澳瑪葡國菜 (Closed)

今日聖誕黎依間Alma 食🎅🏻不過係成一星期前book 位見佢位置咁好 個樣又幾high class好在book 咗位 唔洗等咁濟個海景真係好靚好多情侶坐窗邊位🌌一睇餐牌上嘅價錢...💸叫咗- 香蒜白酒炒青口- 橄欖油蒜片蝦🦐- 炭燒黑安格斯西冷牛扒10oz🥩- 葡式焗鴨飯  配 風乾腸- 慢煮和牛肋肉寬條麵- 香蒜炒西蘭花🥦- 2碗白飯🍚平心而論...冇樣野覺得好食- 個青口超鹹- 個蝦冇乜特別 輕微辣辣地咁 隻蝦size比相像中細- 牛扒稍為好少少 但係成$258先咁嘅水準真心唔抵食- 啲西蘭花超硬- 啲飯硬到一舊舊 好似飯焦咁- 仲要個waiter上碟蝦嘅時候整跌咗成盤野 連枱上面隻破璃杯裂咗 好在冇整親/整污糟人唯一係個waiter都識補救 即刻攞紙巾清潔 再上過另一碟俾我地- 服務人員係有禮貌不過多數係後生仔女 睇落經驗不足 俾唔到啲high class餐廳應有嘅服務品質😐簡單黎講佢貴 唔值 唔特別好食唯一海景靚 同餐包外脆內軟

本來係想食日本嘢，但太晏先等位，大多人應該有排等，所以真係求其揾間唔駛等嘅，就坐低左了。心唸心，都唔好有期望，無乜人即係。。。。。心照紅菜頭沙律，有驚喜喎，幾好味，不過係無“no”暈沙律醬啫。萄國雞，半隻，無乜肉食，不過都算有驚喜，肉唔夠滑，但夠味，香草補夠到。炸馬介休，可能我誤會點解有骨嘅？一坐低就有嘅餐包，麻麻地，如想唔叫太多嘢食或點汁先食囉，唔好浪費quota茄醬西班牙火腿煎蛋，都有驚喜， 幾夠味，好香，全晚最值得食嘅小食唔記得個名，只知有分有酒精同無酒精，我地2款都有order。整體個價錢都算合理百零2百一個。同埋都算好味。。。。比想像中

若非到澳門，小人平時在港是少吃葡國菜的。上周跟友人身在尖沙咀，巧見澳瑪，入內一試。甫坐下，侍應火速送上餐包。然而麵包只是微溫，不夠熱。葡菜必點的馬介休球炸得酥脆，薯茸內吃到馬介休絲，帶魚的咸香。葡式肉腸煎蛋口感似煙肉粒煎蛋，好像是吃著早餐，整體偏油膩。反而葡式肉腸焗鴨肉飯和霹靂炭燒春雞乾了些。飯上的肉腸煙煙靭靭，長身的飯粒混入鴨肉，嚼勁甚佳。燒春雞面略焦，肉是嫩的，肉汁不算多，一定要蘸點隨上的辣汁才有味。望著無敵海景食葡菜，環境居功不少。