牧羊少年咖啡館 (白楊街)

Open Now

Now Closed

對上一次到牧羊少年用餐已經將近5年前, 再次到訪食物既質素有進步！4個人叫左2個套餐(一個主食、一杯飲品、一個甜品) 再另外加個薄餅加個小食同飲品, 咩都試到啲呢個意粉唔錯！意粉好掛汁之餘, 唔會煮到淋哂nice~ (加上我鍾意食冰鮮蝦, 下次去一定會take2)呢個喇沙海鮮湯烏冬我就比較麻麻, 一黎我唔係幾食得辣, 二黎食落比較普通, 冇平時食喇沙個陣喇沙香...佢係我呢餐既MVP!!! 薄餅邊脆, 每一舊都平均有料係上面, 千島醬夠哂味但唔膩, 加上(!)我麻麻地平時薄餅上面個啲青椒紅椒, 次次都挑到半死, 終於可以試下大大啖食pizza既感覺呢個係一個普通既拼盤cheese cake唔錯, 兩個set兩件cake四個人食岩岩好, 推薦叫set, 但一人一個set就冇肚試pizza, 因為pizza係冇得跟set架! 點解??!!叫左四杯野飲, 呢杯奇異果青瓜奶酪最特別, 點講呢, 佢隻味真係好奇異但係又幾好飲喎! 呢杯雙重朱古力沙冰值得讚既係佢飲到最尾都唔淡 (唔好講笑 呢件事對一杯朱古力黎講真十分重要), 但係要彈既係飲幾啖就會冇哂水飲唔到...仲有呢兩杯, 都ok既~整體呢個

牧羊少年餐廳素來以文青餐廳知名。 餐廳入面嘅裝修亦都好有風格，周圍都貼滿咗唔同地方嘅特色產物。朋友今日喺石硤尾附近收工，就決定同佢一齊再食牧羊少年。 而家連餐牌都放埋喺門口，未入去之前就可以揀埋食乜嘢。嗌咗兩份意粉，一個小食，仲有兩杯沙冰。首先上檯嘅就係兩杯沙冰。 雙重朱古力沙冰好重朱古力味，沙冰上仲有朱古力碎，飲落好有口感。柚子抹茶沙冰一開始飲的是滿滿的柚子沙冰， 柚子味清新醒神，令人耳目一新，飲幾口後再倒上抹茶糖漿，杯飲品立即昇華到另一層次，抹茶的甘甜和柚子的清新互補不足， 加上沙冰綿綿的口感， 令人甜在心頭，幸福滿滿。蒜片豬肉腸黑胡椒意粉放上枱已經聞到陣陣嘅蒜香味。豬肉腸好有特色食落好重嘅香料味。配合埋處得啱啱好，又軟硬適中嘅意粉，味道一流。大蝦蕃茄意粉再來是經典的番茄大蝦意粉先講意粉的口感，廚師將火喉把握得十分精準， 將意粉煮至外層軟墊，內層彈牙有咬口， 咀勁十足。至於醬汁是濃濃的番茄醬， 甜味適中而不會太酸， 最後是這道菜的主角大蝦，大蝦已去腸， 大蝦剛剛煮熟，不會老 ，咬落去是新鮮的海鮮鮮味， 令人十分滿足。大食拼盤叫得大食拼盤真係冇錯，估唔到份拼盤咁大份，仲有咁多唔同嘅嘢

其實成日都聽到呢間牧羊少年cafe, 但真係第一次食，因為朋友為我慶生嘅關係，我又冇乜所謂，所以朋友介紹下試左呢一間cafe，又有驚喜喎。據我所知佢有其他分店嘅，我哋今次食嘅係太子分店，交通唔算方便，地理亦有少少 「隔攝」, 位於太子深水埗石硤尾三個地鐵站嘅中心，任何一個地鐵站岀都要行5至10分鐘，不過我覺得只要係好嘅嘢食相信再 「隔攝」大家都係會搵到😝店面普通，但入到去別有洞天，入面原來環境好闊落，配以精緻嘅裝飾和柔和嘅燈光十分舒適，好有文青feel，和出面嘅舊區形成好大對比，好似去咗另一個地方咁，幾適合三五成群一齊閒聊聚會。而且墻上貼左好多旅行嘅相片，聽講呢間cafe係好鼓勵互相分享旅行藝術閱讀等等嘅資訊, 亦會定期舉行一啲漂書相關event，等我得閑都參加下先。食物方面，下午茶價錢都算合理，因為平均都係$3x至＄5x一個餐，我地點左三個Tea set，但因為星期日嘅關係冇得配餐，要半價配飲品，變相貴左=_=我地點左一口拼盤（春卷墨魚丸火腿丸等等）配薯條（$42）擺盤都靚嘅，但味道正常冇乜特別，普通打邊爐嘅材料，春卷嘅餡係蘿蔔同蔬菜，同炸薯條一樣都唔算特別出色，會令我留下深刻印象。