二家姐正宗原味麻辣火鍋

Open Now

Now Closed

呢間係香港食過嘅最似嘅重慶麻辣火鍋，因為男友常去四川做嘢，對麻辣火鍋都有啲要求，話香港仲未食過正宗嘅味道兼比較貴。鋪頭係坐板凳，枱底有大籃放袋，可惜係今日個肚唔舒服，食唔到幾多。牛舌係雪藏貨但質感同牛味都幾好；黑毛豬肉味好夠，肉質亦都非常有彈性；鵝血鴨血喺內地一定叫，香港食過多數失望，但佢係招牌貨，點都咁都試下啦，質素似內地，好滑但係就好有韌；仲有半隻雞，係跟鍋底加78蚊，雞味濃；湯底係鴛鴦，麻辣同清湯，估唔到清湯底好鮮甜好足料喎，我地當湯飲。😂其實呢間價錢唔平，但味道正宗減左鹹，食物質素幾好，條數響返度。

嗜辣嘅朋友一定都鐘意食麻辣火鍋嗰種由一開始少少辣到越食越辣舌尖麻痺嘅感覺，諗起都覺得過癮～今次蕃薯妹有個無辣不歡嘅朋友仔帶咗我嚟二家姐試下正宗麻辣火鍋！二家姐響同一條街有兩家分店，所以座位都算充足，不過保險啲最好都book定位。當日係係weekday，蕃薯妹7:30pm左右到達二家姐，暫時食客聚咗響另外嗰間分店，大約8點之後就開始好多食客入座。裝飾好靚，好鐘意牆上嘅壁畫，望住食飯都開胃啲 座位都幾寬敞。每檯檯底都有個大竹籃俾食客放隨身物品店員都貼心提醒，抵讚～入座後店員隨即奉上茶水同埋醬油架基本火鍋需要嘅配料同醬料都有～重慶麻辣鴛鴦鍋 $128麻辣湯底可以選擇辣度，我地先選了BB辣，試咗個辣度唔夠先再加辣。呢度加辣嘅時候店員會問你要「加麻」定「加辣」呢個鍋嘅設計好特別 ，就算食到中途湯底好滾嘅時候都唔會濺入去中間小鍋。可以選擇藥膳清湯或芫茜皮蛋鍋，我選了藥膳 煲耐咗嘅藥膳湯非常好飲。雪花啤酒 $18打邊爐當然要啤一啤佢！安格斯牛頸脊（中）$168超靚嘅雪花，安格斯牛味濃，入口鬆化，好正份量亦唔少！本地頂級生牛肉（刺身）$208唔係個個都敢食生牛肉，好彩我朋友都鐘意食啫 二家姐嘅生牛肉可