮮味十足，一樣咁推介！拖羅筋壽司而吞拿魚方面,師博就推介左拖羅筋壽司比我，佢係用新鮮既拖羅燒左表面，唔駛點豉油同芥辣已經好好食。拖羅入口即溶，新鮮美味，再加埋燒左既表面熱熱地，裡面凍凍地，好刺激到自己既食慾。天婦羅拼盤而炸物就叫左個天婦羅拼盤，貪樣樣都有一d，這一款拼盤有數條原條長腳蟹，咬落啖啖蟹肉，正！其他炸物同樣整得不錯