Olive Cafe (新領域廣場) (Closed)

Weekdays lunch hour喺荃灣搵食，見餐廳喺天橋隔離就一於試吓！12點半左右，餐廳仲係無乜人。一到咗1點，已經full house！以西餐lunch menu嚟講，一份main加湯加沙律加餐飲，價錢算幾抵食！是日餐飲仲要係烏龍茶！如果要加$12 for餐飲就貴咗少少！值得一提，沙律好大碗，仲有得揀麻醬/黑醋油！店員好好，麻醬提供得好足夠！是日餐湯係紅湯。忌廉汁鮮蝦螺絲粉，味道不錯，份量亦好足夠！牛肉眼150g，石頭板上！店員好貼心，提醒我哋燒汁唔好倒上石板，因為石板真係好熱！上餐時油煙仍然不停彈起，所以唔想彈污糟衫記得拎紙巾擋一擋！然而最驚喜係原來可以跟一碗白飯！牛扒送飯，超級滿足！牛扒份量剛好足夠！建議：石燒牛扒最怕overcooked!所以建議牛扒上枱後，燒至5成熟就要搬離石板！要食前先放上石板再煎！但時間都要好好把握，因為食得太慢，石頭就會放涼！最後，最欣賞係餐廳免收加一！所以計計埋埋$78有個石燒牛扒午餐真係算好抵！

噚日(23-4-2022 Sat)同老公送完街食晏,我記得重有呢間,我好多年前喺佢第一間舖幫趁過呢間(上次食評係2009年6月5日刊登嘅呢篇: https://www.openrice.com/zh/hongkong/review/%E6%9C%89%E8%AA%A0%E6%84%8F-e2001314)未懲罰,於是帶老公嚟,我哋嚟到時已有一枱客,今次到老公唔太餓,我哋坐低睇完menu,原本要一個set lunch加一個小食,但老公話小食唔抵,所以最後決定要2個set lunch,$58.00嘅迷你瑪格麗薄餅同$65.00嘅香草忌廉汁鮮蝦螺絲粉.1. 是日餐湯~羅宋湯材料幾足,我覺得酸咗啲啲,老公就嗌正.味道:4分2. 雜菜沙律店員話有油醋同麻醬,問我哋要咩味?我答每樣一個.我先食前者,都真係幾油吓,粟米稍為過腍,雜菜新鮮嘅.而麻醬嘅都正常冇問題.味道:4分4. 是日飲品~凍青蘋果四季春茶飲到青蘋果味但四季春茶茶味就唔太出.味道:3分5. 迷你瑪格麗薄餅由於唔知係咩料,所以試吓,呢個係厚底,味道少少酸甜咁.味道:4分3. 香草忌廉汁鮮蝦螺絲粉口感同味道都正常冇問題.味道:4分6. 加$

哩間餐廳開咗好多年，成日覺得佢個位置好特別好隱蔽，門外裝修有少少文青同田園嘅感覺，咁耐以嚟都無去過，最近老公搬咗去荃灣返工，好，一於試吓。我哋叫咗迷你瑪格麗薄餅同香草忌廉汁鮮蝦螺絲粉餐，套餐包餐湯、沙律同飲品，價錢十分大眾化。最先到嘅竟然唔係餐湯或沙律，而係瑪格麗薄餅。餐廳裡面得兩個侍應，我諗佢哋都做唔切，上菜嘅次序都亂晒了。薄餅一到，我同老公都打咗個突，講真，我無諗過迷你成咁，只有女人手掌✋🏽咁大，我本身都算細食，但我都唔夠飽。味道就十分普通，我老公話似係急凍薄餅，薄底好乾身唔煙靭，番茄醬得好少，芝士無乜香味，有點失望。食完薄餅，過咗十五分鐘都無其化嘢到，期間我哋都有向侍應打眼色，但佢哋無理，見佢哋好忙我哋都唔好意思催佢哋，但等了又等，等到把鬼火忍唔住問侍應，佢話幫手跟一跟，我哋都幾肯定佢哋漏咗單。過咗五至十分鐘，螺絲粉終於到了。份量一樣好迷你，顏色唔太討好，本身都無乜期望，點知一食，嘩，我們錯了！好美味！個忌廉汁好濃郁，帶有淡淡嘅辣味好惹味！螺絲粉軟硬度亦合適，蝦都唔錯，整體有驚喜。過咗一陣，佢哋又上多一個薄餅，相信佢哋真係人手十分短缺，頻頻出錯。過咗一陣，湯終於來了，次序真係錯晒