La Famille (Closed)

la famille蛋糕好多人都食過～不過堂食又真係第一次～！😋​適逢上星期朋友生日，剛好待在CWB無嘢搞，於是就拉佢去la famille銅鑼灣店食Cake！☺️​勁鍾意la famille嘅蛋糕！細細隻，又唔會好甜，一個人KO晒成個都無問題！多幾個fd，仲可以share幾款口味！正！​佢哋銅鑼灣分店，仲要係4間店中唯一設有堂食嘅，裝修以金啡色為主，感覺好華麗呢！影相幾靚架！▲喺金碧輝煌嘅環境下食Cake，感覺好貴氣！▲櫥窗內有勁多款蛋糕，令人花多眼亂！▲唔打個卡，對自己唔住呢！（笑-v-）​✦日本柚子戚風蛋糕 呢款味道勁清新，入面有爽口嘅日本柚子肉，清香得嚟帶少少酸甜，好開胃。​✦英國伯爵茶戚風蛋糕 我最鍾意伯爵茶，呢款蛋糕茶味好香濃，加上戚風蛋糕鬆軟嘅質感，令人一試即愛上！係我最愛嘅口味！😝​✦皇牌士多啤梨戚風蛋糕 蛋糕上係日本士多啤梨，外型勁sweet，勁少女！不過，相對嚟講，隻味唔算話好特別。​✦西瓜玫瑰巴伐利亞 西瓜玫瑰口味好清爽，另外水晶花環果凍配果味慕絲，味道好有層次，而且打卡勁靚！​✦香印青提巴伐利亞呢款用咗時令嘅日本香印提子做，勁好味！🤤另外個水晶花環就同西瓜玫瑰差不

呢間蛋糕店已經食過幾次，無論係朋友生日定係自己有時想食蛋糕都會買呢間蛋糕店的蛋糕黎食，因為細細個唔怕食完會好飽!今日lunch同同事行開附近，突然心血來潮想買黎同同事一齊食，於是就買左幾款唔同味的蛋糕返公司一齊開心share!原來位於耀華街呢間蛋糕店還有堂食，如果唔係要返工，我都會想係到慢慢嘆茶或咖啡，慢慢品嚐蛋糕!瀨戶內檸檬蜂蜜($54)，呢款之前一直未有機會試，今次終於都買左黎試下!蛋糕好香檸檬味，唔會好甜，上面的馬卡龍也是檸檬味，估唔到個馬卡龍都係唔甜的，好清新!香印青提($60)，呢款戚風蛋糕是新出的，初初見到個蛋糕係綠色以為會係斑蘭味，點知竟然都係青提的味道，好清新好香，而且唔會係藥水味，重點係唔甜的!上面的香印青提都好清甜!和茶三色($54)，呢款係我同同事最中意的味道，蛋糕有3種唔同的茶味，而且係分別食得出的，分別有抹茶、焙茶和伯爵茶的味道，而蛋糕面有抹茶醬，令抹茶的回甘味更出，岩哂喜歡茶飲的朋友!英國伯爵茶巴伐利亞($49)，這款蛋糕即係個賣相已經好吸引，蛋糕上面啫哩的部分有食用花、橙和士多啤梨同藍莓，而下面幼凍的位置是好香濃的伯爵茶味，這款蛋糕用黎影相呃like最岩!

之前都已經好鐘意食呢間店既戚風蛋糕，未入去前係因為俾店內環境吸引而停低腳步，事關佢裝潢華麗，採用左foodpigss🐷🐷最愛既雲石枱😍，然後入到去一望蛋糕櫃見到一個個高身玻璃蓋蓋住一個個戚風蛋糕先發現原來係la famille啊😱，一排無食，原來已經開左新分店有得堂食，可惜🐷🐷自己一個，但一場黎到又無咩可能唔食，所以都係拎走算🙍🏿‍♀️由於戚風蛋糕已經試過，所以今次見有從未食過既巴代利亞（Bavarois）就買兩個黎食下巴伐利亞，係源自於歐洲十九世紀既甜點，而la famille 更採用有機既食用花，令到甜品外觀更優雅且吸引😍士多啤梨巴伐利亞（$46）上面既啫喱係香檳味，裡面係有真既士多啤梨，同下層既士多啤梨慕絲一齊食真係入口即溶又好match☺️香印青提巴伐利亞（$46）唔係普通提子製成咁簡單，而係用左大大粒即香印，食落好fresh👍🏻，仲覺得好grand🤪，個人較推薦呢個整體而言，la famille真係有信心保證🤣，食過幾次都覺得無失望