拉麵天王

Open Now

Now Closed

紅磡德民街兩條小街有一列餐廳，巷仔搵到呢間拉麵小店，裝修幾靚店面乾淨企理。拉麵選擇係經典嘅白赤黑三款，外加沾麵同限定總共五款，麵可加配料，另外有幾款小食。白天王係最經典嘅豚骨湯底，揀咗淡味食落冇咁滯但麵條一樣掛到湯，湯頭揀淡味飲落依然有好豐富充滿層次嘅味道，果然花咗嘅時間同食材係飲得出。呢碗好滿足。沾麵用嘅湯頭係豚骨魚介湯，飲落係比起白天王外加咗層鮮味嘅感覺，用嚟沾麵好夠濃郁，想飲嘅話單飲會好咸建議食曬叫加湯先飲。小食餃子同唐揚正常，豚角煮比較少見到幾特別值得試吓

紅磡黃埔嘢食多，但一諗又會唔太諗到食咩，如果想食拉麵，就可以試下呢間「拉麵天王」～-————白天王拉麵 $75 白天王拉麵係每日用新鮮湯底淆製而成，而呢間同樣可以俾我哋揀「濃淡度」、「軟硬度」、「幾多香油」要唔要「䓤」同「香油叉燒」，最鍾意有得揀🤣不過有好有唔好，好似我今次揀咗淡味，明顯味係淡咗，但你話淡得嚟好好飲😲？又好爭啲🥸，反而淡咗之後舌尖嘅感覺清咗，但落喉嚨之後都有有啲「確喉」嘅咸味後期，會口渴同變咗少少得咸字但豬骨味唔濃。😵唔識講🤣可能叫返正常湯底好啲因為有得揀之下，麵質係好啱心水，外貌合格有餘，見到都幾開胃，飲落湯底反而同平時嗰啲唔同，下次試返正常濃淡會好啲~🤣————-——沾麵並盛 $95 （小編推介🌟）沾麵係鰹魚嘅魚介湯底，反而好有驚喜😳連平時鍾意豬骨湯底嘅我，今次都撐鏗魚魚介沾麵湯底，就咁試沾麵汁一入口鏗魚味超級香濃，真係超香😭重點係魚香重之餘唔會覺得好咸，沾麵食好正。唯一爭啲係佢上嘅時候唔似其他嗰啲會滾到起泡泡🗯️不過溫度都夠熱。————-——餃子感覺普通，冇想像中咁驚艷（係有5件不過我偷食咗件，hehe）推薦：🌕🌕🌕🌑🌑性價比：🌕🌕🌕🌘🌑

原來哩間野已經開左幾年 今日先有機會試我同男朋友都各自叫左限定拉麵🍜分別係胡椒拉麵同櫻海老拉麵胡椒拉麵topping會伴隨啲芝士芝士同湯混爲一體後更惹味胡椒湯好暖胃 味道比一般拉麵來得特別 櫻海老湯底係豬骨湯餃子略嫌少少硬芝士年糕夠熱 好軟熟

今日到紅磡邨找朋友，先來相聚午餐吧，經過德民街見到有間幾有日本feel的拉麵店，不如入去試吓吧先看看餐牌，有四大類拉麵可供選擇，為食的我見到有「限定天王」，便急不及待向店員查詢這是什麼的拉麵，原來今期是「胡椒天王」拉麵，等我試吓先，另外口味、麵質、叉燒、葱、香油，亦可以隨個人的口味自行選擇天王到了，急不及待喝了一口湯，豬骨濃湯的湯底帶着黑胡椒的香味零舍惹味，日式的味蛋是我10分喜愛的食物，尤其他們能做到糖心蛋的效果，隨後將芝士伴上拉麵一起吃 yummy yummy還點了份烤餃子，餃子煎得好香還很脆，大大隻又飽滿(溫馨提示：餃子內很熱的，要小心食哦)枱上還有配菜可供客人隨意添加店內個feel幾似向日本街頭食緊拉麵

