Sky726

Open Now

Now Closed

慶祝生日當然要搵一間有情調的西餐廳☺️係旺角間Sky726有好多人比好評，環境浪漫之如坐得又舒服。天空的顏色好靚😍剛好是日落的時候到達餐廳，又剛好坐靠近窗邊的位置，可以邊欣賞美景邊享受食晚飯😋😋餐廳中間的位置有調酒吧。香煎美國頂級安格斯西冷扒 $338西冷扒點了5成熟，大大塊扒，筋位不多，有薯蓉、蘆筍和蕃茄仔作裝飾。燒慢煮16小時辣豬肋骨 $258擺得靚靚，岩晒打卡影相📸️切開後有4條豬肋骨，肉質嫩滑，醬汁又不會太辣。炸薯角炸得很脆口。脆炸魚手指件他他汁 $85即叫即炸，炸魚柳炸得香口，不油膩，以小豆苗作配襯中和油膩感，整個視覺上顏色配搭很好。最欣賞的是為客人準備了壓檸檬專用器材，不用弄污雙手。扒雜茶配四川辣椒蕃茄醬意大利粉 $138很特別的配搭，中西合璧的味道。醬汁是四川辣椒椒蕃茄醬，帶少少微辣，配搭不同香料，更加惹味。餐牌如下。

又到咗慶祝紀念日嘅日子當然要揀一間超有情調嘅餐廳啦呢間Sky726簡直係情侶撐枱腳首選呀! 室內掛咗藍色嘅吊燈, 好似置身於星空下, 加上餐廳位於高層, 旺角夜市嘅景色盡在腳下, 有氣氛又有格調☺️沙律加咗溫泉蛋, 以溫泉蛋當一個醬汁, 食起來有滑捋捋, 第一次咁樣食, 好新奇另一半都鍾意食薯角熱辣辣上枱, 外脆內軟, 值得一讚嘅係就算凍左少少食, 都仲非常脆卜卜! 至於主菜嘅黃油雞, 面頭鋪滿七味粉, 惹味肉質嫩滑, juicy牛扒面烤至微焦, 上枱好香燒烤味, 配菜都絕不馬虎, 薯蓉奶油味重, 好香好creamy奶凍非常啱我胃口! 甜酒嘅微苦中和咗奶凍本身嘅甜, 加上面層嘅酸酸甜甜嘅水果作點綴, 提升咗成個甜品嘅層次, 果然越簡單嘅越考功夫, 超有驚喜最後附上餐牌供參考

咁啱見到Openrice同Sky726做緊promotion, 所以就一試同男朋友慶祝紀念日～餐廳喺26/F高層, 可能因為book咗枱關係, waitress安排我地坐窗邊位, 可惜樓下街景唔算太吸引, 但有落地大玻璃喺身後, 感覺不錯。🔸三文魚慕絲很濃三文魚香, 泡沫好棉滑。作為餐前小食好聰明, 因為食咗少少泡沫入口又無咩實感落肚, 令人更加肚餓, 好期待之後嘅食物🤣🔸餐湯及餐包餐湯只係普通忌廉湯,普通水準餐包上枱微溫, 如果再熱D就好了🔸香煎煙燻慢煮北海道帶子全餐飯我覺得最出色係個前菜！帶子煎得啱啱好,半生熟嘅狀態, 外層輕微焦脆, 內層軟軟的, 好好味！仲要每人有兩大粒, 份量很足夠！底下的泥蓉亦很特別, 男朋友食到淡淡嘅栗子味, 我都覺得有D似平時飲湯食到嘅栗子加薯仔, 雖然最後無查正係咩, 不過配搭上不錯。🔸迷你水牛芝士沙律水牛芝士本身味道不算特出, 夾著蕃茄一齊食, 有一種清新嘅感覺, 將先前舌頭上濃味嘅前菜味道清走。🔸銀雪魚西京燒伴大根木魚湯好少見會伴木魚湯, 所以呢道菜令我印象好深刻。木魚湯加咗大根, 可能為咗配合西京燒, 湯嘅味道明顯較平時嘅木魚湯甜。平時木魚湯咁甜

旺角選擇實在有太多，但要食到高質又經濟實惠既都係要自己荷包縮下水交過學費先知，今日食呢間價錢唔算平，所以幾期待食物質素。餐廳內外雖然係對住樓景唔係海景，但因為夠高，景觀都好開揚，有自然光透入好舒服，而入夜因為望岀去五光十色又別有一番風味。食物選擇選擇十分之多，Dinner Set上面既食物未見可以單點，所以一定要點Dinner Set先品嚐到，今日想鋸下扒，但又唔係好肚餓，就唔揀set。另外仲有一部平板電腦係Drinks menu，十分多選擇，仲好多造型十分精緻既特飲添。香煎美國頂級安格斯西冷扒 $288要左五成熟，不過師傅有少許控制火候控制得唔好，遠遠超過咗五成，兩邊煎至較燶，但幸好食落去冇礙味道。牛味濃郁之餘，縱使西冷扒煎得比較熟，但每一口都有肉汁擴散係口中，唔會有渣，有點岀乎意料之外。香煎帶子寬條麵伴煙紅椒汁 $188由於唔係好肚餓，唔想點兩份肉類，就叫左一款意粉，食物上枱速度都算快，比預期中大份，帶子有三粒，粒粒都有五蚊銀咁大，外面煎至少少硬身，而內裡好爽口，亦帶清甜味道，寬條麵十分掛汁，唔知係咪有加淡忌廉/奶落去同煙紅椒粉一齊煮成汁，煙紅椒汁十分creamy，如果怕膩，兩個人

女朋友生日 諗咗好耐 又揀咗好耐都唔知去邊間餐廳食好經過精心細選 最後揀咗呢間sky726原本有另一間比較想去但放工時間嘅關係 所以去唔到個間咁我就揀咗呢間喇我係喺openrice搵邊到有岩心水餐廳所以搵咗呢間都直接係到訂埋位嘅生日有八折呀一上到去 就即刻有位坐啦 因為訂咗位嘅枱上有盞蠟燭燈仔嘅有個高樓大廈景 冇乜特別風景好睇張枱嘅擺設佢有二人餐但望黎望去都唔岩口女朋友又冇所謂 等我揀我又揀唔到咁最後決定叫兩塊牛扒食分別係香煎美國頂級安格斯肉眼同埋西冷嘅之後再點多咗杯嘢飲記得侍應好似話咩全日happy hour 嘢飲一律八折（好似係）Cookies’N Cream $88杯嘢幾好味朱古力味濃唔會太甜香煎美國頂級安格斯肉眼扒 $388塊扒佢寫住12oz 幾大塊呀都 但塊扒比較多筋點咗五成熟肉眼都幾香嘅只係略嫌太多筋比較難咬得開生熟有啲唔太均衡不過都可以接受嘅香煎美國頂級安格斯西冷扒$288另一塊扒點咗西冷黎食伴碟一樣嘅都係有啲薯蓉有啲瓜七成熟嘅西冷扒西冷比較有口感肉味都重呢啲呢塊西冷都唔錯都幾有咬感塊扒望落都幾靚嘅朱古初火焰珠 $88食完個兩碟扒收碟個侍應問我地點唔點甜品女朋友就話要個餐