串カツ専門店

Open Now

Now Closed

比起日式串燒，我自己就更偏愛食日式炸串🍢今次推介嘅呢間居酒屋就係專食炸串，由日本師傅主理，價錢相宜之餘又夠正宗😋✨白燒鰻魚（$68）佢地嘅鰻魚同平是食到嘅有少少唔同，並冇塗上一層鰻魚汁再燒，食落鰻魚本身嘅魚味會更突出，味道唔錯。✨鮟康魚肝（$48）鮟康魚肝係我最鍾意嘅送酒小菜之一，佢地嘅鮟康魚肝上加上左酸汁，常見嘅食法，好味🤤✨日式炸串呢度嘅炸串都算係幾抵食，價錢ard$12-30左右，每串都新鮮炸起，有好多款式都好想試！✨日本產生蠔（$88）超推薦佢地嘅生蠔刺身，新鮮之餘非常大隻，味道鮮美🤤基本上每樣野食都好好味😋絕對會再幫襯。值得一提嘅係佢地嘅梅酒同桃酒都好好飲，值得一試。

前一晚女友同朋友試完，第二日就話要番食，有好野食，當然第一時間去試啦，我地大約6：45上到去(有book位) ，上到去環境感覺都似日本嘅居酒屋，大約有30個位左右，已有半場食客，主要日本人，因為呢間老細係日本人，所以全間鋪嘅員工都識日文，氣氛唔錯～我地點咗白子，薯仔沙律，芝士明太子蛋卷，啤酒煮蜆，酒盜芝士，鮟康魚肝，吞拿魚他他，鹽枝豆，炸串嘅有：牛腸串，芝士餅串，帆立貝串，白魚串....另外飲酒..咁多樣食物比我感覺～白子：好新鮮，似日本本地食炸物：感覺一流，炸皮唔厚，食材新鮮芝士明太子蛋卷：一定要食，非常好食👍🏻吞拿魚他他：佢做法唔做全蓉，中間留番一啲細粒，增加口感，新鮮，好食～酒盜芝士，鮟康魚肝：送酒小食，唔錯薯仔沙律：偏鹽咗一點啤酒煮蜆：全晚比較失望嘅一道菜，煮得過熟..除咗食物，最值得讚嘅係每一個員工都好有禮貌，同埋環境好乾淨(包括廁所) ，所以呢間一定會再番轉頭食

第二次食呢間串炸，都keep到水準先幫佢寫下食評!食得串炸，怕熱氣就唔好食啦～ 要食就食油膩香口既!我推介呢間野除左食物美味之外，就係佢開得夠夜，成4點先閂門!宵夜場好難得咁夜先閂!店員好殷勤好有禮物，每次上菜好有心機解釋每一串食物，唔嫌我好煩店內會播日本歌增強氣氛，食物種類於一間串炸店來說算是臨