今日同朋友去紅磡小巷既拉麵天王醫肚,天王細細間店鋪大概坐到30人,店面企企理理,位置唔會太迫店員超有禮貌會同客人講下麵既唔同,唔會嚴你麻煩,感覺唔錯~拉麵有四種,價錢最平有白天王~話說係豬骨濃湯底,仲有貴10蚊既赤天王同黑天王,一個係微辣豬骨濃湯,另一個就黑蒜油豬骨濃湯。假如想試下新鮮感,可以點限定天王,今期係蕃茄麻辣湯底~ 小食方面,有芝士年榚,日式煎餃,仲有散叫既叉燒,黑木耳,紫菜,蔥花,椰菜,半隻/一隻溏心蛋。店檯上每張都有冰鎮檸檬水飲,可以唔洗叫汽水都得。不足既係小食款項太少,因為麵本身就有少量叉燒,黑木耳,紫菜,蔥花,椰菜。朋友叫左赤天王拉麵($79),首先講下佢個湯底,大家唔好比湯底既色澤嚇親,其實味道同個色澤係成反比,因為辣度唔高,亦都好香,只係有微辣,唔食得辣既你都可以試下。第二係佢既麵質:佢係可以符合任何人既口感,揀你所想。因為佢係有5個levels比大家選擇 ( 很硬,硬,普通,軟,很軟 ) , 呢一點做得十分好。最後係佢既配料:碗麵係有溏心蛋,日式叉燒,條狀黑木耳,少量蔥花;溏心蛋: 咬落去唔會有種好稠既感覺,而係有種柔軟既感覺。日式叉燒: 軟身既日式叉燒撘上一啖

早兩天收工，跟同事到附近拉麵店吃晚餐，本來一般晚餐都不會寫下來，但今天這碗拉麵很值得。這間在紅磡小巷，門面很日式的拉麵店，內裡其實也是少少的，估計容納到不多於二十人，但裝潢真的挺有日本風格。店員推介限定天王，最近有的是櫻海老天王，光聽名字已經很吸引，便決定了這個，而愛辣的同事則點了赤天王。櫻海老天王一上枱，便傳來一陣陣蝦香，仔細一看，材料有生櫻花蝦、櫻花蝦乾和蝦子，難怪香味這麼濃。先喝一口湯，十分鮮甜，有點像日式蝦子麵,麵質軟硬適中，有點咬口之餘又不會太硬。而櫻花蝦及蝦乾得細，單吃沒特別，但混在麵中能夠豐富麵的口感。而拉麵必吃的叉燒雖沒櫻花蝦那麼驚喜，但都做得很好，不會太硬，屬好吃的。這個芽菜得好吃，少少辣，十分開胃，忍不住吃完又吃。朋友的赤天王，他說辣得到位，湯與麵很配。之後追加了2個小吃，這個餃子煎得十分香口，包著滿滿的肉和菜，比例不錯。但真的很熱，要小心吃。最後便是芝士年糕，本身已經吃得很飽，有點後悔點了這個。但先咬一口，又沒有很膩的感覺，香香的芝士慢慢流出來，愛芝士的必吃！這個只是打算來填包肚的晚餐，想不到這個櫻花蝦會為我帶來驚喜！期待下一次的限定天王。

本身係紅磡等個朋友放工，點知因為OT，一直等到八點！真係激氣呀太餓喇，連原本book咗嘅餐廳都要取消，係附近醫肚就算喇！盲中中就去咗呢間拉麵店小店身處隱蔽嘅小巷，幸好附近都有不少食店先有機會搵到！拉麵只有三款固定，其中一款係隨時節而定今期就係櫻花蝦喇！既然唔係成日有得食，心郁郁唔想錯過就叫咗喇！麵就要咗普通硬Order完師傅就幫我開工煮喇櫻花蝦叠到好高呀櫻花蝦係脆脆地，又有小小鹹香櫻花蝦加埋啲拉麵食！湯底唔算杰身，但味道仍然好夠，我仲加咗小小醋，味道會更出嫁仲有小小雜菜、叉燒同半隻溏心蛋添！麵底有彈性同掛湯能力都不俗另加嘅木耳絲好爽口，加埋落去拉麵度口感更好！加埋啲辣辣芽菜，一流！好爽口，凍凍地又辣！開胃呀太濟嘅時間飲杯檸檬水fresh一下！小食仲叫多咗隻蛋同餃子！溏心蛋效果做得唔錯，蛋黃仲係暖暖地餃子嘅CP值都幾高！5大隻，餡（椰菜同豬肉）又夠！煎得香啲就仲好！今餐真係食到飽晒，眼見人龍不絕，果然好食嘅，就算係置身小巷都吸引到人呀