楓林小館

Open Now

Now Closed

🇭🇰味道唔錯，份量又夠多，座位闊落環境又清靜，啱曬悠閒傾偈食飽飽。🌗椒鹽鮮魷（小） $118細份得黎都幾大份😆，魷魚偏薄偏軟但亦見彈牙，外層粉漿蓬鬆，與鮮魷厚薄不成比例，另椒鹽味不足，重口味啲會更好。🌗紅燒乳鴿 $78乳鴿都幾大隻，每人¼隻已經夠，皮薄肉厚但唔夠嫩滑多汁。🌖鮮果脆皮黑豚肉 $148其實即㡳咕嚕肉😆，黑豚肉肉質嫩滑，外層香脆薄粉，肥瘦度剛好，唔會一忽柴皮一忽肥膏；醬汁甜酸味適中，唔會太酸太刺激👍🏻。🌖欖角冰梅骨 $158冰梅骨甜甜酸酸夠晒開胃，味道清新酸味溫和；欖角嘅味道唔突出，可能已經同甜酸融為一體，份量好多食極都仲有。🌗魚湯花甲浸勝瓜 $118花甲數量夠晒多，而且全部都係新鮮開晒口，清潔都做得好好，一粒沙都無；花甲同勝瓜都夠味，可惜魚湯太鹹，唔可以當湯咁飲。🌗芝士汁中蝦煎脆米粉 $188中蝦新鮮彈牙；米粉雖然都脆脆地，但有少少黐牙，每人分到兩片脆米粉，加埋芝士汁食實在好夠飽。

慕名而來食乳鴿，果然沒有失望，5分鐘就上枱。又香又熱又脆又嫩又入口，根本唔使點鹽同埋醬汁，食完好想再叫多隻，伴碟嘅蝦片都好食。叫咗個魚翅撈飯，先食魚翅，再撈埋飯，正。其實$198不是貴。鮮果脆皮黑豚肉，以為有鮮果，原來係三色椒再加菠蘿，即係咕嚕肉。雖然俾個名呃左，但係就呢碟餸係好有鑊氣嘅，黑豚肉係又脆又新鮮又嫩。食完服務員問我哋要唔要糖水，紅豆沙送的。食過糖水好滿足，已經拐咗我哋嘅心，下次想2個人叫2隻乳鴿。

今次第一次試呢間響大圍好出名既中菜館分店。位置唔算難搵，門口一上樓梯便到餐廳。整體裝修佈局幾優雅，放左一d中式擺設做裝飾，而當日坐既卡位亦非常闊落，坐得非常舒服；此外，餐廳杯杯碟碟好乾淨，連洗手間都好企理，衛生水平相當高，服務環境屬中高檔次食物方面，我地嗌左「招牌紅燒乳鴿」，皮脆肉嫩，一食落去肉汁爆哂出黎，而蝦片都炸得香口，果然係鎮店之寶另外，我地點左「鮮果脆皮黑豚肉」，又一驚喜之作，黑豚肉肉質鮮嫩，而且師傅將外皮炸得好爽脆，淋上酸甜汁，實在是難以形容既美味！「黃金蝦炒飯」亦不負我所望，炒飯炒得乾身，而且富有鹹蛋黃香，蝦仁亦新鮮爽口，非常美味最後，餐廳仲送左兩碗免費糖水，綠豆沙好足料，原本想嗌芝麻卷，但因為太飽既緣故，唯有下次再試！