Odelice! (新城市廣場一期)

🙋🏻‍♂️餓底探員去咗沙田調查呢間法國菜，餐廳以藍色為主調，配上白色桌椅，充滿法式情調，晚市套餐人均二百幾蚊起有4道菜，食物高質，性價比度高🍽️Bistrôt Set $538 for 2Soup🥕甘筍忌廉湯🙋🏻‍♂️表示個湯質地香滑creamy，飲落有清甜嘅甘筍，仲有同辛香嘅薑味同果仁香味，配上麵包，口感外脆內軟Starter🐚法國田螺🙋🏻‍♂️表示個田螺口感香軟，用香草蒜蓉牛油嚟煮，食落香濃惹味，配上香脆麵包，可以將田螺同香草牛油放上麵包一齊食，味道好正Main🦞原隻烤龍蝦 +$135🙋🏻‍♂️表示個龍蝦肉質彈牙，配上芥末荷蘭汁，食落香濃creamy，底下配上薯粒同番茄龍蝦汁，個汁味道濃厚鮮甜，令薯粒食落更加惹味🥩阿根廷安格斯牛脊肉 +$55🙋🏻‍♂️表示牛脊肉煮到五成熟，肉質粉嫩，食落香軟，充滿香濃牛味，配上濃郁嘅鴨肝砵酒醬，令牛肉味道更豐富，仲有清新嘅邊豆同爽口嘅燒薯粒做配菜Dessert🍫 法國黑朱古力慕絲 🙋🏻‍♂️表示個慕絲用76%黑朱古力做，配上香滑忌廉同杏仁片，慕絲口感軟滑綿密，朱古力味香濃，味道唔會太甜，好好味Wine🥂Chardonnay $75🙋🏻‍♂️表示杯白葡萄酒口感清爽，

食物精緻美麗又美味，真係見都啲相都胃口大開，諗定幾時再約朋友去食。本嚟以為法國餐梗係細細牒，原來食物份量都算適中。所以今次4人聚餐，order3人份套餐都夠食。餐廳套餐有好靈活嘅配搭選擇，都幾貼心。啲頭盤好靚精緻又好味。今次試咗生牛肉他他小漢堡，細細個幾cutie。諗住生嘅牛肉唔知會唔會有血腥味，但估唔到廚師啲魔法調味加埋啲香料令到完全無腥味同都好好味。阿根廷牛脊肉5成熟，見佢粉嫰登場就知無得輸。脆邊嫰肉，令人食唔停口。食法國菜一定唔可以缺少嘅精美甜品，芒果可麗餅。好似穿著華麗衣裳，粉墨登場咁。酸甜香滑，滋味難忘。今次有一樣唔記得叫嘅就係生蠔，下次要試埋至得! Bon appetit, merci chef!後記：係咪寫得浮誇咗？所以被誤會係收受利益後寫嘅？自問絕對無咁嘅事所以唔會修改內容。只想記錄一次珍貴嘅聚餐，刊登與否都尊重編輯決定。多謝！

Odelice! 沙田分店其實喺新城市廣場已開業一年有多, 而我亦係常客, 對這間餐廳嘅食物質素及服務都感到非常滿意, 環境舒適, 播放嘅音樂好聽, 而佢哋會隔一段時間會為餐牌作出輕微改動, 我認為這是一個很好的舉動, 除了可保持一份新鮮感外, 亦反映 Odelice! 不會墨守成規, 是對食物出品有要求, 有心求進步的 👍🏼主餐牌除了有沙律及分享前菜小食外, 主要都係海鮮, 肉類, 義大利飯/Pasta 及蕎麥薄餅。基本上所有食物我都很滿意, 但若要推介幾款, 我就特別喜歡佢地嘅生牛肉他他, 紅鯛魚柳, 帶子燴意大利飯, 油封鴨腿, 以及逢星期一的牛扒任食推廣, 用的是牛胸腹, 雖然是任食, 但仍然處理得極有誠意, 最精彩是牛肉的邊位整得很脆 😎飲品亦有多種選擇, 除了果汁, Smoothie, 茶及酒類外, 我特別欣賞佢地嘅咖啡, 十分薰香濃郁。星期六日的 brunch 由早上11點供應到下午5點, 最適合一家大細去品嚐美酒佳餚, 但建議最好預先 booking。咁高質素嘅法式餐廳, 希望佢地可以喺沙田市中心長做長有！

聖誕節將至，各大商場都人如潮湧，引來很多顧客。今晚訂了新城市廣場一期這間法國餐廳。先點了暖笠笠的香料熱紅酒和熱蘋果酒，然後選擇二人套餐：先來田園沙律~新鮮清爽；主廚拼盤"法國南部篇"：秘製鵝肝醬多士~鵝肝味道濃郁獨特配搭卜卜脆的多士，軟硬適中，恰到好處；白毛豬火腿~帶有鹹香味與山羊芝士一起吃入口柔軟可口，既不肥膩又不膻；吞拿魚他他~ 吞拿魚新鮮，撻皮鬆脆香口，一啖入口，爽脆嫩滑；炸黑松露蘑菇球~有豐富松露味，美味又獨特；枝豆蘸醬~綿滑清新配搭脆口餅乾條。以上這道主廚拼盤用來佐酒， 能中和油膩感，亦增添清新感。聖誕焗火雞胸~抱子甘藍和法式芥末蘑菇忌廉汁融合一起，帶出輕盈的口感及濃郁的法式芥末蘑菇忌廉汁的濃味，突顯出火雞胸肉細嫩柔滑。阿根廷安格斯牛脊肉~肉質鮮嫩多汁，有香濃的牛肉味，口感嫩滑；配菜也吸引有燒薯粒、蘆筍、鴨肝砵酒醬汁，再追加煎鴨肝。最後端上羊奶芝士蛋糕加雲呢拿雪糕來完結這顿豐富美味的聖誕二人套餐😋

今晚揀咗間交通方便喺沙田市中心的法式餐廳和朋友預祝生日。餐廳氣氛好有法式格調，pattern地板加座椅，仲有好多綠色植物和法國掛畫做擺設。我們叫咗BISTRÔT SET法式小館雙人套餐另叫兩杯手調飲品紅桑子Iced Tea賣相好靚，呈深紅色，酸酸尾尾好醒胃。熱情果Iced Tea而我叫嗰杯熱情果，好多熱情果杍，真材實料，仲有薄荷葉來點綴，好清新。開胃菜可揀精選餐湯或沙律餐湯是青豆煙肉，青豆一點都吾腥，有青蔥的豆香，加咗少少煙肉提升了整體味道。沙律份量足，把五顏六色的蔬果共冶一爐，顏色奪目，而且食材料新鮮爽脆。頭盤烤虎蝦配酸種麵包，蒜香磨菇忌廉汁虎蝦雖然比想像中細隻，但烤得唔錯，好入味，酸棰麵包墊底配咗蘑菇汁提升了層次感。主菜（兩款）香煎三文魚配黑松露什菌燴飯三文魚肉質鮮嫩，香草調味恰到好處，如果外皮再煎得香脆一點就更完美了。燴飯也做得不錯，菇味好香濃加咗黑松露提升了層次感和好惹味。阿根廷安格斯牛脊肉燒薯粒，露筍做配菜，薯粒燒到有窿邊，味，蘆筍色澤好靚呈鮮綠色，好爽脆。用了鴨肝砵酒醬汁。牛脊肉點了七成熟，中間成粉紅色，肉質非常鮮嫩，牛味濃郁。甜品火焰橙酒可麗餅配紅肉橙，雲呢嗱雪糕店員即場