HeSheEat (THE FOREST)

Open Now

Now Closed

和朋友旺角行街，見依間門口勁多人買牛角包雪糕打卡，好奇望多兩下，就俾朋友拉左入去食。美食選擇幾多下，價錢都好貼地，入內環境乾淨舒適，甜品好吸引，樣樣都想食。和風大蝦牛油果沙律 $98新鮮沙律菜大堆，仲有大蝦、牛油果、日式醃蘿蔔，健康又美味。底汁用柚子醋沙律汁調味，清爽酸甜，開胃又不膩，唔錯。香煎比目魚伴蜜糖芥末薯仔 $152魚皮煎得香脆，魚肉雪白軟滑多汁，配埋蜜糖芥末醬，甜甜地好好味。仲有新鮮沙律菜、香甜薯仔和多汁的車厘茄伴碟，perfect。宇治抹茶士多啤梨鮮奶 $56抹茶鮮奶口感甘香，搭配抹茶雪糕，增添層次感。杯底的士多啤梨醬果粒香甜，與抹茶的結合，帶來雙重味覺享受。士多啤梨麻糬梳乎厘班戟配士多啤梨雪糕 $128梳乎厘班戟鬆軟，蛋香濃郁，空氣感十足，好有水準。頂層放左粒士多啤梨和奶醬，配一塊口感軟糯的麻糬，甜而不膩，好食。(宇治抹茶、紅豆、白玉) 特濃5.0牛乳軟雪糕芭菲 $68牛乳雪糕口感綿密，奶味濃郁，灑上抹茶粉增添甘香。杯底的紅豆、白玉、脆米和抹茶忌廉，口感豐富多樣，食得滋味。

今晚同朋友去旺角行街 正好晚餐時間🔎我地正好係商場附近見到這間新開的CAFE-HE SHE EAT📍原來以西餐及甜品為主，決定一試📝-樓底幾好，環境以木色幾主，幾岩一班朋友聚會🤎食物方面，今晚同朋友想食甜品為主🍧所以叫左幾樣野一齊SHARE～我地首先點左煙三文魚柚子沙律🥗呢個係幾開胃 酸酸甜甜 份量都幾多 做前菜岩晒同埋蔬菜都幾新鮮的🧡-主食方面點了香煎比目魚伴蜜糖芥末薯仔🥔最驚喜係蜜糖芥末薯仔🍯甜甜地真係幾好食比目魚煎得剛剛好，皮夠脆身呀❎如果份量再多少少會更好!-到左期待既甜品，首先點左北海道5.0芭菲（朱古力）朱古力控要試呀🍫牛奶雪糕好濃味同CREAMY 好香口🍦幾大杯 個底仲有朱古力餅碎 有咬口😋不過係偏甜的❗️呢個要留意呀!-我地再點左原味梳乎厘班戟🥞呢個要預時間等食落真係滿滿空氣感 而且唔會太甜🍽糖漿可以自己揀份量 PANCAKE 控必試呀🧡-最後飲品點左Homemade strawberry mojito🍹飲品反面就正常之選，味道偏淡‼️如果再濃味少少會更好!-係幾岩女仔同甜品控的餐廳 甜品選擇幾多🍨不過甜品製作需時 如果趕時間要留意⚠️