Video
Read full review
2018-07-05
787 views
周末後嘅Blue Monday，喺晌工作上未上力嘅日子，最好就同朋友聚吓餐、食吓飯。是晚嚟到灣仔嘅「叄嵐 」食晚飯，初初睇地址時都有少少眼熟，嚟到餐廳門口，就知即喺以前「香港郵意明信片航海主題咖啡廳」嘅舊址，估唔到轉眼由咖啡店轉為日本餐廳，因為早前先晌尖沙咀光顧過「香港郵意」，否則，仲以前佢執咗笠添。踏進裡面，更估唔到嘅喺，裡面嘅格局無變，尤其水吧位同上面嘅大黑板，跟之前嘅「香港郵意」一樣，就連當時嘅大帆船模型，都仲「健在」，有理由相信喺店主想轉型吓日式串燒店。而有變化嘅喺，只喺部份枱櫈唔同咗，同埋多咗好多跟日本相關嘅擺設，例如：日本清酒酒樽、寫上串燒嘅木牌、日本畫作……等等。不過，講開啲枱，設計估怪，枱下有兩條鐵通橫向打交叉，基本上喺完全頂膝頭嘅。順帶一提，呢道跟前店一樣，採自助式服務，即喺大家合作吓，餐具晌十出面專櫃自取，用餐完畢，就麻煩幫吓手將啲餐具拎去回收處，即喺水吧旁嘅櫃枱面，換嚟就喺唔收加一服務費。不過，你又唔使擔心要自己走嚟走去去拎食物，晌收銀處落單後，店員俾個號碼牌你，返埋位安心等待食物送上。所有食物，就印晒晌一大張A3紙上，底面兩版，除串燒，仲有小食、沙律、飯丼之類，
踏進裡面，更估唔到嘅喺，裡面嘅格局無變，尤其水吧位同上面嘅大黑板，跟之前嘅「香港郵意」一樣，就連當時嘅大帆船模型，都仲「健在」，有理由相信喺店主想轉型吓日式串燒店。
而有變化嘅喺，只喺部份枱櫈唔同咗，同埋多咗好多跟日本相關嘅擺設，例如：日本清酒酒樽、寫上串燒嘅木牌、日本畫作……等等。不過，講開啲枱，設計估怪，枱下有兩條鐵通橫向打交叉，基本上喺完全頂膝頭嘅。
順帶一提，呢道跟前店一樣，採自助式服務，即喺大家合作吓，餐具晌十出面專櫃自取，用餐完畢，就麻煩幫吓手將啲餐具拎去回收處，即喺水吧旁嘅櫃枱面，換嚟就喺唔收加一服務費。
不過，你又唔使擔心要自己走嚟走去去拎食物，晌收銀處落單後，店員俾個號碼牌你，返埋位安心等待食物送上。
所有食物，就印晒晌一大張A3紙上，底面兩版，除串燒，仲有小食、沙律、飯丼之類，唔使擔心獨沽一味得串燒；此外，飲品方面更喺意想不到嘅選擇，有清酒、梳打都算正路，但竟然有多種咖啡、花茶，甚至乎港式嘅黑牛佢哋都供應。
值得一提喺佢哋講到明，雞類串燒都喺用上日本德島縣嘅「阿波酢雞」，晌銅鑼灣嘅「FireBird」食過一次，算喺日本走地雞中嘅名牌，以肉質結實爽口，雞味濃郁鮮甜而聞名。
由於所有串燒都喺叫點即燒，煩請耐心等待吓。反而，外面大熱天時，晌出面睇住師傅燒我都覺得熱呀，真喺辛苦晒師傅咯！
逢星期一至五有日式午市套餐供應，正常不過，但真喺最估佢唔到喺連西式甜品、兩人用嘅西式高茶都有，絕對喺非一般居酒屋。但些少擔心，做得唔咁專，會唔會搞到兩頭唔到岸！
松葉蟹肉蟹籽飯 $78見賣七十零蚊就有松葉蟹丼，好吸引嘅價錢，當然好奇想知喺咩料啦。個丼份量十足，不過，賣相真喺唔得，完全喺隨意將啲材料放上面，無晒一貫海鮮丼整整排列嘅美感，而且，就咁放撮菜上去，唔靚又唔夾個口感。味道喺點，啲蟹肉算鮮甜，但真喺松葉蟹肉得好少，大部份都喺蟹棒，雖然，唔喺勁溝粉嘅貨色，但欠缺鮮味，最奇怪作為一碗海鮮丼，個飯底喺熱辣辣出晒煙嗰隻。講真，我又喺天真咗少少嘅，正所謂以一分錢一分貨，賣$78就唔應該有太多期望，因為之前食過幾次蟹丼都賣近二百。講到尾，呢個丼唔喺唔好食，只喺對啲食材諗多咗啫。
阿波酢雞串一人前套餐 $148既然店家以串燒為主打，就梗喺要試吓啲串燒啦。晌餐牌所見，有一款一人前套餐，包咗12串燒物及一大配日本米飯，感覺好抵，而且，唔晒煩諗嚟諗去揀乜。
由於見佢寫住「阿波酢雞串」一人前套餐，所以，都無再刻意問，一心好天真認為雞肉串燒會佔多數，但實際上喺蔬菜類多過雞肉類串燒：雞中翼、雞腎、雞胸肉、雞腿、雞軟骨、秋葵、菠蘿、翠玉瓜、車厘茄、冬菇、煙肉韭菜、雞脾菇，而串燒確喺有成一大盤。
味道方面，就唔逐樣寫喇，整體嚟講，燒得不俗，啲雞串燒幾香口，又唔會乾，最好食就自然喺雞腿肉啦，軟滑啲；而啲蔬菜串燒亦好味，只喺略嫌全部都喺鹽燒，味道稍為單一啲。
煙肉車厘茄串 $28 / 2個煙肉韭菜串燒好食，所以，追加多一客煙肉車厘茄串，同樣咁正。煙肉鹹香，油份滲入車厘茄中，令車厘茄更鮮甜，而且，又爆汁。
荔枝梳打、熱情果梳打 @$38唔喺講笑，食完燒，唔喺啤酒嘅話，相信梳打喺另一夾晒嘅嘢飲。小弟就揀荔枝梳打，純喺糖漿溝梳打水，夠凍夠解渴而已。唔及早前晌荃灣「韓閣」所飲到嘅有加入罐頭荔枝肉嚟得有誠意啲。
店主養咗兩隻貓，佢哋晌店內周圍走嚟走去，幾得意可愛，而且都幾乖，唔會騷擾食客，反而喺啲食客成日想抖佢玩。
「叄嵐」轉型，價錢就肯定喺屬大眾化嘅一類，不過，個人覺得仲有啲提升嘅空間。雖然話喺賣阿波酢雞，但好似欠缺咗啲有亮點、吸晴嘅串燒咁。仲有，室內空調真喺要優化吓，因為烤爐設晌餐廳出面，要將啲食物拎出拎入，故經常開門閂門，本身佢哋嘅冷氣又唔喺開得好太，食到個人有少少熱，真喺要靠杯梳打咋。
Post
