明記海鮮潮州菜館 (天保大廈)

Open Now

Now Closed

聽講明記有做海鮮加工，襯老友係外國返黎，一於試試佢。係荃灣，買海鮮，唔使講，一定係楊屋道。魚蝦蟹、貝魷鮑、蟶螺墨，咩都有最後決定：蝦蟶魚貝魷椒鹽瀨蝦王惹味先開胃豉汁大蟶子米底煎得脆游水東星斑肉嫩剛甩骨扇貝開邊蒸心機交到貨黃金鮮魷魚啤啤好朋友咁少邊夠食仲有韮菜併豬紅潮洲蠔仔粥埋尾黎個啫啫通菜煲酥炸鮮蠔餅地區飯店，煮餸有心機，蒸魚時間掌握得好好，完美地帶出東星嘅嫩同滑；扇貝肉會界刀分一半，減低蒸嘅時間，保留貝嘅鮮味，大廚有料到！👍🏻大滿足，下次再食

如果想食螄蚶、黃酒雞，第一時間就會諗起「明記」。秘製凍螄蚶（$128）保持水準，醬汁酸酸甜甜，螄蚶肉鮮味。客家黃酒雞（半隻）（$160）湯底酒味濃，材料足，雞件滑，夠哂補。鹵水鵝（$148）份量適中，啖啖肉，冇咩骨，鵝肉唔嚡有咬口，鹵水味唔過咸。豆腐花生墊底。韮菜豬紅（$88）大大碗，粗略估計都有廿粒以上。豬紅有質感唔會一夾就爛，調味醬汁夠哂濃，微辣。少量韮菜有啲韌。菠蘿咕嚕肉（$118）豬柳條啖啖肉，肉質軟腍，無骨，青椒紅椒加菠蘿，味道正常。豬油渣蝦乾生炒菜心苗（$118）火喉差少少，冇乜鑊氣，少少偏濕、偏油膩。1L大凍檸檬茶（$36）超大杯，用大啤酒杯裝。另收加一服務費，沒有茶錢，但有一碟小食（$20）。星期五/六，用餐時間2小時。