馬泰

Open Now

Now Closed

馬太福音七章十二節，【你們要提防假先知，他們表面是羊，內裡卻是披著羊皮的狼。】狼唔狼我就唔敢講，但呢間「馬泰」呢，我就一定係當佢羊咁趙咖啦！食硬你呀！ 👇📌下 午 茶 套 餐 -▪ 泰 式 蔗 蝦 撈 檬 粉 - $56 ▫ 第一個先試個「泰式蔗蝦·撈檬粉」，蔗蝦水準高質，食落夠哂彈牙厚身，而檬粉份量十足，配搭酸汁、花生、蒜片，整體撈埋一齊食，酸酸甜甜又夠飽肚，幾抵食。▪ 馬 來 海 鮮 摻 摻 喇 沙 - $62▫ 另一款「馬來海鮮·摻摻喇沙」一次過食勻大蝦、蜆肉、蟹柳、魚蛋、豆卜、雞蛋、魷魚。先講湯底，濃而不膩，而兩種麵條口感上有明顯唔同咬口，加上吸收哂湯底同海鮮精華，份外惹味，唔錯。📌升 級 優 惠 - (+$28) ▪ 鮮 椰 青 - ▪ 馬 泰 香 芒 糯 米 飯 - ▫ 升級就一定要咖啦，嗌埋個前者「鮮椰青」同埋「馬泰香芒·糯米飯」。前者椰青就咁插支飲筒入去已經飲得，裡面果肉亦可以慢慢刮，果肉食落非常鮮甜；而後者糯米飯質感煙韌彈牙，芒果相當新鮮，連埋一齊食，口感夠哂豐富，好食！

話說我嘅中醫師，兼朋友同半個阿哥之前話好耐冇同我食過飯，於是我就喺schedule book篤咗兩日出嚟～ 而今日就係第二日，亦都係我考車筆試前嘅一個晚上🚘。可以同佢傾吓又呻下，再加埋美食當前，真係咩煩惱都暫時冇晒～～🤩😋😋·泰式炒金邊粉🦐🦐係我食星馬泰菜既有嘅班底，金邊粉炒得夠乾身，又冇話會黐埋晒一齊，跟住配料都十足嘅～其實我覺得咁就已經好好～👍🏻 不過小弟唔食得蝦，就俾晒我阿哥食，佢話啲蝦都好有鮮味，唔係hea嘅～·泰式厚切香茅豬扒摻摻喇沙香茅豬扒炸得脆口之餘，又唔油身，再加上真係厚切，食落個口感係正嘅～ 至於摻摻就係兩種麵溝埋一齊，係馬來西亞嘅傳統。食落個感覺係幾特別嘅～ 至於喇沙湯底唔係話太辣、太油，食到好重椰奶味嘅濃湯。🤤😬·泰式芒果糯米飯🥭🥭食到尾梗係要整返個芒果糯米飯先夠圓滿啦～ 講吓佢個賣相先，整到好似一件件壽司🍣，再放喺一塊木板上面，感覺好日系。糯米飯暖暖甜甜好開胃，再加上上面甜甜酸酸嘅芒果塊，食落fresh得嚟成件事好夾。最後仲有無限量嘅椰漿refill，鍾意椰奶味嘅我，真係開心到癲咗！！ 亦都為今晚畫上一個完美嘅句號！！！

呢排早咗放工，就特登同朋友嚟到銅鑼灣覓食😋沿着駱克道行咁啱見到一間新開嘅泰國餐廳🇹🇭出面望入去見到餐廳嘅裝飾好有特色，牆上面都畫住一啲泰式食品嘅畫或者一啲泰國相關嘅裝飾👻餐廳仲好貼心咁預備左口罩信封俾我哋入口罩👍🏻咁啱我哋兩個都唔算好肚餓，就叫咗少少野一齊分嚟食👍🏻曼谷辣豬肉碎生菜包 ($72)平時點生菜包嘅豬肉碎都有好多肥豬肉，每次食都有啲罪惡感😣今次嘅肉碎冇咩肥肉，較為乾身，感覺健康得多😛我哋冇特登request辣度，平時食開辣嘅我都覺得有少少辣🌶份量唔算多，不過兩個人食啱啱好，有驚喜！地道串燒 (雞x2 + 牛x2) ($68)有兩條雞串同埋兩條牛肉串，意外地見到仲有細細塊嘅多士喺側邊，可以點特製嘅沙嗲醬一齊食，甜甜地都幾惹味😋鮮椰青($35)大大個非常解渴，仲可以刮啲肉食😋斑蘭椰汁冰 ($28)超級推薦！！！個人嚟講甜度啱啱好，亦都係一個好好嘅解渴飲品✌🏻總括而言食物質素特別係飲品非常唔錯，價錢略貴不過環境都坐得幾舒服🙈