韓讚 (Closed)

同大胃王細佬食飯最好食放題，呢間韓式放題好乾淨坐得又舒服，一掃星期日晚落雨既抑鬱感🥳想食咩就寫低，俾職員落單，即叫即整！野飲自己去雪櫃拎，全部都係韓國樂天罐裝飲品比如忌廉溝鮮奶、檸檬茶（個人最中意，甜酸度咁多種牌子最適中）仲有芒果汁同啤酒🍻烤肉係勁好味😋三層肉烤到金黃色邊勁正，配一開始上既泡菜食，再加上熱辣辣既泡菜豆腐湯，有幾重既口感～烤黑豚肉，肉本身有醃好先烤，上面再鋪芝麻～韓潮炸雞🍗雞脾肉好嫩，出面皮就炸得好脆，再點韓式甜辣醬，配埋啤酒一流～韓式炒粉絲 呢個我俾極力推薦，上菜時仲熱騰騰，粉絲同配菜炒得岩岩好，有鑊氣，中意食辣既可以自己加泡菜食，或者將炒年糕既汁撈埋一齊食，事關個辣醬炒年糕惹味得黎，會愈食愈辣，好過癮！紫菜胡麻豆腐見到係咪都好吸引呢，簡單但好食既菜，食咁多烤肉辣野，岩曬食呢個凍滑研腐下火。同細佬研究左好耐究竟咩係雜錦BB飯,最後決定食左先講，原來係韓式撈飯，有煎得好靚既太陽蛋，仲有菠菜（撈飯點少得佢）撈埋韓式辣醬，細佬自己一個ko曬一碗👌🏻最後食埋個甜品🍨士多啤梨雪糕有果肉，匙仲要係櫻花🌸圖案，清足曬我既少女心😂❣️

今日同朋友去左銅鑼灣維園行花展，行完就去附近覓食，去左渣甸街食韓國野，叫韓讚，朋友話好肚餓，所以揀左食放題，成人$238，但今日星期六每人要加$20，韓國飲品任飲，食品即叫即整。飲品自取，我飲左石榴汁、朋友飲芒果汁。食物先叫左韓風牛仔骨、辣醬炒年糕、柚子雞翼同人參雞湯。食物真係超快到，店店都新鮮熱辣，值得一讚。炒年糕味道濃又有少少辣、牛仔骨就偏咸、雞翼炸得好脆裡面充滿肉汁，味道淡淡的加上柚子醬剛剛好、人參雞湯竟然有半隻雞，裡面有少少飯，湯都好味。第二輪叫左明洞炒雜菜、韓式炒粉絲、同韓式冷麵。份量都好多，都食唔到幾多就飽了。炒雜菜有西蘭花、菇、椒，都好味；炒粉絲係我食韓國菜必點，炒得乾身好味；冷麵個樣都幾吸引，不馬虎。最後叫了甜品，綠茶雪糕窩夫同士多啤梨雪糕窩夫。窩夫超脆，士多啤梨雪糕裡面好多士多啤梨冰，酸酸甜甜好好味。