Video
Read full review
2011-08-13
339 views
上樓食肆，踏入門口見到好似一個 party 房放左十多張枱咁囉。早段七時左右得兩三枱客，都清靜又坐得舒服，可以傾到計。到八點幾就已經全場坐滿，嘈音勁到耳都有回音呀 ﹗因為係密室入面囉，嘈到頭痛 ~ 下次真係要早啲到，早啲走呀 ﹗出品夠創新、種類勁多又有水準，欣賞、滿意 ~ 起碼要去五六次先試得晒呀 ~服務非常一般，侍應們都較為幼嫰同唔熟手 ~ 行到熱辣辣，即叫支啤酒降吓火先，發現杯口崩左，咁就麻煩位侍應小妹妹換過隻無爛既比我啦，佢攞住隻爛杯行去老遠既廚房換比我，點解唔係後面張枱攞隻杯比我先，之後再行去廚房呢？同我朋友都笑左。數分鐘後，侍應小妺妹攞住隻新杯返到黎喇，謝謝。但係發現隻杯有黑色一點點既污漬，到底位小妹妹有否檢查過先呢？今次麻煩位侍應哥哥換杯，見佢應該有一定工作經驗，除即係後面張枱攞過隻新杯我 ﹗即刻立竿見影，依啲咪用腦、醒目架囉 ~menu 色彩鮮艷，照片吸引，十幾種特式湯底未試過，仲有好多創意食材，都唔知黎幾多次先試得晒。朋友仔食左野先黎，所以示意只會咬兩啖，咁咪即係機乎係我自己食？﹗鮑參翅肚湯底，應該叫做清湯底先啱。飲落都有啲海味既味道，但係好淡，免強接受。跟住我就摷吓咩
服務非常一般，侍應們都較為幼嫰同唔熟手 ~ 行到熱辣辣，即叫支啤酒降吓火先，發現杯口崩左，咁就麻煩位侍應小妹妹換過隻無爛既比我啦，佢攞住隻爛杯行去老遠既廚房換比我，點解唔係後面張枱攞隻杯比我先，之後再行去廚房呢？同我朋友都笑左。數分鐘後，侍應小妺妹攞住隻新杯返到黎喇，謝謝。但係發現隻杯有黑色一點點既污漬，到底位小妹妹有否檢查過先呢？今次麻煩位侍應哥哥換杯，見佢應該有一定工作經驗，除即係後面張枱攞過隻新杯我 ﹗即刻立竿見影，依啲咪用腦、醒目架囉 ~
menu 色彩鮮艷，照片吸引，十幾種特式湯底未試過，仲有好多創意食材，都唔知黎幾多次先試得晒。朋友仔食左野先黎，所以示意只會咬兩啖，咁咪即係機乎係我自己食？﹗
鮑參翅肚湯底，應該叫做清湯底先啱。飲落都有啲海味既味道，但係好淡，免強接受。跟住我就摷吓咩料先，散筲筲細細舊有海參、鮑片，其他就唔多覺眼喎，最多係蔥囉。朋友仔話飲雞湯怕燥，唔食得麻辣，魚湯又怕敏感，普通沙嗲清湯鴛鴦又有啲悶，最後咪試依個湯囉。
頂級手切肥牛，當然要最貴既一隻啦，good good good ﹗滑不留口，要注意千奇唔好太熟，粉紅色時既口感同味道最好 ﹗香甜美味，牛味濃，正 ﹗
蟹籽墨魚滑釀魚肚，佢地改左個較特別既名，但我唔記得左，睇個名係唔會知食咩囉。魚肚本身有咸味，個人覺得味道太濃，咸左啲啲。墨魚滑鮮爽彈牙，好味。三種食材併埋既口感豐富又得意，幾好。
錦滷炸腐皮，有食肆稱炸腐皮為吊鈴。可以直接點錦滷汁食，又或者放湯打邊爐。個人不太喜歡，麻麻地，其實我唔多好此味，好油膩。。
手打四色丸，鯪魚滑、豬肉丸、鮮蝦丸、墨魚滑，款款鮮甜美味，口感彈牙。不過係其中一粒豬肉丸內發現有垃圾，好采唔係玻璃 ﹗豬肉丸內發現既碎片，趙趙吓有野硬屈屈又刮口，諗住有骨碎啫，吐出黎仲以為係玻璃，驚鬼死。檢查後可能係膠片掛，都有成厘米咁長，好采無事。
魚三角，招牌菜一定要試 ﹗其實係魚既下巴。啖啖肉，只有幾條大骨，啱晒唔識食魚或係超綠懶人。可能下巴運動量大，所以魚肉特別嫰滑兼有趙口，魚味特濃，好好味，支持 ﹗一客有六隻既魚下巴，朋友仔已好飽喇，咁我唯有一口氣食五件，成碟都係骨，放左好耐都無侍應主動幫忙更換，唉。
打到差不多尾聲喇，個湯底終於有啲顏色睇吓，不過味道始終掙少少。今次全肉宴，完全無叫過菜，因朋友仔只係咬幾啖，而又我實在太飽喇，所以無叫菜，如果有烚菜，湯底會更甜可口。
醉雞子，由一小時三十分之前剛坐低就即落單既雞子，到依家埋單先到，經理仲要話入左單又上左枱無得取消，依個咩道理呀？﹗我算數，唔想嘈、唔想動氣，食埋就開開心心去睇氣。見啲雞子仲未解晒凍，內裡依然入晒雪又硬屈屈，咁就一次過倒晒落個鍋度，食埋就問啦。發現除左有火雞籽外，仲私人醒左幾粒新鮮雞子喎。顏色特別黃、特別細嗰幾粒就係喇，蛋味格外香濃，口感超棉滑，好易分架乍。依味叫醉雞子，但無咩花雕香味，梗係啦，都未解凍點醃呀，邊有可能入味喎，新黎架？幸好，雞子就算無醃都好好味。
Post
