Lab Eat Bistro (豉油街) (Closed)

此為自費食評餐廳需要上樓，環境寬敞舒適，工業風裝修別緻，座位多All Day Breakfast $138份量超足，大大份有炒蛋，煙肉兩大片，煙三文魚兩大片，茄汁焗豆，炒蘑菇，蒜蓉牛油多士，腸一條同沙律菜炒蛋好香好滑，有黑松露同牛乳味煙三文魚味道唔錯，唔會死鹹炒蘑菇夠香夠嫩腸既皮好脆，味道都係唔錯沙律菜配黑醋，菜新鮮牛油多士夠香夠脆，麵包鬆軟韓式椰菜花$48黎到既時候以為係炸雞，個樣好似炸過咁配韓式辣醬好夾，食落去第一啖會以為自己炸肉既皮咁一口炸雞$58配泰式辣醬，呢個係一般水準，炸粉較厚，雞唔係好入味All Day Breakfast 配杯凍Mocha 唔駛額外加錢，而且好大杯整體質素高，係旺角黎講價錢合理，係一個唔錯既聚腳點

Lab eat二訪兩次都意猶未盡，今次三訪一定要試試佢地旺角新開樓高3層，走年輕路線既「Lab Eat Bistro」。比傳統兩間大玩創意元素，玩搭簡約色調，既浪漫得黎又唔會太浮誇。你話同你伴侶慶祝生日又得，紀念日又得，就算經過無窮幻變天氣，總不分離，傷心不記起…👇📌A P P E T I Z E R -▪ Foie gras · crème brûlée - ▪ Baked portobello · kimchi mayo - ▫ 頭盤先黎呢到既招牌菜「鵝肝·燉蛋」，新鮮滾熱辣咁上枱，一食落口燉蛋做到細滑甘香，而內裡既鵝肝完全唔覺好膩，加埋脆多士一次過食，口感層次瞬間提升，相當好食；而「芝士·大烤菇」烤得岩岩好，食落啖啖都咁juicy，加埋芝士香氣迫人！📌MAIN · COURSE - ▪ Seafood · paella - ▪ U.S.A Prime grain-fed · bottom sirloin flap -▫ 主菜最鍾意佢個「特色西班牙·海鮮飯」，即叫即整，淨係睇賣相都知份量十足，海鮮飯面頭比大蝦、帶子、魷魚圈重重覆蓋住，而飯粒吸收哂海鮮湯既精華，食落鮮味十足外，仲好有

呢日同朋友慶祝生日🎂，想食好啲啲，於是認真上網搵吓有乜正嘢。我見旺角有間樓高三層嘅新餐廳進駐喎，睇見「Lab Eat Bistro」個名，我就記得幫襯過佢集團，印象中係有質素。我預先喺網上訂枱，並寫上生日要求，我先行到步作安排，但其實我都唔使出聲，店員就主動確認🙏🏻。餐廳面積好大，座位區佔兩層，裝修行工業風，簡單而不失格調。再者，餐枱之間有一定距離，唔逼夾，我哋坐得好舒服。餐廳賣嘅菜式選擇唔少，集多國菜於一身🍽，而且更創意十足！主菜定價稍貴，不過小食、配菜同甜品等就好抵食，拉上補下都OK啦。辣肉腸白酒煮蜆($78)，煮蜆以砵仔盛上，氣派十足。蜆一啲都唔細隻，而且仲非常肥美鮮甜。白酒汁亦係精華所在，配以洋蔥絲同辣肉腸一同煮製🥓，而酒味就香而不嗆。鵝肝燉蛋($68)，呢款前菜好特別，鵝肝同燉蛋分別食得多，但夾埋一齊就比較罕見。兩者溝埋食毫無違和感，燉蛋嘅甜味襯托出鵝肝嘅鮮味。佢配以多士脆片作伴🍞，比起單獨食更佳。牛腹扒($288/8安士)，牛扒有四個部位可選🥩，各有特色。店員介紹牛腹位置算係肌肉位，肉味比較濃，亦不乏油香，建議熟度為三成至五成，否則驚變得難嚼。牛扒肉身呈粉紅色，符合我哋要求

