添好運點心專門店 (Closed)

添好運點心專門店, 是米芝蓮的常客, 廣華店曾經連續四年得到一星, 深水埗店一樣是連續四年得到一星, 而新開的大角咀店, 也成為必比登之選. 至於北角店, 去年是必比登, 這一年就跳升成為一星店了.是日自己一個人來到北角吃午餐, 就選了添好運這家一星店. 午市, 當然人山人海, 不過也不用等位. 環境方面, 當然不能有甚麼要求, 但就算是幾簡潔的.鮮蝦菜苗餃 $22: 8分, 先來客鮮蝦菜苗餃吧, 添好運的蝦餃是有水準的, 而新出品鮮蝦菜苗餃也是不俗的. 蝦餃皮夠薄身, 餡料是蝦肉配上菜苗, 蝦肉帶有鮮味, 幾爽口, 跟上菜苗之後, 會是健康一點的選擇.香滑馬拉糕 $15: 8分, 想飽肚一點的話, 就來客香滑馬拉糕, 一個人吃一客, 真豐富. 是幾有豬油香的, 很香口, 馬拉糕的質感很鬆軟, 氣泡明顯, 其實是我來添好運的另外一款心水.酥皮焗叉燒包 $18: 9分, 最後, 當然不能缺少的是酥皮焗叉燒包, 是日再吃, 水準依然是頂班的, 剛剛焗起, 熱辣辣, 帶點燙口, 面頭的酥皮很香脆, 而包身亦很鬆軟. 入面的餡料方面, 叉燒肉質不俗, 不會太實. 一個人連吃三件, 也不會覺得太

聽聞「添好運」係北角開咗分店, 另一半好雀躍, 要第一時間去試下...10點幾去到, 唔使等位, 直入... 門外有一排櫈比排隊嘅人坐, 我地今次用唔著...快餐店格局, 光潔鮮明, 招牌開放式廚房, 坐得近嘅客, 唔知會唔會覺得好熱嘅呢... 座位都相當迷你, 叫多幾個點心都放唔落...酥皮焗叉燒包 -- 必吃招牌菜!!! 脆脆嘅外皮, 包住甜美嘅叉燒餡料, Yummy~ 可惜餡料太少, 薄薄的一層, 有點美中不足...香滑馬拉糕 -- 招牌菜, 味道甘甜, 鬆化可口, 正!!!潮州蒸粉果 -- 招牌菜, 同出面d酒樓比較, 呢個點心嘅分別最明顯, 能夠明顯食得出切成方塊狀嘅白蘿蔔西芹花生, 真真正正有芹菜味, 餡料唔係一舊糊咁, 好味!!! 比個讚你!!!鮮蝦燒賣皇 -- 招牌菜, 蝦肉爽口, 豬肉鮮味, 以杞子點綴, 感覺好養生, 好味~黃沙豬潤腸 -- 同樣係招牌菜, 比之前幾款失色好多, 豬潤很少, 硬而無味... 好記得上次係深水埗包VIP房食私房點心, 一嚐佢嘅招牌菜黃沙豬潤腸, 非常美味, 質數拍得住西苑... 可惜今日滋味不再~問到職員呢度有冇提供私房點心嘅VIP房

6月24日, 平民米芝蓮港式點心添好運真係好巴閉~ 預咗起碼要等一個鐘以上先食到, 但試過拜會旺角總店卻於下午4點已經宣佈派晒籌, 連等位嘅資格都無! 自此之後每次經過佢門口都無不被那大批人潮嚇親… 深水埗同中環店都唔就腳… 等呀等卒之等到北角店開張~ 決定要神心地約埋媽媽同妹妹一行四人嚟排隊飛! 今次, 終於等到喇!::: 酥皮焗叉燒包 ::: $17嚟呢度唔食過佢嘅鎮店名物酥皮焗叉燒包真係唔好話食過添好運! 基本上每枱食客都一定會叫一客, 亦因為咁所以店方一早嚴陣以待, 酥皮叉包供貨量極之充足, 可謂長叫長有, 源源不絕新鮮出爐~ 不過可能製作模式已經太系統化而忽略品質檢定, 有d包個酥皮都未上好色, 白雪雪咁都照上碟, 賣相扣咗少少分. 不過新鮮出爐, 豈有難食之理? 面層酥皮焗得香脆, 包身鬆軟, 叉燒餡肉汁豐腴, 鹹香有致甜度適中, 認真皮薄餡靚~ 果然名不虛傳!::: 晶瑩鮮蝦餃 ::: $22蝦餃都幾細粒, 但皮夠薄, 除咗望落夠晶瑩透出粉紅蝦肉外, 亦意味餡料亦不孤寒~ 煙韌粉皮內係粒粒爽口彈牙嘅鮮蝦! 成粒食一口咬下爆出鮮蝦肉汁, 真係好食!::: 陳皮牛肉球 ::

「添好運」愈開愈多，由旺角的陋巷、深水埗的茶居、以至中環高貴地段 IFC，分店開完一間又一間，但屈指一數，筆者還只是來幫襯過一次咁大把，點解咁少？ 熟識本人性格的都應該知道，筆者天生懶惰成性，縱然嗜吃如命，但要排隊就免問。就算平日外出用膳，筆者也總愛找非繁忙時段才來光顧，免卻等位輪候之苦。自從知道「添好運」將進駐北角後，就一直十分雀躍，希望找個機會去重温那個招牌酥皮叉燒包。適逢這天來北角辦點事，做完後，看看腕錶，咦，時間尚早，一於拉埋老公來「添好運」喝茶。座落於北角城市花園毗鄰的「添好運」，佔地約二千呎，店面算大，但門面裝潢欠奉，而且座位十分擠迫，幸好這天雖然客人甚眾，但氣氛依然一派悠然自得，兩口子亦樂於享受着這份悠閒。看看墊檯紙及牆上所介紹的點心，一於從兩樣最受歡迎的點心開始吃起：酥皮焗叉燒包 ($17) 及香滑馬拉糕 ($14)。一碟三個的酥皮焗叉燒包，每個一口大小，活像一個迷你的墨西哥包般。吃上一口，餡料偏少，感覺有點偷工減料，可幸外層的白滑酥皮，香脆酥化，入口不太甜兼帶有牛油香，麵包鬆軟，而稀少的叉燒亦香甜有咬口，難怪一直被譽為是城中數一數二之作。至於端上來時，還是新鮮熱辣的