十月一號，勞工假期。難得同女朋友一齊放假，一定係帶佢去搵好嘢食啦🥰基於我女朋友就比較麻煩同揀飲擇食，帶佢食嘢肯定要做好功課先啦🥲見呢間餐廳係旺角都開咗一段時間，網上食評都唔錯，就將佢歸納係 waiting list入面，睇吓女朋友幾時寵幸下啦🥳當晚18:45左右經過餐廳就見到有兩三檯客係門口等候職員安排入座，女朋友就話不如試吓佢。就係咁我就排隊問門口職員 冇訂位會唔會有位啊？佢都好有禮貌咁叫我等等 佢帶埋門口訂咗位嘅客人 再幫我睇吓有冇位 冇就要等到20:15😆好好彩 我哋唔洗等到20:15即時就可以入座🥳餐廳環境同氣氛都係可以接受，當然唔可以同好高級嘅餐廳比較啦！🤣 反正係比上不足 比下有餘😌 隔離枱有兩個人音量比較大，可能因為咁都比較嘈吵😵‍💫 幸好佢哋已經完成用膳，冇幾耐佢哋就離開😪另外，職員方面我覺得白色恤衫嘅一男一女，服務態度非常好 會主動問你有咩需要同介紹菜色👍 但有好幾個藍色衫嘅服務員，我覺得佢哋嘅服務態度有待改善🙂佢哋餐廳上菜速度較快，我哋坐二人檯嗌咗兩個set同一個頭盆，張檯唔執嘢係唔會夠擺！😩但有幾次藍色衫上菜時，我哋餐湯同頭盆已經食定飲完，佢哋都冇幫我哋執嘢！我哋

今晚去咗旺角shopping，見到有間新開既法式餐廳Lab Eat Bistro，就試下佢啦。首先，來一個前菜🥢鵝肝燉蛋 ($58) - 鵝肝肥美豐腴，燉蛋嫩滑。 將兩者放在一起，加上焦糖面作balance，為圓滿的一餐開個甜頭🥢一口炸雞 ($58)- 雞肉外脆內軟、鬆化可口、肉質鮮美，配上韓式醬汁惹味可口🥢牛腰扒 ($238) - 來自牛的前腰部位，肉質比較鮮嫩，牛味濃郁，推🥢中式甜醋牛面肉 (208) - 牛面肉故名思義即是牛面珠登，每隻牛只有左右一對，故市面不容易買到，牛面肉的口感豐富，厨師用中式甜醋慢煮，肉味更香濃，再配上香滑的薯蓉，更增風味🥢韓式椰菜花 ($28) - 新鮮椰菜花配以甜辣韓式醬一齊食，十分惹味🥢煙肉粒炒椰菜仔 ($28) - 椰菜仔用煙肉粒來炒，十分香口🥢紅酒 Badet Clement Seduction Pinot Noir ($68/杯) - 幾順滑，這價錢算是不錯的選擇🥢白酒 Schiopetto Pinot Grigio ($68/杯) - 有少少果香，整體好balance🥢熱鍋上的布朗尼配凍冰冰雪糕 ($68) - 布朗尼是用鐵板上的，還付上熱

今晚去了旺角一間餐廳「Lab Eat Bistro」食晚飯這間餐廳提供「特色創意料理」，我們叫了1️⃣ 鵝肝燉蛋 $58🥚 鵝肝燉蛋 其實是將鵝肝加入焦糖燉蛋，放在一片片脆口的吐司上，估唔到咁夾，值得一試2️⃣ 一口炸雞 $58🍗 炸雞整得好香脆，配上自家製甜酸醬，一個不錯的開胃前菜3️⃣ 牛腰扒 $238🐂 牛腰扒 脂肪比例較低，肉質非常鮮嫩，口感軟滑細緻，怪不得見到附近有幾枱食客也叫了這道菜式4️⃣ 中式甜醋牛面肉 $208🐮 牛面肉 配上中式甜醋，令肉質變得更鬆化，而且一點也不油膩，食落口都感受到好嫩滑5️⃣ 韓式椰菜花 $28🥦 椰菜花 配上韓式醬汁烹調，味道又幾好6️⃣ 煙肉粒炒椰菜仔 $28煙肉粒炒椰菜仔 簡簡單單又好味7️⃣ 紅酒🍷 Badet Clement Seduction Pinot Noir $68/杯8️⃣ 白酒 Schiopetto Pinot Grigio $68/杯9️⃣ 熱鍋上的布朗尼配凍冰冰雪糕 $68布朗尼配上雪糕及朱古力醬，賣相相當不錯，食落口又有層次感，值得推介